Оғози корҳои сохтмонӣ дар иншооти Донишкадаи исломии Тоҷикистон

Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кӯчаи Низоми Ганҷавии шаҳри Душанбе бо гузоштани санги асос ба бунёди иншооти нави Донишкадаи исломии Тоҷикистон ба номи Имоми Аъзам-Абӯҳанифа Нӯъмон ибни Собит оғози расмӣ бахшиданд.

Иншооти нави Донишкадаи исломии Тоҷикистон барои 1500 донишҷӯ дар як баст пешбинӣ гардида, аз ҷониби Ҳукумати мамлакат  бо харҷи 136 миллион сомонӣ дар майдони қариб 3 гектар бунёд карда мешавад.

Бинои асосии ин муассисаи олии таълимӣ аз 5 қисми (блок) ҳафтошёна иборат буда, лоиҳаи он ба таври замонавӣ дар доираи меъёрҳои меъморию шаҳрсозӣ таҳия шудааст.

Гулистон. Ба мутахассисони ҷавон замини наздиҳавлигӣ тақсим шуд

Дар доираи “1300 рўзи меҳнати зарбдор“ дар шаҳри Гулистон корҳои ободониву бунёдкорӣ вусъати тоза пайдо намудааст.

Дар ин замина рӯзи 24 май бо ширкати Раиси вилоят Раҷаббой Аҳмадзода корҳои мумфаршкунии кўчаҳои ба номи Исмоили Сомонӣ ва Суғдиёни шаҳри Гулистон оғоз гардид.

Тавре иттилоъ дода шуд, дарозии роҳҳои мумфаршшаванда 4 километрро дар бар мегирад ва барои анҷоми корҳо аз тарафи Мақомоти иҷроияи ҳокимияти давлатии вилоят маблағҳои зарурӣ ҷудо шудааст. Дар баробари мумфаршкунӣ инчунин чароғонкунии замонавии кўчаҳо, насби аломатҳо ва азнавсозии ҷўйборҳои ду канори роҳҳо низ ба анҷом расонида хоҳад шуд.

Роҳпаймоӣ ва Шоми ҷавонӣ

Ба муносибати таҷлили Рузи ҷавонон дар кӯчаи Истиқлоли маркази шаҳр аз маркази савдои “Пӯлодиён” то назди майдони тозабунёди шуъбаи маориф роҳпаймоии ҷавонони гулситонӣ таҳти унвони “Мо пайравони Пешвои миллат!” бо иштироки намояндагони ҷамоати шаҳракҳо, корхонаву ташкилот, осоишгоҳҳо ва муассисаҳои таълимӣ ба вуқӯъ пайваст.

Дар роҳпаймоӣ иштирокчиён дар даст шиору парчамҳои идона бо нидои мутантани “Шараф ба Пешвои миллат!”, “Шараф ба ҷавонони саодатманди даврони истиқлолият!”, “Шараф ба неруи созандаи кишвар!” ва амсоли ин бо эҳсоси баланди худшиносиву садоқатмандӣ ба Ватану сулҳу суботи кишвар қадамзанӣ намуданд. Дар раҳпаймоӣ ҳамчунин варзишгарони ҷавони шаҳр – ғолибони мусобиқаҳои вилоятиву ҷумҳуриявӣ ва байналмилалӣ, гирандагони стипендияҳои Президентӣ, раиси шаҳр ва кумиҷроияи шаҳрии ҲХДТ низ ширкат доштанд.

Қадршиносии ҷавонони гулистонӣ

Бахшида ба Рӯзи ҷавонон дар толори калони мақомоти иҷроияи ҳокимияти давлатии шаҳри Гулистон дар доираи моҳонаи ҷавонон муолоқоти Раиси шаҳр Матлубахон Амонзода бо ҷавонони шаҳр доир гардид.

Раиси шаҳр ҷавононро ба муносибати рӯзи ҷавонон табрик намуда, зикр кард, ки дар партави сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ҳукумати Тоҷикистон дар давраи соҳибистиқлолӣ нисбат ба ҷавонон таваҷҷуҳ ва ғамхории махсус зоҳир намуда, барои ташаккули ҳамаҷонибаи онҳо ҳамаи шароити заруриро фароҳам овардаистодааст.