КОРРУПСИЯ - ПАДИДАИ ХАТАРЗО БАРОИ АМНИЯТИ МИЛЛӢ

Санаи 08.12.2023 тибқи нақшаи тасдиқгардида бахши кор бо ҷавонон ва варзиши шаҳри Гулистон дар толори фарҳангии Ҷамоати шаҳраки Адрасмони   хониши сиёсӣ доир ба иҷрои фармони Президенти Ҷумҳурии Тоҷикистон аз санаи 03.08.2021, №111 «Дар бораи татбиқи Стратегияи муқовимат бо коррупсия дар Ҷумҳурии Тоҷикистон барои давраи то соли 2030», қарори Раиси вилояти Суғд аз 28.09.2021, №468 «Дар бораи татбиқи Стратегияи муқовимат бо коррупсия дар Ҷумҳурии Тоҷикистон барои давраи то соли 2030» ва қарори Раиси шаҳр аз санаи 25.10.2021, №266 «Стратегияи муқовимат бо коррупсия дар Ҷумҳурии Тоҷикистон барои давраи то соли 2030» оид ба пешгирии корруппсия дар мавзуи “Коррупсия – падидаи хатарзо барои амнияти миллӣ” бо иштироки ҷавонони муассисаҳои таълимии №5, №7, №13 ва волидайни онҳо баргузор карда шуд.

Дар вохурии мазкур  мудири бахши кор бо ҷавонон ва варзиши шаҳр Аҳлиддин Абдураҳмонов ва  и.в. мудири бахши кор бо занон ва оила Сатторова Матлуба иштирок ва суханронӣ намуданд.

Истилоҳи коррупсия дар аввалин адабиёти ҳуқуқӣ ва динии Юнони қадим, Мисри қадим, Ҳинд ва Чини қадим ва дигар тамаддунҳои қадимтарини дунё ба чашм мерасад. Масалан, дар китоби «Тарбияномаи Геракл ба писараш Мерикар» омадааст: «Агар хоҳӣ, ки ба тамоми халқ сухани ту коргар бошад, кўшиш намо, ки аз мансабдорони империя ягон зарраи даромад дарёфт накунӣ, зеро забони ту дар ҳузури онҳо кўтоҳ ва ҳамаи умури давлатдории ту фано меёбад».

Баргузории ярмарка-фурӯши маҳсулоти ниёзи аввалия

Санаи 09.12.2023 дар шаҳри Гулистон бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати захираи маводи ғизоӣ ва нисбат ба бозор бо нархҳои дастрас пешниҳод намудани маҳсулоти ниёзи аввалия ярмарка-фурӯши маҳсулоти ниёзи аввалия ва кишоварзӣ баргузор гардид.

Ярмаркаи мазкур ҷиҳати таъмини сокинону меҳмонони шаҳр бо маҳсулоти хушсифати кишоварзию агросаноатӣ ба роҳ монда шуд.

Дар ярмарка маҳсулоти ниёзи аввалия бо нархҳои нисбатан ба бозор арзонтар пешниҳоди сокинон гардид.

Ғолибияти футболбозонӣ ҷамоати шаҳраки Адрасмони шаҳри Гулистон, дар даври вилоятии мусобиқаи футбол байни деҳа ва маҳаллаҳои аҳолинишинӣ шаҳру ноҳияҳои вилояти Суғд

Санаи 04.12.2023, дар варзишгоҳи “Спартак”-и шаҳри Хуҷанд даври ниҳоии мусобиқаи вилоятӣ оид ба футбол байни деҳа ва маҳаллаҳои аҳолинишини шаҳри Гулистон ва Истаравшан баргузор гардид.

Зикр кардар ба маврид аст, ки дар мусобиқаи мазкур дастаҳои ғолиби марҳилаи дуюми шаҳрӣ ва ноҳиявӣ ба даври сеюм роҳхат пайдо намуда, иштирок ва байни ҳам қувваозмоӣ намуданд.

Бояд ёдовар шуд, ки дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон мусобиқаҳои варзишӣ аз рӯи намудҳои футбол, волейбол, шоҳмоту шашка ва гӯштини миллӣ байни деҳа ва маҳаллаҳои аҳолинишини шаҳру ноҳияҳои кишвар дар чор марҳила роҳандозӣ карда шудааст.

ВОЛОНТЁРӢ - ШАРАФ АСТ!

Санаи 05.12.2023 дар толоти МДТИ-и шаҳри Гулистон ба муносибати Рӯзӣ байналмиллалии волонтёрон дар мавзӯи “Волонтёрӣ шараф аст”, ҳамоишӣ идона баргузор гардид, ки дар он мудири бахши кор бо ҷавонон ва варзиши шаҳри Гулистон Аҳлиддин Абдураҳмонов ва директори МДТИ-и шаҳри Гулистон Эмомалӣ Бобоев иштирок ва суханронӣ  намуданд.

Чорабиниро мудири бахши кор бо ҷавонон ва варзиши шаҳри Гулистон Аҳлиддин Абдураҳмонов оғоз намуда, доир ба фаъолияти  волонтёрӣ, ки мактаби бузурги худташаккулдиҳӣ ва фаъолияти волонтёрӣ дар Ҷумҳурии Тоҷикистон маҳсуб меёбад, суханронӣ намуд.

Сипас  директори МДТИ-и шаҳр Эмомалӣ Бобоев дар мавзӯи зикргардида суханронӣ намуд.