Табрикоти иҷрокунандаи вазифаи Раиси шаҳри Гулистон Фирдавс Шарифзода ба муносибати фарорасии Соли нави милодии 2019

Ҳамшаҳриёни азиз!

Соли 2018, ки мо онро дар китоби навини таърихи давлатдории халқамон бо хати заррин номнавис менамоем, бо рӯйдодҳои фараҳбахш ва илҳомбахш – ироаи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон, оғози расмӣ ва пазироии ҷомеаи ҷаҳонӣ аз ибтикороти Пешвои муаззами миллат Даҳсолаи байналмилалии амал «Об барои рушди устувор» барои солҳои 2018-2028, ба истифода дода шудани агрегати нахустини Неругоҳи барқи обии «Роғун», таҷлили ҷашни ҳумоюни 27-солагиии Истиқлолияти давлатии Ҷумҳурии Тоҷикистон, рафтуомади мутақобила ва сатҳи олӣ миёни Тоҷикистон ва Ӯзбекистон ва дигар рӯйдодҳо рост омад. Дар ин соли пурфайз мардуми шаҳри Гулистон ба дастовардҳои назарраси меҳнатӣ ноил гардида, дар шукуфоии кишвар ва рушди ҷомеа саҳми босазо гузоштанд.

Ҷавоб ба изҳороти ҷаҳолатгуна ва бенури маърифатии ҷамъияти «Нур»

Сомонаи «паём.нет», ки минбари ифротиҳост, изҳороти беасосро дар бораи манъ намудани ҳиҷоб ва рӯсарӣ паҳн намудааст. Аз номи ҷамъияте бо номи «Нур», ки хилофи номаш дар ҷомеа торикиву зулмотро ривоҷ медиҳад, дар байни мардум либоси бегонаро таблиғ мекунад, мавқеъгирии беасосро ҳамчун меъёрии калидии либоспӯшӣ, қарор додааст.

Аз рӯйи маълумоте ки мухбиронамон расонданд, ин ҷамъият мансуби хешутабори собиқ раҳбари ҳизби террористӣ мебошад, сабқатро барои раҳбарӣ бо авлоди фитнагари «ал-файзободӣ» бохта, «айби Исоро аз Мӯсо мегирад».

Рӯймол тоҷи зиннати зан аст

Ҳиҷобхоҳони бемаънӣ, ки ранги сиёҳро дар фарҳанги миллӣ пиёда карданӣ ҳастанд, бо муқобилати ҳавохоҳони масири миллӣ ва либоси асили  миллӣ ру ба рӯ шудаанд. Ин беимонҳо миллатро сиёҳпӯш ва Ватанро мотамсаро карданӣ ҳастанд, ки хокашон ба хок хӯрда, рӯз то рӯз бо диди васеъ ва дили васеъ, занону модарони тоҷик атласпӯшу адраспӯш шудаанд. Кӯчабоғҳои Душанбе ба гулзори либосҳои ранг ба рангу зебои миллӣ оростааст, касро аз дидани ҳама ин зебоиҳо фараҳ мебахшад.

ГУЛИСТОН. БОҒШАҲРЕ ДАР СОҲИЛИ “БАҲРИ ТОҶИК”

Шаҳри Гулистонро на танҳо чун маркази саноатӣ, балки зодбуми мардуми соҳибҳунар ҳам мешиносанд. Дар баробари ин, онро шаҳри сайёҳӣ низ меноманд, зеро соҳили “Баҳри тоҷик” барои истироҳату фароғат беҳтарин мавзеъ шинохта мешавад. Воқеан ҳам, Гулистон боғистони сарсабзу хуррамро мемонад.

Зимни суҳбат Фирдавс Шарифзода, иҷрокунандаи вазифаи раиси шаҳри Гулистон, иброз дошт, ки баҳри пешвози сазовори Ҷашни 30 - солагии Истиқлолияти давлатӣ бунёд ва таъмиру таҷдиди 180 иншооти истеҳсолию иҷтимоӣ, аз қабили корхонаҳои тавлидотӣ, хизматрасонӣ, мактабҳо ва синфхонаҳои иловагӣ, беморхонаҳо, майдончаҳои варзиш, ҳавзҳои шиноварӣ, боғҳои фарҳангӣ - фароғатӣ, кашидани хатҳои обу барқ таъмири ҷорию асосии роҳҳо, ба нақша гирифта шудааст. Аз ин теъдод, 36 иншоот ба истифода дода шуда, дар дигар объектҳо корҳои сохтмонӣ идома доранд. Аз ҷумла, моҳи июни соли равон ба маблағи беш аз 35 миллион сомонӣ сехи истеҳсоли риштаи ҶСК “Қолинҳои Қайроққум” бунёд ёфт, ки 70 нафар бо ҷойи кор таъмин гардид. Ин имкон медиҳад, ки 50 дарсади ашёи хом бевосита дар корхона истеҳсол шавад.