ТАҶЛИЛИ ИДИ БАЙНАЛМИЛАЛИИ НАВРӮЗ ДАР ГУЛИСТОН

Рӯзи 21-уми марти соли 2018 дар Боғи фарҳангӣ-фароғатии «24-солагии Истиқлолият» бахшида ба Иди байналмилалии Наврӯз бо иштироки теъдоди зиёди сокинон ва меҳмонони шаҳр чорабинии калони идона баргузор шуд.

Раиси Бонки миллии Ҷумҳурии Тоҷикистон Ҷамшед Нурмуҳаммадзода, муовини Раиси витлояти Суғд Анвар Яъқубӣ, ки бо мақсади иштирок дар тантанаи наврӯзӣ ба макони баргузории чорабинӣ омада буданд, бо ҳамроҳии Раиси шаҳри Гулистон Сатториён Матлубахон Амонзода аз намоишгоҳҳо ва растаҳои гуногуни наврӯзӣ боздид намуда, бо намунаҳои ҳунарҳои мардумӣ, аз қабили қолинбофӣ, сӯзанидӯзӣ, адрасбофӣ, атласбофӣ, сабадсозӣ, қуроқдӯзӣ, зардӯзӣ, инчунин маҳсулоти соҳаи саноату сайёҳӣ ва таомҳои хоси Наврӯз - ҳафтсину ҳафтшин шинос гардиданд. Зимни боздид аз намоишгоҳи «Шаҳраки наврӯзӣ» меҳмонон ҳунарнамоии рассомони ҷавон, санъаткорони наврас ва бозиҳои гуногуни миллиро, ки кӯдакону наврасон иҷро менамуданд, тамошо карданд.

ТУҲФАҲОИ НАВРӮЗИИ ПЕШВОИ МИЛЛАТ

Дар толори хурди мақомоти иҷроияи ҳокимияти давлатии шаҳри Гулистон бо иштироки Раиси шаҳр Сатториён Матлубахон Амонзода, Раиси бонки миллии Ҷумҳурии Тоҷикистон Нурмаҳмадзода Ҷамшед, муовини Раиси вилоят Анвар Яъқубӣ ба собиқадороне, ки дар пешбурди соҳаҳои хоҷагии халқи шаҳр саҳми арзанда гузоштаанд, ба 10 нафар гулистониён кумаки молиявии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вазъи мутантан дар ҳаҷми 1000 сомонӣ ва ба 2 нафар кумаки молиявии Раиси вилояти Суғд дар ҳаҷми 500 сомонӣ супорида шуданд.

* * *

Бо мусоидати мақомоти иҷроияи ҳокимияти давлатии шаҳри Гулистон ва дастгирии корхонаву муассисаҳо ва соҳибкорон қариб ба 600 оила кумаки яквақтинаи моддӣ - маводи хӯрокворӣ расонида шуд.

* * *

Дар арафаи иди Наврӯз бо дастгирии мақомоти иҷроияи ҳокимияти давлатии шаҳр хатнасури 12 нафар писарбачаҳо аз оилаҳои ниёзманд тибқи Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” доир карда шуд.

Маҷлиси Ҳукумати Ҷумҳурии Тоҷикистон

26 март таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати кишвар муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор шуд.

Дар кори маҷлис нахуст аз руи масъала “Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва  самарабахш   дар   давраи тирамоҳу зимистони солҳои 2018-2019”, гузориши Вазири рушди иқтисод ва савдо Неъматулло Ҳикматуллозода шунида шуд.

Таъкид гардид, ки мақсади таҳияи қарори Ҳукумати Ҷумҳурии Тоҷикистон муайян кардани супоришу тадбирҳо вобаста ба ҳалли масъалаҳои омодагии соҳаҳои иқтисодиёт ва иҷтимоиёти ҷумҳурӣ ба мавсими тирамоҳу зимистони солҳои 2018-2019 мебошад.

Иштироки Президенти Ҷумҳурии Тоҷикистон Эмомалӣ Раҳмон дар тантанаҳои идона дар Наврӯзгоҳи пойтахт

25 март Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар тантанаҳои бошукуҳи идонаи наврӯзӣ, ки дар “Наврӯзгоҳ” — и пойтахт баргузор гардид, иштирок ва суханронӣ карданд.

Мавриди зикри хос аст, ки сокинони ноҳияҳои шаҳри Душанбе ҷашни Наврӯзро бо комёбиҳои беназир истиқбол гирифтанд. Танҳо давоми як соли охир пойтахти кишвар бо бунёди иншооти гуногуни маишӣ, маъмурӣ, истиқоматӣ, гулгашту хиёбонҳо, майдончаҳои варзишӣ, азнавсозии боғҳои фарҳангию фароғатӣ ва ғайра симои тоза ба бар кард.