ҚАБУЛИ ШАҲРВАНДОН

Рӯзи 20-уми июли соли 2024 аз тарафи Раиси шаҳри Гулистон Раъно Ҳошимзода  4-нафар шаҳрванд қабул карда шуд.

Муҳтавои муроҷиат масъалаҳои гуногунро дарбар гирифта, барои гирифтани қитъаи замин,  расонидани кумаки моддӣ ва таъмири бинои истиқоматӣ, таъмин намудан бо хонаи хизматӣ,  таъмири биноҳои истиқоматии бисёрошёна, мебошад.  Масъалаи баррасии талабу дархости муроҷиаткунандагон  ба шуъбаву бахшҳои дахлдор равона карда шуд.  Раиси шаҳр масъулинро вазифадор  намуд, ки иҷроиши масоили мазкурро дар муддати кӯтоҳ иҷро карда шуда,  аз натиҷааш ба унвони Раиси шаҳр ва муроҷиаткунандагон тариқи хаттӣ хабар дода шавад.

Сипас Раиси шаҳри Гулистон Раъно Ҳошимзода ба самъи  раисони мақомотҳои худфаъолияти ҷамъиятӣ, роҳбарону муассисони корхонаҳо ва муассисаҳо навобаста аз шакли моликият расонид, ки ҳар ҳафта рузи шанбе  барои тозагии ҳудуи шаҳр, ҳудуди хонаҳои истиқоматӣ, ҳудуди корхонаву ташкилотҳо, боғҳо, роҳравҳову гулгаштҳо, самти тозагиву озодагии маҳалли зист гузаронидани чорабини "Тозагии маҳал" чораандешӣ намоянд.  Иҷроиш ва баргузории онро зери назори қатъи гирифта,  таъмин намоянд.

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон менамояд

Воҳидҳои сохтории мақомоти иҷроияи ҳокимияти давлатии шаҳр:

1. Мудири бахши меъморӣ ва шаҳрсози – 1 ҷой маоши мансабӣ 2100,45 сомонӣ; (хусусияти дуҷониба)

2. Мудири бахши сармоягузорӣ ва идораи модлу мулки давлатии мақомоти иҷроияи ҳокимияти давлатии шаҳр – 1 ҷой маоши мансабӣ 2100,45 сомонӣ; (хусусияти дуҷониба)

3. Мудири бахши дин танзими анъана ва ҷашну маросими мақомоти мақомоти иҷроияи ҳокимияти давлатии шаҳр 1- ҷой маоши мансабӣ - 2100,45 сомонӣ; (хусусияти дуҷониба)

4. Сармутахассис-котиби васоияти парастории мақомоти иҷроияи ҳокимияти давлатии шаҳр - 1 ҷой маоши мансабӣ – 1902,40 сомонӣ;

5. Мутахассиси пешбари шуъбаи маорифи мақомоти иҷроияи ҳокимияти давлатии шаҳр - 2 ҷой маоши мансабӣ – 1554,40 сомонӣ;

6. Мутахассиси пешбари бахши сармоягузорӣ ва идораи амволи давлатии мақомоти иҷроияи ҳокимияти давлатии шаҳр - 1 ҷой маоши мансабӣ – 1554,40 сомонӣ;

7. Мутахассиси пешбари шуъбаи иқтисод, савдо ва мониторинги мақомоти иҷроияи ҳокимияти давлатии шаҳр - 1 ҷой маоши мансабӣ – 1554,40 сомонӣ;

8. Мутахассиси бахши бойгонӣ -1- ҷой маоши мансабӣ - 1276 сомонӣ;

ТАНЗИМИ РАСМУ ОИНҲО-КАФОЛАТИ ЗИНДАГИИ ШОИСТА

Имрӯз, 18.07.2024 дар толори хурди Мақомоти иҷроияи ҳокимияти давлатии шаҳр тибқи барқияи Мақомоти иҷроияи ҳокимияти давлатии вилояти Суғд аз 4-уми июли соли 2024, таҳти №367-6/13тф ва нақшаи тасдиқ гардидаи Мақомоти иҷроияи ҳокимияти давлатии шаҳри Гулистон Рӯзи ягонаи ахбори сиёсӣ таҳти унвони “Танзими расму оинҳо-кафолати зиндагии шоиста” бо иштироки кормандони соҳаҳои гуногуни хоҷагии халқи шаҳр, намояндагони комиссияи дохилиидоравӣ доир ба Қонуни Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон”  баргузор гардид.

Дар чорабинии мазкур муовини Раиси шаҳр Шарифҷони Саидраҳмон, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Боқиев Рустамҷон, Абдураҳмонов Аҳлиддин мудири бахши кор бо ҷавонон ва варзиш ва Фаридуншоҳ Абдуллоев мутахасиси татбиқи забон дар Мақомоти иҷроияи ҳокимияти давлатии шаҳр иштирок ва суханронӣ намуданд.

Зикр карда шуд, ки Мардуми тоҷик аз замонҳои қадим то ба имрӯз соҳиби расму оин ва маросимҳои гуногун буданд, ки аксари онҳо дорои хусусияти ахлоқию маънавӣ ҳастанд. Боиси таассуф аст, ки мардум ба қадри ин расму оинҳо нарасида, дар тӯли асрҳо ба онҳо тағйироти зиёде ворид кардаанд, ки дар натиҷа асолат ва моҳияти маънавии онҳо аз байн рафта, ба маросимҳои мушкилу маъракаҳои исрофкорӣ ва худнамоӣ табдил ёфтаанд.

ИДОМАИ БАРГУЗОРИИ ВОХӮРИҲО ДОИР БА ПЕШГИРИИ ОМИЛҲОИ НОМАТЛУБ ВА РИОЯВУ АМАЛӢ НАМУДАНИ ҚОНУНҲОИ МИЛЛӢ ДАР ҶОМЕА

Санаи 17.07.2024 тибқи нақшаи тасдиқгардидаи Мақомоти иҷроияи ҳокимияти давлатии шаҳри Гулистон ва ФИҶТ дар шаҳри Гулистон оид ба баргузории мулоқоту суҳбатҳо дар партави эълон гардидани соли 2024 “Соли маърифати ҳуқуқӣ”, ҷиҳати баланд бардоштани маърифати ҳуқуқии шаҳрвандон, паст намудани сатҳи хурофотпарастӣ дар ҷомеа, татбиқи қонунҳои Ҷумҳурии Тоҷикистон «Дар бораи танзими  ҷашну маросим дар Ҷумҳурии Тоҷикистон», «Дар бораи масъулият барои таълиму тарбияи кӯдак», «Дар бораи тарбияи ватандӯстии шаҳрвандон» ва «Дар бораи пешгирии зӯроварӣ дар оила», риояи тартиботи ҷамъиятӣ ва тозаву озода нигоҳ доштани маҳаллаҳо дар маҳаллаи "Истиқлол"-и  шаҳри Гулистон бо ҷалби сокинон мулоқот доир гардид.

Дар мулоқот мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Боқиев Рустамҷон, мудири бахши кор бо ҷавонон ва варзиш Аҳлиддин Абдураҳмонов, мудири бахши занон ва оила Сатторова Матлуба, мутахассиси татбиқи забон дар МИҲД шаҳр Абдуллоев Фаридуншоҳ, нозири калони ШҲТҶ ВКД Ҷумҳурии Тоҷикистон дар шаҳри Гулистон Ахмедов Наимҷон ва директори КВД ХМК дар шаҳри Гулистон Ҷамолзода Сафаралӣ иштирок ва суханронӣ намуданд.