ТАҶЛИЛИ РӮЗИ ҲИЗБИ ПЕШОҲАНГ

Дар Кохи фарҳангии “Истиқлол”-и шаҳри Гулистон бахшида ба 26-умин солгарди Рӯзи таъсисёбии Ҳизби халқии демократии Тоҷикистон бо иштироки фаъолони Ҳизби халқии демократии Тоҷикистон ҷамъомади ботантана доир гардид.

Намояндагон аз кумитаи иҷроияи ҲХДТ дар вилояти Суғд Мутриба Бобоҷонова Паёми шодбошии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси ҲХДТ муҳтарам Эмомалӣ Раҳмонро манзури иштирокчиён намуд. Паёми Пешвои муаззам бо рӯҳбаландӣ ва кафкӯбиҳои бардавом пазируфта шуд.

Муовини Раиси шаҳри Гулистон Ғайрат Оқилзода табрикоти Раиси шаҳри Гулистон Бахтиёр Саидаҳмадзодаро ба самъи ҳозирин расонид. Раиси кумитаи иҷроияи ҲХДТ дар шаҳри Гулистон Муслимахон Ҷамолиён доир ба таърихи ҳизби пешоҳанги ҷомеа суханронӣ намуд.

КАШШОФОНИ САРВАТҲОИ КИШВАР

Дар толори Экспедитсияи комлексии геологии Қайроққум бахшида ба Рўзи геологҳо ҷамъомади ботантана баргузор гардид.

Ҷамъомадро бо сухани ифтитоҳӣ муовини сардор, сармуҳандис КВ «ЭКГҚ» Ғуфрон Абдуллоев оғоз кард.

Муовини якуми Раиси шаҳри Гулистон Нуринисо Комилзода табрикоти Раиси вилояти Суғд Раҷаббой Аҳмадзода ва Раиси шаҳри Гулистон Бахтиёр Саидаҳмадзодаро ба самъи иштирокдорони чорабинӣ манзур намуд.

ЧУ УЗВЕ БА ДАРД ОВАРАД РӮЗГОР...

Ҳамарӯза воситаҳои иттилоотӣ аз қабили сомонаҳои иҷтимоӣ ва воситаҳои оммаи ахбор аз вазъи кунунии ҷаҳон хабар медиҳанд. Аз ин рӯ ҳар фарди ҷомеа имрӯз бешубҳа аз вазъи олами муосир ба андозае огоҳ аст. Рӯзе нест, ки сомонаҳои иҷтимоӣ ё воситаҳои ахбори омма дар мавриди ҳамлаҳои террористӣ ё кирдорҳои хусусияти экстермистӣ дошта ҳарф назананд.  Бахусус, давлатҳои Осиё ба гирдоби ин моҷаро кашида шудаанд. Коршиносон бар ин назар буданд, ки бемории сироятии коронавирус бо арзи вуҷуд кардани худ раванди терроризм ва экстермизмро то андозае боз медорад. Аммо хабари марги бегуноҳон, махсусан дар кишвари дӯсту бардор ва ҳамҷавори мо Афғонистон ва дигар кишварҳо гувоҳӣ медиҳад, ки қадами наҳсу касифи бемории сироятии коронавирус бо он ҳама бераҳмӣ натавонист пешорӯӣ бемории тундгароӣ биистад ва фаъолияти ӯро барои муддате боздорад. Тақрибан моҳе нест, ки дар кишвари ҳамсояи мо - Афғонистон ҳамлаҳои террористӣ ба қайд гирифта нашаванд. Дар пайи ин ҳамлаҳо ҷони чандин нафар аз бегуноҳон қурбон мегардад. Имрӯз паёмадҳои ин амалҳои нангин моро ҳам афсурда мекунад.

Баъд аз ин натиҷагириҳо инсон бешубҳа як нафаси амиқ мегирад ва аз осмони софу беолоиш, ҳавои накҳатбору муаттар ва хоку оби Ватан шукрона мекунад. Воқеан, шаҳрвандони кишвари озоду ободи мо дар фазои орому осоишта умр ба сар мебаранд. Хушбахтона, бо сарварии Пешвои муаззами миллат муҳтарам Эмомалӣ Раҳмон Тоҷикистон имрӯз гуг-гул мешукуфад ва дар ҳамаи соҳҳаҳо меваҳои ширин ба бор меояд. Сарвари хирадманди кишвар борҳо дар созмонҳои байналмилалӣ дар маҷлису конфронсияҳо масъалаи сулҳи Афғонистонро дар миён гузоштаанд, ки ин аз инсондӯстии марди асил шаҳодат медиҳад. Албатта, вазъи кишварҳои ҳамсоя ба мо бетаъсир нахоҳад буд.