САҲМГУЗОРӢ ДАР ҶАМЪОВАРИИ ТИЛЛОИ САФЕД - 200 нафар ба деҳқонон кумак намуданд

20-уми сентябри соли 2025 ҳайати кормандони  МИҲД-и шаҳр - муовини якуми Раиси шаҳр, муовин, роҳбари дастгоҳ, мудирони шуъбаву бахшҳо бо ҳайати кормандон, кумитаву идораҳо, кормандони соҳаи тандурустӣ, маориф, фарҳанг, варзиш ва КИ ҲХДТ дар шаҳри Гулистон дар ноҳияи Ашт дар ҷамъоварии тиллои сафед дар Хоҷагии деҳқонии "Муфтоев" саҳмгузорӣ намуданд. Дар Хоҷагии деҳқонии "Муфтоев" дар 84 гектар замин пахта кишт карда шуда, бо истифода аз боду ҳавои мусоид ҳосил ғундошта шуда истодааст.

Дар ҷараёни чиниши пахта раиси ноҳияи Ашт Шуҳрат Муҳаммадзода ва раиси КИ ҲХДТ дар ноҳияи Ашт ба назди ҳашарчиён омада, барои кумак ба деҳқонон ва саҳмгузорӣ дар ҷамъоварии тиллои сафед изҳори сипос намуданд.

БИНОИ ШУЪБАИ АСИН ДАР ШАҲР ТАЪМИРУ АЗНАВСОЗӢ ГАРДИД

Санаи 19.09.2025 Раиси шаҳри Гулистон Илҳом Пӯтотзода аз шуъбаи Агентии давлатии суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар шаҳри Гулистон дидан намуд.

Бинои шуъбаи мазкур тибқи нақшаи корҳои ободониву зозандагӣ ба истиқболи Ҷашни 35-солагии Истиқлоли давлатӣ пурра аз таъмир бароварда шуда, барои фароҳам овардани шароити мусоиди корӣ бо мизу курсӣ, ҷевон ва дигар ашёи зарурии корӣ муҷаҳҳаз гардонида шудааст.

НАҚШИ ҶАВОНОН ДАР ТАҲКИМИ ИСТИҚЛОЛИ ДАВЛАТӢ – баргузории ҳамоиши ҷавонон дар шаҳри Гулистон

Имрӯз, 18-уми сентябри соли 2025 дар доираи нақшаи кории Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Кохи фарҳангии “Истиқлол”-и маркази шаҳр ҳамоиши ҷавонони шаҳри Гулистон таҳти унвони “Нақши ҷавонон дар таҳкими Истиқлоли давлатӣ” бо иштироки гирандагони стипендияи Президентӣ, стипендияи Раиси шаҳр, ғолибони озмунҳои ҷумҳуриявӣ, ҷавонони фаъоли муассисаҳои таълимӣ, донишҷӯёни коллеҷи тиббии шаҳр ва ҷавонони соҳаҳои касбу кори гуногун баргузор карда шуд. Ҳамоиш бо садо додани Суруди миллии Ҷумҳурии Тоҷикистон оғоз ёфт.

Дар кори Ҳамоиш Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода, Раиси шаҳри Гулистон Илҳом Пӯлотзода, сардори Раёсати кор бо ҷавонон ва варзиши вилояти Суғд Бахтиёр Исматзода ва мудири бахши кор бо ҷавонон ва варзиши шаҳр Аҳлиддин Абдураҳмонов иштирок ва суханронӣ намуданд.

ИҶЛОСИЯИ СЕЮМИ МАҶЛИСИ ВАКИЛОНИ ХАЛҚИ ШАҲРИ ГУЛИСТОН, ДАЪВАТИ ҲАФТУМ ДОИР ГАРДИД

Имрӯз, 17 сентябри соли 2025 дар толори хурди Мақомоти иҷроияи ҳокимияти давлатии шаҳри Гулистон Иҷлосияи сеюми Маҷлиси вакилони халқи шаҳр, даъвати ҳафтум доир гардид.
Кори Иҷлосия бо садо додани Суруди миллии Ҷумҳурии Тоҷикистон, интихоби ҳайати котибот ва тасдиқи рӯзнома оғоз гардид.
Дар кори иҷлосия вакилони Маҷлиси вакилони халқи шаҳр, муовинон ва роҳбари дастгоҳи раиси шаҳр, мудирони шуъбаю бахшҳо ва роҳбарони воҳидҳои сохтории мақомоти иҷроияи ҳокимияти давлатии шаҳр, роҳбарони мақомоти ҳифзи ҳуқуқ, роҳбарони ташкилотҳои шаҳрӣ ва раисони ҷамоати шаҳракҳо иштирок намуданд.