Матни равон

"Роскомнадзор" – хадамоти нозири арсаи мухобирот дар Русия –дастрасӣ ба сомонаи Оҷонси иттилоотии "Азия-Плюс"-ро дар қаламрави ин кишвар масдуд кардааст.

Мақомоти Русия далели чунин иқдоми худро расонаӣ накардаанд. Вале масъулони хабаргузорӣ мегӯянд, ба эҳтимоли зиёд Русия аз нашри хабари худкушии як зан дар Хуҷанд нигарон шуда, онҳоро ба таблиғи "ончи дар ҳудуди Русия манъ аст", муттаҳам кардааст.

Зебо Тоҷибоева, сардабири "Азия-Плюс" рӯзи 2-юми август ба Радиои Озодӣ гуфт, сомонаи оҷонсӣ аз рӯзи 26-уми июл боз дар ҳудуди Русия дастнорас аст. "Сабаби ин ҳолатро тафтиш кардем. Тасодуфан дар имейли яке аз ҳамкорон номаи "Роскомнадзор"-ро ҳам пайдо намудем, ки дар он ба як хабар аз соли 2018 ишора шудааст", -- гуфт ӯ

Сардабири “Азия-Плюс” афзуд, ин хабар дар бораи худкушии як зан дар Хуҷанд буд, ки худро ба дарё партофта, худкушӣ кардааст. Тоҷибоева мегӯяд, "Роскомнадзор" дар ин хабар "усулҳои худкушӣ"-ро дида, онҳоро дар тарғиби худкушӣ айбдор кардааст. Ҳарчанд, ба қавли ӯ, "ин як хабари одӣ буд, ки дар он гуфта мешуд як зан худро ба дарё партофта, худкушӣ кардааст".

"Ин як ҳушдор буд ва мо билофосила ин хабарро ҳазф кардем, вале аллакай дастрасӣ ба сомонаи мо масдуд шуда буд. Ба мо фурсат надоданд. Ҳоло тахмин мекунем, ки дастрасӣ ба вебсайт бо ҳамин сабаб баста шудааст. Мумкин аст, сабаби дигаре ҳам дошта бошад", -- афзуд Зебо Тоҷибоева.

Ба чанде аз хонандагони оҷонсии иттилоотӣ дар Русия аз ширкатҳои интернетрасон гуфтаанд, ки бо дастури "Роскомнадзор" дастрасӣ ба ин сомона маҳдуд шудааст.

“Роскомнадзор” низ дар номааш ба “Азия-Плюс” ба моддаи 15-и қонуни федералӣ “Дар бораи иттилоот ва технологияҳои иттилоотӣ ва ҳифзи маълумот” ишора карда ва гуфтааст, сомонаи “Азия-Плюс” ба феҳрасти вебсайтҳои мамнӯъ ворид мешавад. Ба иддаои ҷониби Русия, хабаргузорӣ маълумотеро нашр кардааст, ки “паҳн кардани он дар қаламрави Русия мумкин нест”.

Масъулони оҷонси иттилоотии “Азия-Плюс” мегӯянд, аз қалмарави Русия мухотабони зиёде доранд ва нисфе аз хонандагони сомона аз ин кишвар ворид мешаванд. Сардабири “Азия-Плюс” мегӯяд, бинобар маҳдуд шудани дастрасӣ ба сомона шумори хонандагон ҳудуди 30 дарсад коҳиш ёфт.

Айни замон масъулони “Азия-Плюс” барои дубора боз кардани дастрасӣ ба сомона ба унвонии “Роскомнадзор” муроҷиат фиристодаанд, ки қарор аст дар давоми панҷ рӯзи корӣ баррасӣ шавад.

Оҷонси иттилотӣ ва ҳафтаномаи “Азия-Плюс” дар ҳоли ҳозир аз расонаҳои пештози Тоҷикистон аст, ки дар миёни расонаҳои мустақил мухотаби бештар дорад. Дастрасӣ ба сомонаи ин оҷонсӣ дар Русия дар ҳоле маҳдуд шудааст, ки дар худи Тоҷикистон низ корбарон бе филтиршикан ба ин сомона ворид шуда наметавонанд. Мақомот сабаби масдуд будани дастрасӣ ба сомонаи “Азия-Плюс”-ро шарҳ намедиҳанд.

 

 

Манбаъ: https://www.ozodi.org/a/30087834.html

Шарҳ додан


Защитный код
Нав кардан

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд


АМИТ "Ховар"

МУРОҶИАТ БА РАИС!

+992300000018

+992300000018

Эълонҳо

  • 1
  • 2
  • 3
  • 4
  • 5

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

25 Апр 2022

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон ба мансабҳои холии маъмурии хизмати давлатӣ озмун эълон менамояд ...

04 Ноя 2021

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:4127
mod_vvisit_counterРӯзи гузашта:2713
mod_vvisit_counterҲамин ҳафта:11549
mod_vvisit_counterҲафтаи гузашта:17685
mod_vvisit_counterҲамин моҳ:89936
mod_vvisit_counterМоҳи гузашта:90276
mod_vvisit_counterҲамагӣ:7629781

Райъпурсӣ

Сомона чи хел аст?