ПАЁМИ ТАБРИКОТИИ РАИСИ ШАҲРИ ГУЛИСТОН РАЪНО ҲОШИМЗОДА БА МУНОСИБАТИ РӮЗИ ВАРЗИШГАРОН

Муҳтарам варзишгарон!

Ҳамдиёрони арҷманд!

Таърихан рӯзи варзишгарони Тоҷикистон дар остонаи ҷашни воқеан ҳам арзишманди миллӣ - Истиқлоли давлатӣ ва ҳамчунин ба даврае рост омадааст, ки 14 - нафар варзишгарони кишвар аз рӯи шаш намуди варзиш дар бозиҳои тобистонаи XXXIII-юми Олимпиадаи Париж - 2024, Тоҷикистони маҳбубро намояндагӣ намуда, бо майдондории худ ва ба даст овардани се медали биринҷӣ Парчами Ҷумҳурии Тоҷикистонро дар арсаи байналмилалӣ баланд бардоштанд.

Маврид ба зикр аст, ки бо тақвияти намудҳои гуногуни варзиш ва ғамхорию дастгирии пайвастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи варзиш ва тарбияи ҷисмонӣ дар кишвар соҳиби эътибори хоса гардида, мунтазам рушд меёбад.

Ташаббус ва комёбии дигар ин эълон гардидани 25 май ҳамчун Рӯзи футбол, ки бо пешниҳоди Раиси Маҷлиси Миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератсияи футболи Осиёи Марказӣ ва Тоҷикистон муҳтарам Рустами Эмомалӣ ва пуштибонӣ ёфтани он аз ҷониби Созмони Милали Мутаҳид буда, ин иқдоми шоиста ҷиҳати рушди футбол, оммавияти варзиш ва дастгирии варзишгарон ба маврид ва саривақтӣ мебошад.

Мулоқату вохӯрӣ бахшида ба эълон гардидани соли 2024 ҳамчун «Соли маърифати ҳуқуқӣ»

Имрӯз, санаи 09 августи соли 2024  Дар асоси дастуру супоришҳои Асосгузри сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон  ва  тибқи нақшаи  Ҳукумати Ҷумҳурии Тоҷикистон ва  нақшаи кории  Вазорати адлияи Ҷумҳурии Тоҷикистон бахшида ба эълон гардидани соли 2024  «Соли маърифати ҳуқуқӣ» дар толори КИ ҲХДТ дар шаҳри Гулистон  бо фаъолон ва роҳбарони корхонаҳову муассисаҳои шаҳри Гулистон баргузор гардид.

Дар вохӯрии имрӯза ректори Донишкадаи такмили ихтисоси Вазорати адлияи Ҷумҳурии  Тоҷикистон Собирзода И., Сардори бахши такмили ихтисоси Донишкадаи такмили ихтисоси Вазорати адлияи Ҷумҳурии Иброҳимзода Т., Устоди кафедраи илмҳои гуманитарии Донишкадаи такмили ихтисоси Вазорати адлияи Ҷумҳурии Тоҷикистон  Ашуров М. ва Муовини Раиси шаҳри Гулистон Шарифҷони С. иштирок намуда, бахшида ба соли маърифати ҳуқуқӣ  дар  мавзӯҳои  Конститутсияи Ҷумҳурии Тоҷикистон,  Маърифати ҳуқуқии шаҳрвандон заминаи рушди ҷомеаи муосир,  Амри Президенти Ҷумҳурии Тоҷикистон аз 18 марти соли 2024 №533, Танзими ҷашну маросим унсури муҳими сиёсати иҷтимоӣ ва паст намудани сатҳи камбизоатии аҳолӣ, Нақши оила ва муносибатҳои оилавӣ мувофиқи қонунгузории Ҷумҳурии Тоҷикистон,  Сиёсати давлатӣ дар самти мубориза алайҳи терроризм ва экстремизм муҳокимаронӣ ва суханронӣ намуданд.

БАРГУЗОРИИ ОЗМУНИ СТИПЕНДИЯИ ПРЕЗИДЕНТӢ ДАР ШАҲРИ ГУЛИСТОН

Санаи 06.08.2024, бо мақсади ҳавасмандгардонӣ ва дастгирии иҷтимоии наврасону ҷавонони лаёқатманд ва дарёфти беҳтарин донишандӯзон мутобиқ ба қарори Ҳукумати Ҷумҳурии Тоҷикистон аз 1-уми августи соли 2015, №508 “Дар бораи Низомномаи стипендияҳои Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбӣ”,  фармоиши Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз 20 июни соли 2024, №21 “Дар бораи баргузории озмуни стипендияи Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбӣ дар соли хониши 2024-2025” ва қарори Раиси шаҳри Гулистон аз 05.07.2024, №186 «Дар бораи таъсис додани Комиссияи озмуни стипендияи Президенти Ҷумҳурии Тоҷикистон барои хонандагони муассисаҳои таҳсилоти миёнаи умумӣ, ибтидоӣ ва миёнаи касбӣ дар соли хониши 2024-2025 дар шаҳри Гулистон” дар толори муассисаи тащсилоти миёнаи умумии №1-и маркази шаҳр баргузор карда шуд.

Дар маросими кушодашавии озмун раиси Комиссия Аҳлиддин Абдураҳмонов мудири бахши кор бо ҷавонон ва варзиши шаҳр, Боқиев Рустамҷон мудири шуъбаи рушди иҷтимоӣ ва робита бо ҷомеа, Матлуба Сатторова мудири бахши кор бо занон ва оила, мудири шуъбаи маориф Дилрабо Каримӣ, Бахтовар Ҷӯразода мудири шуъбаи Агентии меҳнат ва шуғли аҳолӣ ва намояндаи Кумитаи кор бо ҷавонон ва варзиш Давронов Ҷонибек иштирок намуданд.

ОБОДИИ РОҲ-ОБОДИИ ДИЁР! - Таъмири роҳ дар шаҳраки Навгарзан

Дар Ҷамоати шаҳраки Навгарзани шаҳр тибқи нақшаи ободгардонии роҳҳо сокинон сарҷамъона ба ҳашар баромада аз вазъи мусоиди боду ҳавои тобистон истифода карда, барои равуои бемонеа дар ҳамаи фасли сол дар мавзеъҳои тангии роҳ корҳои соҳилмустаҳкамкуниро ба роҳ монданд.

Ҳамчунин сокинон ҷойҳои харобшудаи роҳро бетон карда, бо ин шева роҳро  ба андозаи аз 4 то 6 м васеъ намуданд. Дар натиҷа беш аз 100 м роҳҳои харобшуда обод карда шуд, ки барои корҳо 10 тонна семент ва 60 мошини боркаш сангу шағал сарф карда шуд. Дар ин кори  хайр сокинон ҳама аҳлона саҳм гузоштанд.

Сокинон азм доранд, ки аз ҳавои мусоид истифода намуда, ҷойҳои таъмирталаби роҳро дар тули то 200 таъмир намоянд.