Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд

Дирӯз суҳбати телефонии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Федератсияи Русия муҳтарам Владимир Путин доир гардид, хабар доданд ба АМИТ «Ховар» дар Хадамоти матбуоти Президенти Ҷумҳурии Тоҷикистон.

Дар ҷараёни суҳбат сарони ду давлат ҷараёни рушди ташвишовари вазъият дар Афғонистон ва дар ин зимн вазъи марзи Тоҷикистону Афғонистонро мавриди баррасӣ карор доданд.

Ҳамчунин атрофи ҷанбаҳои алоҳидаи масъалаҳои мубрами рӯзномаи минтақавӣ ва байналмилалӣ мубодилаи афкор сурат гирифт.

Пешвои миллат Эмомалӣ Раҳмон Раиси Сенати Ҷумҳурии Қазоқистон Маулен Ашимбаевро ба ҳузур пазируфтанд

13 май дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Раиси сенати Ҷумҳурии Қазоқистон Маулен Ашимбаевро, ки бо даъвати Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо сафари расмии ҷавобӣ дар Тоҷикистон қарор дорад, ба ҳузур пазируфтанд, хабар доданд ба АМИТ «Ховар» дар Хадамоти матбуоти Президенти Ҷумҳурии Тоҷикистон.

Дар ҷараёни мулоқот маҷмӯи васеи масъалаҳои ҳамкории ду кишвар мавриди баррасӣ қарор дода шуд.

Президенти Ҷумҳурии Тоҷикистон муҳтарам Эмомалӣ Раҳмон изҳор доштанд, ки рушди муносибатҳои шарикии стратегии Тоҷикистон ва Қазоқистон самти афзалиятноки сиёсати хориҷии давлати мо буда, ба анъанаҳои деринаи дӯстӣ, ҳусни тафоҳум ва дастгирии ҳамдигар асос ёфтаанд.

Баргузории конференсияи илмӣ-адабӣ ба муносибати Рӯзи ҷавонони Тоҷикистон таҳти унвони “Ҷавонон ва ҳифзи манфиатҳои миллӣ”

Имрӯз, 13.05.2022 дар толори Кохи фарҳангии “Истиқлол”-и маркази шаҳр дар доираи моҳвораи ҷавонон ба муносибати Рӯзи ҷавонони Тоҷикистон таҳти унвони “Ҷавонон ва ҳифзи манфиатҳои миллӣ” конференсияи илмӣ-адабӣ бо иштироки ҷавонони муассисаҳои таълимӣ, коллеҷи тиббӣ ва дигар кохонаву муассисаҳо баргузор гардид.

Конфренсия бо садо додани Суруди миллӣ оӯоз гардид, Дар кори  конференсия Аҳлиддин Абдураҳмонов мудири бахши кор бо ҷавонон ва варзиши шаҳр, Сафарзода Мулоохун мутахассиси раёсати таълими Донишкадаи кӯҳию металургии Тоҷикистон, ҳамзамон докторанти МДТ “Донишгоҳи давлатии Хуҷанд ба номи академик Бобоҷон Ғафуров”, Ризвоншоҳ Ғуфронов устоди Колеҷи омӯзгории “ДДХ ба номи академик Бобоҷон Ғафуров”,   ҳамзамон докторанти МДТ “Донишгоҳи давлатии Хуҷанд ба номи академик Бобоҷон Ғафуров”, Бахтовар Ҷумаев мудири шуъбаи ташкилӣ ва кор бо кадрҳои дастгоҳи Раиси шаҳр, Фаридуншоҳ Абдуллоев мутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр ва Фатҳиддин Фатҳиев донишҷӯи бахши 3-юми МДТ “Донишгоҳи давлатии Хуҷанд ба номи академик Бобоҷон Ғафуров” иштирок ва суханронӣ намуданд.

Баргузории чорабинии фарҳангӣ ба муносибати Рӯзи шашмақом

12 майи соли ҷорӣ дар Кохи фарҳангии “Истиқлол”-и маркази шаҳр чорабинии фарҳангӣ доир ба таҷлили Рӯзи шашмақом баргузор гардид. Фаридуншоҳ Абдуллоев намояндаи Мақомоти иҷроияи ҳокимияти давлатии шаҳр табрикоти иҷрокунандаи вазифаи Раиси шаҳр Раъно Ҳошимзодаро манзури аҳли фарҳангчиён ва иштирокдорон намуд. зикр гардид, ки Аз 12 майи соли 2000 шурӯъ намуда, бо дастури Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола дар кишвар12 май ҳамчун Рӯзи шашмақом таҷлил карда мешавад.

Пешвои муаззами миллат муҳтарам Эмомалӣ Раҳмон бо мақсади такмили минбаъдаи анъанаҳои фарҳангии мусиқии халқи тоҷик, дар заминаи арзишҳои аслии санъати мақомхонӣ равнақ додани ҳисси зебоипарастии халқ фармонро «Дар бораи инкишофи минбаъдаи санъати шашмақомхонӣ дар Ҷумҳурии Тоҷикистон» ба имзо расонданд.