Даври шаҳрии озмуни вилоятии "Тирамоҳи заррин" баргузор гардид

Санаи 26-уми октябри соли 2023 дар Муассисаи давлатии "Маркази таҳсилоти иловагӣ"-и шаҳри Гулистон  бо мақсади омӯзиши табиати диёр, бунёдкорӣ ва сохтани ҷаҳони маънавии хонандагон, бахшида ба Иди "Меҳргон" даври шаҳрии озмуни вилоятии "Тирамоҳи заррин" пуршукӯҳу хотирмон дар фазои кушоду пуртаровати тирамоҳӣ доир гардид.

Озмун аз рӯи 3 бахш: "Ташкили намоишгоҳ аз маводи табиӣ", "Ҳимояи рисолаву реферат" ва "Расми беҳтарин" гузаронида шуд. Дар озмуни мазкур хонандагони муассисаҳои таълимии шаҳр фаъолона иштирок намуданд.

ВОХӮРӢ ДОИР БА ТАРБИЯИ ВАТАНДӮСТИИ ШАҲРВАНДОН, ПЕШГИРИИ ПАДИДАҲОИ НОМАТЛУБ ДАР ҶОМЕА ВА ДАЪВАТИ ҶАВОНОН БА САФИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН

Санаи 26.10.2023 дар толори ҷамоати  шаҳраки Консой доир ба тарбияи ватандӯстии шаҳрвандон, пешгирии падидаҳои номатлуб дар ҷоме ва даъвати ҷавонон ба Сафи Қувваҳои Мусаллаҳи Ҷумҳурии Тоҷикистон вохӯрӣ баргузор карда шуд.

Дар вохӯрии мазкур муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов, ва Сатторова Матлуба и.в. бахши занони мақомоти иҷроияи ҳокимияти давлатии шаҳр иштирок ва суханронӣ намуданд.

Зикр карда шуд, ки вазъи мураккаби геополитикии ҷаҳони муосир ва паҳншавии зуҳуроти номатлубу даҳшатовари терроризм ва экстремизм, ки барои ҷомеаи башарӣ, сулҳу субот, амнияти давлат ва рушди устувори давлатҳо таҳдиди бевосита менамояд, на танҳо Ҷумҳурии Тоҷикистон, балки сайёраро ба ташвиш овардааст.

Гулваши Иброҳим ​ ғолиби даври вилоятии озмуни ҷумҳуриявии “Тоҷикон”- оинаи таърихи миллат”​

21 октябри соли 2023 дар толори мақомоти иҷроияи ҳокимияти давлатии вилоят маросими қадршиносии ғолибони даври вилоятии озмунҳои ҷумҳуриявии “Илм –фурўғи маърифат” ва​ ​ “Тоҷикон”- оинаи таърихи миллат”​ баргузор гардид.

Раиси вилояти Суғд Раҷаббой Аҳмадзода зимни суханронии худ ғолибони озмунҳоро табрик гуфта, қайд намуд, ки​ озмунҳо таҳти сарпарастии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир гардида, дар баланд бардоштани сатҳи дониш ва маърифати аҳли ҷомеа нақши шоиста мегузоранд.

Тазаккур дода шуд, ки мақомоти иҷроияи ҳокимияти давлатии вилоят дар партави дастуру ҳидоятҳои Пешвои миллат муҳтарам Эмомалӣ Раҳмон ҷиҳати дар амал татбиқ намудани барномаву ҳадафҳои бузурги давлату Ҳукумат дар самти рушди илм ва ҷалби бештари ҷавонону донишҷўён ба илмомузӣ тамоми тадбирҳои заруриро меандешад.

ВОХӮРӢ ДОИР БА ПЕШГИРИИ ПАДИДАҲОИ НОМАТЛУБ ДАР ҶОМЕА ВА ДАЪВАТИ ҶАВОНОН БА САФИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН

Санаи 20.10.2023 дар толори муассисаи таҳсилоти миёнаи умумии №4-и деҳаи Гулдараи  шаҳраки Адрасмон доир ба пешгирии падидаҳои номатлуб дар ҷоме ва даъвати ҷавонон ба Сафи Қувваҳои Мусаллаҳи Ҷумҳурии Тоҷикистон вохӯрӣ бо иштироки падару модарон ва хонандагони синфҳои 9-11 баргузор карда шуд.

Дар вохӯрии мазкур муовини Раиси шаҳри Гулистон Ғайрат Оқилзода, мудири бахши кор бо ҷавонон ва варзиши шаҳр Аҳлиддин Абдураҳмонов, Баҳодур Аҳмадҷонов ҳуқуқшиноси мақомоти иҷроияи ҳокимияти давлатии шаҳр, Муродҷон Абдуллоев мудири бахши бойгонӣ,  Парвиз Касирзода корманди комиссариати ҳарбии шаҳр, Сарҳад Баротзода раиси ҷамоати Адрасмон ва Улуғбек Хоҷаев директори муассисаи мазкур иштирок ва суханронӣ намуданд.