ТАҚОЗОИ ТАҚВИЯТИ СУДМАНДИ ҲАМКОРӢ

Раиси шаҳри Гулистон Бахтиёр Саидаҳмадзода директори молиявии ҶДММ «Ширкати кўҳӣ-саноатии Тоҷикистону Хитой» Ҷанг Ҷен Лиро ба ҳузур пазируфт. Аснои суҳбат ҷиҳати густариши робитаҳо қаноатмандӣ карда, дурнамои ҳамкориҳои минбаъда баррасӣ гардид.

Раиси шаҳри Гулистон Бахтиёр Саидаҳмадзода иброз дошт, ки бо ташаббуси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон саноатикунонии кишвар - ҳадафи чоруми стратегӣ эълон гардидаааст ва  барои расидан ба ин ҳадафи чоруми миллӣ бояд аз ҳамаи имконияти мавҷуда ва шароити мусоиди ҳудуди шаҳри саноатӣ истифода бурда шавад.

Дар ин замина, тазаккур дода шуд, ки корхонаҳои саноатии шаҳр дар давоми даҳ моҳи соли ҷорӣ 1,8 миллиард сомонӣ ва 64 номгӯи маҳсулот истеҳсол намуданд. Вазни қиёсии корхонаҳои саноатии шаҳр дар ҳаҷми истеҳсоли маҳсулоти саноатии вилоят 15,1 фоизро ташкил дод. Дар давраи ҳисоботӣ се корхонаи нави саноатӣ бо 165 ҷойи нави корӣ ташкил карда шуд.

Фармонҳои Президенти Ҷумҳурии Тоҷикистон

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН

Дар бораи аз вазифаи муовини якуми раиси
суди шаҳри Конибодоми вилояти Суғд
озод намудани Абдуҷабборӣ А.А.

Мутобиқи моддаи 69 Конститутсияи Ҷумҳурии Тоҷикистон фармон медиҳам:
Абдуҷабборӣ Абдуфаёз Абдуҷаббор бо сабаби расидан ба синни ниҳоии дар вазифаи судя будан аз вазифаи муовини якуми раиси суди шаҳри Конибодоми вилояти Суғд озод карда шавад.

Президенти
Ҷумҳурии Тоҷикистон Эмомалӣ Раҳмон

ш. Душанбе
24 ноябри соли 2020
№84

АЁДАТИ СОБИҚАДОРОН

Бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ифтихори рўзи Парчами давлатии Ҷумҳурии Тоҷикистон Раиси шаҳри Гулистон Бахтиёр Саидаҳмадзода собиқадори меҳнат Саодат Пўлотова ва собиқадори сохти конститутсионӣ Рамзия Давлатбаеваро аёдат карда, маблағҳои пулӣ ва туҳфаҳои мақомоти иҷроияи ҳокимияти давлатии шаҳрро тақдим намуданд.

Зимни суҳбат аёдатшудагон шукронаи Ватан-Тоҷикистони соҳибистиқлол намуда, дар ҳаққи Пешвои муаззами миллат ва рушди босуботи кишвари соҳибистиқлол дуои нек карданд.

МАШВАРАТИ НАЗДИ РАИСИ ШАҲР

Дар толори хурди Мақомоти иҷроияи ҳокимияти давлатии шаҳри Гулистон таҳти раёсати Раиси шаҳр Бахтиёр Саидаҳмадзода машварати кори ноябрмоҳ бо иштироки масъулини Мақомоти иҷроияи ҳокимияти давлатӣ шаҳр, роҳбарони зерсохторҳо ва дигар масъулини соҳаҳои хоҷагии халқи шаҳр доир гардид.

Дар машварат натиҷаҳои фаъолияти соҳаҳои хоҷагии халқи шаҳр дар давоми даҳ моҳи сол равон мавриди баррасӣ қарор гирифт. Доир ба фаъолияти соҳаҳои хоҷагии халқи шаҳр дар давоми даҳ моҳ муовини якуми Раиси шаҳр Нуринисо Комилзода маърӯза намуд. Зикр гардид, ки дар партави сиёсати фардосози Асосгузори сулҳу ваҳдати  миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мардуми шаҳри Гулистон дар давоми даҳ моҳи соли равон бо рӯҳбаландӣ, бо эҳсоси баланди ватандӯстӣ ва масъулиятшиносӣ ғайратмандона меҳнат карданд. Дар давоми даҳ моҳи соли 2020 ба ќисми даромади буҷети давлатӣ 130,6 миллион сомонӣ маблағҳои андозу пардохтҳо ворид гашт, ки он баробар ба 100,0 фоизи наќшаи пешбинишуда мебошад. Наќшаи даромади буҷети шаҳрӣ 37,6 миллион сомонӣ буда, 38,9 миллион сомонӣ ё 103,3 фоиз ба иҷро расонида шуд. Ин нишондиҳанда аз наќшаи пешбинишуда 1,2 миллион сомонӣ аст.