РӮҲИ СОЛИМ ДАР ҶИСМИ СОЛИМ АСТ

Субҳи имрӯз, 15.05.2022 дар шаҳри Гулистон бахшида ба Рӯзи ҷавонони Тоҷикистон Дави миллӣ ва марафони велосипедронӣ бо иштироки табақаҳои гуногуни аҳолӣ баргузор гардид.

Чорабинӣ бо садо додани Суруди миллӣ оғоз гардид. Сипас, иҷрокунандаи вазифаи Раиси шаҳри Гулистон Раъно Ҳошимзода иштирокчиёни чорабинӣ ва сокинони шаҳрро бо Рӯзи ҷавонон ва баргузории Дави миллӣ муборакбод гуфта, баён дошт, ки имрӯз Дави миллӣ бо ҳидояти бевоситаи Пешвои муаззами миллат муҳтарам Эмомалӣ Раҳмон дар тамоми манотиқи Тоҷикистон бо шукӯҳ ва шаҳомати хосса таҷлил мегардад.

Бо мақсади амалӣ намудани сиёсати варзишпарваронаи Асосгузори сулҳу ваҳдати миллӣ-Пешвои миллат, Президенти  Ҷумҳурии Тоҷикистон муҳтарам Эмомалӣ Раҳмон дар самти таҳкими тарзи ҳаёти солим, рушди оммавияти варзиш ва ҷалби ҷомеа ба таҳкими дўстӣ ва ваҳдати саросарӣ, имрўз сокинони шаҳру шаҳракҳои Гулистон низ бо рўҳбаландӣ дар ин чорабинии умумиҷумҳуриявӣ иштирок менамоянд. Ҳукумати Ҷумҳурии Тоҷикистон барои рушди соҳаи варзиш як силсила тадбирҳо андешидааст.

Ғолибияти варзишгарони шаҳри Гулистон, дар мусобиқаи ҷумҳуриявии намуди варзишии гуштини юнонӣ-румӣ

Санаҳои 11-13-уми майи соли равон дар шаҳри Бохтари вилояти Хатлон мусобиқаи ҷумҳуриявӣ оид ба намуди варзишӣ гуштини юнонӣ-румӣ, бо иштироки варзишгарони кишвар ташкил ва баргузор карда шуд.

Дар мусобиқаи мазкур варзишгарон аз рӯйи вазнҳои гуногун байни ҳам қувваозмоӣ намуданд. Варзишгарони шаҳри Гулистон низ Отаҷонов Муминҷон ва Гуруков Муҳаммад зери роҳбарии мураббии намуди варзишии гуштини юнонӣ-румӣ дар шаҳри Гулистон Собир Аминов дар вазни 48 кг бо рақибони худ қувваозмоӣ намуда, дар натиҷаи заҳмату талошҳо ва нишон додани маҳорати баланди варзишӣ Отаҷонов Муминҷон ҳамаи рақибони худро аз шаҳру навоҳии гуногун  мағлуб намуда, сазоворӣ ҷои якум ва медали тилло гардид ва Гуруков Муҳаммад бошад сазовори ҷои сеюм ва медали бринҷӣ гардид.

Афганистан: Синдром дефицита ума и кредита доверия "правителей" Кабула, - С.Рахимов

Афганистан: Синдром дефицита ума и кредита доверия "правителей" Кабула

ТАБРИКОТИ ИҶРОКУНАНДАИ ВАЗИФАИ РАИСИ ШАҲРИ ГУЛИСТОН РАЪНО ҲОШИМЗОДА БА ИФТИХОРИ РӮЗИ БАЙНАЛМИЛАЛИИ ОИЛА

Ҳамшаҳриёни гиромӣ!

Оила дар фарҳанги куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбад. Оила асоси ҷомеа, муҳимтарин ячейкаи ҷамъияту давлат мебошад.

Асосгузори сулҳу ваҳдати  миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд, ки: «Масъалаҳои маърифати оиладорӣ, баланд бардоштани масъулияти падару модарон дар таълиму тарбияи фарзанд, омода кардани фарзандон ба ҳаёти мустақилона ва пойдории оила аз ҷумлаи проблемаҳое мебошанд, ки диққати доимии тамоми мақомоти давлатӣ, муассисаҳои таҳсилотӣ ва кулли аъзои ҷомеаро тақозо мекунад».

Дар ҳақиқат масъалаи пойдорӣ ва рушду мустаҳкамии оила чун мавзӯи муҳими демографӣ вазифаи ҳамагон мебошад. Мо бояд дар тақдиру сарнавишти ҳеҷ як оила бетараф набошем ва агар лозим шавад, дар ҳама ҳолат ёрии хешро аз онҳо дареғ надорем. Вазифаи оила дар доираи кору бори хонадон оқилона ташкил кардани ҳаёти кӯдакон аст, то ин ки онҳо таҷрибаҳои муфиди наслҳои калонсолро аз худ намоянд ва дар фаъолияти амалии худ истифода бурда тавонанд.