Ёрии методӣ

Тибқи нақшаи кории Кумитаи иҷроияи ҲХДТ бо мақсади расонидани ёрии методӣ ба ҳуҷҷатгузории ташкилоти ибтидоии ҷамоати Адрасмон, раиси КИ ҲХДТ Муслимахон Ғайбуллозода ва мудири шуъбаи кор бо занон ва ҷавонон ҳуҷҷатгузории ташкилоти ибтидоиро аз назар гузарониданд.

Зимни аз назар гузаронидани ҳуҷҷатгузорӣ дар доираи санадҳои меъёрию ҳуқуқии вобаста ба фаъолияти ҳизб, Оиномаи он, Низомнома оид ба тартиби ба қайдгирии узвият ба ҲХДТ суҳбат намуда, корҳои фаҳмондадиҳӣ ба роҳ монда шуд. Гўшаи ҳизбӣ, ҳуҷҷатгузории ташкилоти ибтидоии ҷамоати дуруст роҳандозӣ шуда, барои соли 2018 баҳри пешбурди кори ташкилоти ибтидоӣ нақшаҳои зиёд пешбинӣ шудааст.

Рўзи ҳизб дар “Баҳористон”

Дар ташкилоти ибтидоии «Баҳористон» бо ташаббуси кумиҷроияи шаҳр бахшида ба Рўзи таъсисёбии ҲХДТ бо фаъолони ҳизб, занон, ҷавонон конференсия ташкил ва баргузор гардид.

Дар конференсия раиси КИ ҲХДТ Муслимахон Ғайбуллозода, мудири шуъбаи кор бо занон ва ҷавонони ҳизб, директори осоишгоҳи «Баҳористон» иштирок ва баромад намуда, ҳозиринро бо ин муносибат шодбош намуданд.

Дунёи миллат

Дар МТМУ№1 дарси кушод дар мавзўи «Дунёи миллат» бо иштироки хонандагони синфи 3, муаллимон ва аъзоёни Созмони талабагӣ доир гардид. Дарси кушодро роҳбари синф Б.Конбоева. Оғоз намуданд.

Сипас Каримова Савриниссо роҳбари Созмони талабагон, оноҳоро бо ин ташкилот шинос намуданд. Парчами Созмони талабагон бароварда шуд ва хонандагони синфи №3 ба ин созмон аъзо шуданд.

Таъйиноти кадрӣ дар мақомоти судӣ ва корҳои дохилӣ

Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо кадрҳое, ки дар мақомоти судӣ ва корҳои дохилӣ ба вазифаҳои масъул таъйин гардиданд, мулоқот намуданд.

Бо фармонҳои Президенти мамлакат раисони суди Вилояти Мухтори Кӯҳистони Бадахшон, як қатор шаҳру ноҳияҳои Вилояти Мухтори Кӯҳистони Бадахшон, вилоятҳои Хатлону Суғд ва баъзе шаҳру ноҳияҳои тобеи ҷумҳурӣ таъйин гардида, сардорони раёсатҳои корҳои дохилӣ дар ВМКБ, вилояти Суғд, шаҳри Душанбе ва дигар сохтору воҳидҳои мақомоти мазкур дар шаҳру ноҳияҳои мамлакат ва дастгоҳи марказии вазорат иваз карда шуданд.