ВОХӮРӢ БО ВАКИЛ

Тибқи нақшаи мақомоти иҷроияи ҳокимияти давлатии виляоти Суғд ва дастури Раиси вилояти Суғд муҳтарам Раҷаббой Аҳмадзода дар толори ҷамоати шаҳраки Сирдарё мулоқоти интихолбкунандагон бо вакили Маҷлиси вакилони ахлқи вилояти Суғд аз ҳавзаи интихоботии № 15 «Қайроққум», раиси кумитаи иҷроияи ҲХДТ дар вилояти Суғд Сатториён Матлубахон Амонзода баргузор гардид. Вохӯриро мудири шуъбаи рушди иҷтимоӣ ва робита бо ҷомеаи дастгоҳи раиси шаҳр Илҳом Мадализода ҳусни оғоз бахшид.

Сипас вакили Маҷлиси вакилони халқи вилояти Суғд, раиси кумитаи иҷроияи ҲХДТ дар вилояти Суғд  Матлубахон Амонзода доир ба фаъолияти вакилӣ ва ҷиҳати амалӣ кардани рафти иҷрои қарори Раиси вилояти Суғд аз 14-уми марти соли 2018, №89 «Дар бораи эълон намудани 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон» баромад намуд.

ҶАЛАСАИ КОМИССИЯИ ФАВҚУЛОДА

Дар толори бахши муҳити зисти шаҳр маҷлиси Комиссияи ҳудудии мақомоти иҷроияи ҳокимияти давлатии шаҳри Гулистон оид ба ҳолатҳои фавқулода таҳти раёсати иҷрокунандаи вазифаи Раиси шаҳр Фирдавс Шарифзода баргузор гардид.

Дар ҷаласа фаъолияти Комиссияи ҳудудии мақомоти иҷроияи ҳокимияти давлатии шаҳр дар соли 2018 ҷамъбаст ва таҳлил гардид. Доир ба фаъолияти комиссия дар соли 2018 сардори бахши Раёсати кумитаи ҳолатҳои фавқулода ва мудофиаи граҷдании вилояти Суғд дар шаҳри Гулистон Ҳикматулло Амонов маърӯза намуда, доир ба корҳои иҷрошуда дар самти пешгирии ҳолатҳои фавқулода, таъмини бехатарии истироҳаткунандагон дар давраи тобистон, корҳои соҳилмустаҳкамкунӣ ва монанди ин муфасал сухан ронд.

ҲИФЗИ ВАТАН – ҚАРЗИ МУҚАДДАС

КОНСОЙ. Дар толори ҷамоати шаҳрак ва муассисаи таълимии № 3 мулоқоти волидайн бо намояндагони ҷамоати шаҳрак ва комиссариати ҳарбии шаҳр дар мавзӯи “Хизмат дар сафи Қувваҳои Мусаллаҳи Ҷумҳурии Тоҷикистон ифтихори ватандорист” доир гардид.

Дар он комиссари ҳарбии шаҳр майор Ином Мавлонов, раиси ҷамоати шаҳраки Консой Баҳодур Саъдуллоӣ баромад карда,  дар натиҷаҳои даъвати тирамоҳӣ ва омодагӣ ба даъвати баҳорона,  тартиби ташхиси ҷавонписарони синни даъват ва даъватшавандагон, доир ба хизмати садоқатмандонаи ҷавонписарони консоӣ дар сафи Қувваҳои Мусаллаҳи мамлакат суханронӣ намуданд. Дар мулоқот волидайн ба саволҳои сершумори худ доир ба раванди даъват ба хизмати ҳатмии ҳарбӣ посухҳои қаноатбахш гирифтанд.

Шарофиддин Гадоев аз кирдорҳои кардааш самимона пушаймон шуда, ихтиёран ба Ватан баргашт

Имрӯз 15 феврали соли 2019, соати 07:00, Гадоев Шарофиддин Мирзоалиевич, 19.05.1985 соли таваллудаш, зодаи ноҳияи Фархори вилояти Хатлон, ки муваққатан дар шаҳри Эиндховени Шоҳигарии Ҳоланд зиндагонӣ мекард, ба ШВКД Фурудгоҳи ш. Душанбе ихтиёран ҳозир шуда, изҳор намуд, ки ман аз кирдорҳои кардаам самимона пушаймонам, ихтиёран бо хатсайри Москва-Душанбе ба Ватан баргаштам.