Дар толори бахши фарҳанг Фестивали шаҳрии «Сад ранги чакан» баргузор гардид. Дар озмуни шаҳрӣ беш аз 80 нафар духтарону бонувон бо намоиши куртаи чакан аз рӯи 6 бахш “Беҳтариин либоси қадимаи чакан”, “Беҳтарин либоси кӯдакона», “Беҳтарин либоси рӯзмарра», “Беҳтарин либоси маросимӣ ва идона”, “Беҳтарин либосҳои расмӣ”, “Беҳтарин навъҳои гуногуни сӯзанидӯзӣ» бо пешниҳоди сӯзаниҳо, бо истфодаи рамзу унсурҳои фарҳанги миллӣ, нақшу нигор ва гулҳои рангоранг манзур карда шуданд.
Ғолибон ва тарроҳони беҳтарин бо диплому таҳфаҳоии мақомоти иҷроияи ҳокимияти давлатии шаҳр дар вазъи тантанавӣ сарфарозонида шуданд. Ба даври вилоятии озмун ғолибони даври шаҳрӣ Нигора Одинаева, Ҳуснигул Даминова, Ясмина Олимова, Рамзия Раҳматова, Рухсора Соқиева, Маниҷаи Сафаралӣ, Фирӯза Инъомҷонова, Ситора Аминҷонова, Қумринисо Содиқова, Наргис Раҳматҷонова, Фирӯза Иноятова, Маҳина Бадриева, Замира Бадриева, Мубина Бадриева, тарроҳон Миҷгона Ахмедова, Азиза Боева, Фирӯза Қодирова роҳхат гирифтанд.
Баҳри тарғибу ташвиқи тарзи ҳаёти солим, оммавигардонии варзиш бахшида ба «Як моҳи ҷавонӣ» таҳти унвони «Ҷавонон - пайрави Пешвои миллат!» ва ба ифтихори 74-солагии Рӯзи Ғалаба дар кӯчаи асосии маркази шаҳри Гулистон марафони велосипедронӣ ва дар Боғи навбундёди даромадгоҳи шаҳр мусобиқаи шашкаву шоҳмот дар байни наврасону ҷавонон ва сокинони маҳал ташкил ва баргузор гардид.
Тибқи нақшаи кории кумитаи иҷроияи Ҳизби Халқии Демократии Тоҷикистон дар шаҳри Гулистон озмуни идрорпулии ҲХДТ дар партави дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон ва татбиқи Барномаи ҲХДТ барои дарёфти гирандагони Стипендияи ҲХДТ ташкил ва баргузор карда шуд.
Ҳамватанони азиз!
Дар доираи моҳвораи ҷавонӣ дар шаҳри Гулистон тибқи қарори раиси шаҳри Гулистон аз 24-уми апрели соли 2019, №93 «Дар бораи гузаронидани «Ҳафтаи иштироки толибилмони муассисаҳои таҳсилоти миёнаи умумии шаҳр дар идоракунии мақомоти иҷроияи ҳокимияти давлатии шаҳри Гулистон» бо мақсади дар оянда таъмин намудани эҳтиёҷоти мақомоти давлатӣ бо кадрҳои баландихтисос, ташкили захираи кадрҳо ва дарёфти истеъдодҳои нав бахшида ба таҷлили Рӯзи ҷавонони Тоҷикистон аз 6 то 11 майи соли 2019 дар мақомоти иҷроияи ҳокимияти давлатии шаҳр «Ҳафтаи иштироки толибилмони муассисаҳои миёнаи умумии шаҳр дар идоракунии мақомоти иҷроияи ҳокимияти давлатии шаҳри Гулистон» ифтитоҳ гардид.
