Табрикоти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи модар

07.03.2019, шаҳри Душанбе

Модарону бонувон ва духтарони азиз!

Дар нахустин рӯзҳои фасли зебои баҳор, яъне айёми нуру сафо ва гармиву бедории табиат — ҷашни фархундаи Рӯзи модар фаро мерасад. Ҳамаи шумо, модарони меҳрубон ва бонувони арҷмандро ба ин муносибат самимона табрик гуфта, ба ҳар яки шумо, пеш аз ҳама, саломатӣ, хушбахтӣ ва тамоми хушиҳои зиндагиро орзу менамоям.

Модар ягона мавҷудест, ки инсон меофарад, ба ӯ ҳаёт мебахшад, ӯро дар оғӯши гарму пурмеҳри худ мепарварад, аввалин суханҳо ва гузоштани нахустин қадамҳоро ба тифлаш ёд медиҳад, фарзанди хешро бо ҳазор нияту орзуҳои нек ба воя мерасонад.

Яъне дар замири фарзанд тарбия кардани эҳсоси садоқату самимият, некиву накӯкорӣ, хайру саховат ва ташаккули маънавии наслҳо натиҷаи заҳмати шабонарӯзии модарони мушфиқу ғамхор ва мӯнису меҳрубон мебошад.

МОДАР АРЗАНДАИ ҲАМА ГУНА ЭҲТИРОМ, ҚАДРШИНОСӢ ВА ДӯСТДОРӢ АСТ

Дар маркази фарҳангӣ-фароғатии “Арванд”-и ҶДММ “Осоишгоҳи “Баҳористон” бо иштироки иҷрокунандаи Раиси шаҳри Гулистон Фирдавс Шарифзода ва сардори Раёсати кор бо ҷавонон ва варзиши вилояти Суғд Мирзоқосим Каримов ба ифтихори Рӯзи модар чорабинии умумишаҳрӣ баргузор гардид.

Сардори Раёсати кор боҷавонон ва варзиши вилояти Суғд Мирзоқосим Каримов табрикоти Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон муҳтарам Раҷаббой Аҳмадзодаро ба модарон ва бонувони гулистонӣ манзур намуд.

Сипас иҷрокунандаи раиси шаҳри Гулистон Фирдавс Шарифзода модарони мушфиқ ва бонувони шаҳрро бо Рӯзи модар самимона табрик кард.

АЁДАТИ ФАЪОЛМОДАРОН

Тибқи нақшаи мақомоти иҷроияи ҳокимияти давлатии вилояти Суғд бо иштироки иҷрокунандаи вазифаи Раиси шаҳр Фирдавс Шарифзода ва намояндаи мақомоти иҷроияи ҳокимияти давлатии вилоят, сардори Раёсати кор бо ҷавонон ва варзиши вилояти Суғд Мирзоқосим Каримов аз номи Раиси вилояти Суғд Раҷаббой Аҳмадзода модарон ва бонувони собиқадор Саодат Пӯлодова – собиқадори соҳаи саноат, Шаҳрванди фахрии шаҳри Гулистон, Каромат Қосимова –раиси Шӯрои собиқадорони ҷангу меҳнати шаҳр, собиқадори хизмати давлатӣ ва Ҳафиза Мадалиева-собиқадори соҳаи саноат, Шаҳрванди фахрии шаҳри Гулистон ва модари 101 сола Анастасия Петрова аёдат карда шуда ба онҳо туҳфаҳои идона супорида шуданд.

Муборакбодии иҷрокунандаи вазифаи Раиси шаҳри Гулистон Фирдавс Шарифзода ба муносибати иди Рӯзи Модар

Модарони азиз!

Истиқлолияти давлатӣ ва ваҳдати миллӣ ҷиҳати таъмини мавқеи устувори зан-модар дар ҷомеа ҳамаи имкониятҳоро фароҳам овард ва занони қавииродаву боҷасорати моро ба арсаи васеи сиёсат ворид намуд.

Модар арзандаи ҳама гуна эҳтиром, қадршиносӣ ва дӯстдорӣ мебошад, зеро ӯ меҳрубонтарин, азизтарин инсон барои ҳар як шахс буда, фарзанди худро бузургворона ва бо дилсӯзиву бахшоиш ҳамеша дастгиру пуштибон аст, ба хотири роҳату осоиши фарзандаш шабу рӯз заҳмат мекашад ва намегузорад, ки нури чашмони ӯ ба ранҷу озоре гирифтор гардад, бардаму солим ба камол расад, соҳиби одобу маърифат шавад, илму дониш ва касбу ҳунар омӯзад ва дар оянда барои ҷомеа хизмати сазовору шоиста анҷом диҳад.