БАРГУЗОРИИ КОНФЕРЕНСИЯИ ИЛМӢ ТАҲТИ УНВОНИ “ДӮСТДОРИ ВАТАН!”

Санаи 05.07.2024 бахшида ба 80-солагии  собиқадори соҳаи ҳифзи ҳуқуқ Султон Каримбердиев дар толори мактаби санъати маркази шаҳр конференсияи илмӣ-амалӣ  доир гардид. Дар кори конференсия муовини Раиси шаҳр Ғайрат Оқилзода, муовини сардори Раёсати КДАМ Ҷумҳурии Тоҷикистон дар вилояти Суғд Фирӯз, сардори шуъбаи дар шаҳри Гулистон будаи РКДАМ  Ҷумурии Тоҷикистон дар вилояти Суғд Комрон Қаҳҳоров, раиси Шурои собиқадорони ҷанг ва меҳнати вилояти Суғд Турсунбой Раҳматов ва раиси Шурои собиқадорони ҷанг ва меҳнати шаҳр Каромат Қосимова, соҳибҷашн Султон Каримбердиев ва дӯстону пайвандон, собиқадорон, ҳамкорону ҳамсабақони соҳибҷашн иштирок иштирок намуданд.

Нахуст, муовини Раиси шаҳри Гулистон Ғайрат Оқидзода номаи табрикотии Раиси шаҳри Гулистон Раъно Ҳошимзодаро ироа намуда, ба соҳибҷашн тансињатї, бахту иќболи некў ва рӯзгори осуда ва давлатии пирии бегазандро таманно менамояд.

Сипас, муовини сардори Раёсати КДАМ Ҷумҳурии Тоҷикистон дар вилояти Суғд Фирӯз Исмоилзода  табрикоти сардори ниҳоди мазкур ва сардори шуъбаи дар шаҳри Гулистон будаи РКДАМ  Ҷумурии Тоҷикистон дар вилояти Суғд Комрон Қаҳҳоров номаи табрикотии шуъбаи шаҳриро манзур намуд. Раиси Шурои собиқадорони ҷанг ва меҳнати вилояти Суғд Турсунбой Раҳматов ва раиси Шурои собиқадорони ҷанг ва меҳнати шаҳр Каромат Қосимова низ соҳибҷашнро бо ин рӯзи фирӯз муборак бод намуданд.

ҚАБУЛИ ШАҲРВАНДОН

Рӯзи 6-уми июли соли 2024 аз тарафи Раиси шаҳри Гулистон Раъно Ҳошимзода  8-нафар шаҳрванд қабул карда шуд.

Муҳтавои муроҷиат масъалаҳои гуногунро дарбар гирифта, барои гирифтани қитъаи замин,  расонидани кумаки моддӣ ва таъминоти оби нушокӣ, таъмири биноҳои истиқоматии бисёрошёна, мебошад.  Масъалаи баррасии талабу дархости муроҷиаткунандагон  ба шуъбаву бахшҳои дахлдор равона карда шуд.  Раиси шаҳр масъулинро вазифадор  намуд, ки дар кутоҳтарин муддат талаб ва дархости муроҷиаткунандагон қонеъ карда шуда,  аз натиҷааш ба унвони Раиси шаҳр ва муроҷиаткунандагон тариқи хаттӣ хабар дода шавад.

Ҳамзамон Раиси шаҳри Гулистон Раъно Ҳошимзода ба самъи роҳбарону муассисони корхонаҳо ва муассисаҳо навобаста аз шакли моликият расонид, ки ҷиҳати тозагии гирду атрофи корхонаю муасисаҳо диққати ҷиддӣ диҳанд.

ТАҶЛИЛИ БОШУКУҲИ ҶАШНИ ВАҲДАТИ МИЛЛӢ

Имрӯз, 27.06.2024 дар Кохи фарҳангии "Истиқлол"-и маркази шаҳр ба ифтихори 27-умин солгарди Рӯзи Ваҳдати миллӣ чорабинии тантанавӣ баргузор карда шуд.

Раиси шаҳри Гулистон Раъно Ҳошимзода ҳамагонро ба муносибати ин ҷашни таърихӣ муборакбод намуд. Зикр карда шуд, ки рӯзи 27-уми июни соли 1997 дар шаҳри Москва пас аз ҳашт даври музокироти тулонӣ Созишномаи умумии истиқрори сулҳ ва ризоияти миллӣ имзо гардид. Бо имзо намудани ин ҳуҷҷат дар назди аҳли башар бори дигар таҳаммулпазирӣ ва иродаи сулҳҷӯёнаву бунёдкоронаи халқи тоҷик собит гардид.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон - поягузор ва меъмори Ваҳдати миллӣ дар бораи машаққати ба даст овардани сулҳ таъкид намудаанд, “Бо дарназардошти он ки Ваҳдати миллӣ барои тамоми мардуми Тоҷикистон арзиши бисёр муқаддасу азиз ба ҳисоб рафта, асоси хушбахтӣ ва саодати халқамон мебошад, вазифаи ҳар шахси бедордилу огоҳ, худшиносу ватандӯст аз он иборат аст, ки Ваҳдати миллиро чун омили муҳимтарини бақои давлату рушди ҷомеаи Тоҷикистон ҳифзу ҳимоят намояд ва онро чун дастоварди бузурги миллӣ пос дорад”.

ЭМОМАЛӢ РАҲМОН–МЕЪМОРИ ДАВЛАТИ МИЛЛИИ ТОҶИКОН

Имрӯз, 26.06.2024 тибқи нақшаи кории Мақомоти иҷроияи ҳокимияти давлатии шаҳр ва филиали ИҶТ дар шаҳри Гулистон, дар толори қисми ҳарбии 45025 КҲФМГ назди Ҳукумати Ҷумҳурии Тоҷикистон дар вилояти Суғд Конфренсияи илмӣ-амалӣ таҳти унвони “Эмомалӣ Раҳмон–меъмори давлати миллии тоҷикон” бо иштироки афсарону сарбозон баргузор карда шуд.

Дар кори Конфренсия Шарифҷони Саидраҳмон муовини Раиси шаҳри Гулистон, Аҳлиддин Абдураҳмонов мудири бахши кор бо ҷавонон ва варзиши шаҳри Гулистон,  Подполковник Назаров Тошкенбой-муовини Сардори Раёсати Қушунҳои Кумитаи ҳолатхои фавқулодда ва мудофиаи граждании назди Ҳукумати Ҷумҳурии Тоҷикистон ва Абуалӣ Абдуворисзода муовин оид ба корҳои тарбиявию сиёсии қисми ҳарбии мазкур иштирок ва суханронӣ намуданд.

Таъкид карда шуд, ки Рӯзи Ваҳдати миллӣ – барои тоҷикону тоҷикистониён рӯзи муқаддас ва санаи таърихиву сарнавиштсози баҳамоиву оштии миллӣ, сулҳу суботи комил ба шумор рафта, асоси рушди соҳаҳои хоҷагии халқи кишварро дар таърихи навини давлати соҳибистиқлоламон таҷассум мекунад.