Паёми табрикии Раиси шаҳри Гулистон Раъно Ҳошимзода ба ифтихори Рӯзи забони давлатии Ҷумҳурии Тоҷикистон

Ҳамшаҳриёни гиромӣ!

Забон ҳамсафари доимии ҷамъияти инсонӣ мебошад. Масъалаи густариши забон ҳамчун яке аз рукнҳои асосии давлатдорӣ ва муқаддасот ҳамеша дар маркази таваҷҷуҳи давлати мо қарор дорад. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон забони миллӣ ва ташаккули пайвастаи онро дар мақоми давлатӣ муҳимтарин рамз ва рукни истиқлолияти давлативу сиёсии мо арзёбӣ намудаанд.

Ҳанӯз, 22 июли соли 1989 дар ҷаласаи Шӯрои Олӣ забони тоҷикӣ мақоми давлатӣ гирифта буд. Ин иқдом пеш аз ҳама ба таҳкими давлатдорӣ ва посдории эҳтироми гузаштагони фарҳангшиносии мо равона гашта,  аз ҷониби кулли мардуми кишвар бо мамнуният пазируфта шуд. Бо мурури замон, бо дарназардошти тақозои замон зарурияти дохил намудани тағйиру иловагиҳо ба он ба миён омаданд, Қонуни нави Ҷумҳурии Тоҷикистон «Дар бораи забони давлатии Ҷумҳурии Тоҷикистон» аз 5 октябри соли 2009  қабул гардид.  Минбаъд ҳар сол  санаи 5-уми октябр ҳамчун Рӯзи забони давлатӣ ҷашн гирифта мешавад.

МАРОСИМИ БОТАНТАНАИ ГУСЕЛИ НАВСКАРОН БА ҲИМОЯИ МАРЗУ БУМИ ВАТАН!

Субҳи имрӯз, 02.10.2023 дар назди майдони Нишони давлатии Ҷумҳурии Тоҷикистон дар шаҳр маросими гусели ботантанаи наваскарон ба Сафи Қувваҳои Мусаллаҳи Ҷумҳурии Тоҷикистон баргузор гардид.

Чорабинии тантанавӣ бо садо додани Суруди миллӣ оғоз гардид. Раиси шаҳри Гулистон Раъно Ҳошимзода зимни суханронӣ зикр намуд, ки тибқи Фармони Президенти Ҷумҳурии Тоҷикистон аз 31 августи соли 2023, №621 “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1996-2005 Ҷумҳурии Тоҷикистон ба хизмати ҳарбӣ” ба тавсиб расид. Вобаста ба ин Хизматчиёни ҳарбие, ки муҳлати муқарраргардидаи хизмати ҳарбиро адо намудаанд, моҳҳои октябр-ноябри соли 2023 ба эҳтиёт рухсат карда мешаванд.

ДАР ҲОСИЛҒУНДОРИИ “ТИЛЛОИ САФЕД” САҲМ МЕГУЗОРЕМ

Дар шаҳру навоҳии кишвар мавсими нави ҷамъоварии ҳосили пахта оғоз гардидааст. Деҳқонон дар ин сол меҳнати самаранок намудаанд ва самараи дастранҷи онҳо ҷамъоварӣ карда мешавад.

Санаҳои 30-юми сентябр ва 1-уми октябр дар рӯзҳои истироҳатӣ барои ёрӣ расонидан ба дастранҷи меҳнати кишоварзон кормандони Мақомоти иҷроияи ҳокимияти давлатии шаҳри Гулистон якҷо бо кормандони корхонаву ташкилотҳо, муассисаҳо ва ҷамоати шаҳракҳо ба хоҷагии деҳқонии ноҳияи Бобоҷон Ғафуров рафта ба кишоварзон дар ҷамъоварии ҳосил кумак намуданд.

НАВИДИ ФАРҲАНГӢ

Санаҳои 28-ум ва 29-уми сентябри соли ҷорӣ дар ноҳияи Ҷалолиддини Балхӣ даври ҷумҳуриявии озмуни "Маснавихонӣ" тибқи Амри Президенти Ҷумҳурии Тоҷикистон ба ифтихори бузургдошти Рӯзи Мавлоно Ҷалолиддини Балхӣ баргузор гардид.

Лозим ба зикр аст, ки дар даври вилоятии озмун аз шаҳри Гулистон 3 нафар Ҷалилова Мастура дар байни хонандагон бо сазовор гаштан бо ҷои якум, Раҷабова Фотима корманди китобхонаи бачагона бо ишғоли ҷои якум ва Кенҷаев Лоиқ муовини директори МД "Маркази таҳсилоти иловагӣ"-и шаҳр дар байни кормандони соҳаҳои гуногун бо ишғоли ҷои дуюм ба даври ниҳоӣ роҳхат гирифта буданд.