Ҷудочиёни тоҷик ба қаҳрамонии ҷаҳонии ҷудо омодагӣ мебинанд

Рушду оммавияти варзиш яке аз самтҳои афзалиятноки сиёсати иҷтимоии давлат ва Ҳукумати Ҷумҳурии Тоҷикистон маҳсуб ёфта, таҳти таваҷҷуҳ ва дастгириҳои пайвастаи Пешвои миллат муҳтарам Эмомалӣ Раҳмон дар кишвар шароити мусоид барои рушди соҳа муҳайё гардидааст. Имрӯз варзишгарони тоҷик дар мусобиқаву чемпионатҳои сатҳи ҷаҳонӣ Парчами Тоҷикистони маҳбубро бо сарбаландӣ парафшон намуда, обрӯву эътибори миллатро дар арсаи байналмилалӣ баланд мебардоранд.

Аз 12 то 18 июни соли 2025 дар шаҳри Будапешти Ҷумҳурии Венгрия чемпионати ҷаҳон оид ба ҷудо баргузор мешавад. Бо мақсади омодагии ҳамаҷониба дидан ба ин чорабинии муҳими варзишӣ бо ташаббуси Федератсияи ҷудои Тоҷикистон ва дастгирии Мақомоти иҷроияи ҳокимияти давлатии вилояти Суғд аз 22 май то 8 июн дар шаҳри Гулистон машқҳои дастаҷамъонаи тими мунтахаби ҷудочиёни кишвар ба роҳ монда шудааст.

ФЕСТИВАЛИ ШАҲРӢ БАХШИДА БА РӮЗИ ҶАҲОНИИ ФУТБОЛ

Имрӯз, 24.05.2025 дар варзишгоҳи марказии шаҳри Гулистон фестивали шаҳрии футбол бахшида ба эълон гардидани Рӯзи ҷаҳонии футбол баргузор карда шуд.

Дар фестивали мазкур Раиси шаҳри Гулистон Илҳом Пӯлотзода, муовинони Раиси шаҳр, роҳбарони мақомотҳои ҳифзи ҳуқуқ, воҳидҳои сохторӣ, роҳбарони корхонаву муассисаҳо ва ҷамоати шаҳракҳо иштирок намуданд. Ҳамчунин, дар фестивал ҷавонони муассисаҳои таълимӣ, коллеҷи тиббӣ, ҷамоати шаҳракҳо, дастпарварони академия "Сомониён" беш аз 3000 нафар иштирок намуданд.

Фестивал бо садо додани Суруди миллии Ҷумҳурии Тоҷикистон оғоз гардид.

Раиси шаҳри Гулистон Илҳом Пӯлотзода иштирокчиёни фестивалро бо фарорасии Рӯзи ҷаҳонии футбол муборакбод намуд.

Паёми табрикотии Раиси шаҳри Гулистон Илҳом Пӯлотзода ба муносибати Рӯзи ҷавонони Тоҷикистон

Ҷавонони гиромӣ!

Ба ифтихори Рӯзи ҷавонони Тоҷикистон, ки яке аз ҷашнҳои фараҳбахши Тоҷикистони соҳибистиқлол маҳсуб меёбад, ҳамаи Шумо ҷавонони саодатманди шаҳрро табрику таҳният гуфта, бароятон бахту иқболи нек ва саодати рӯзгорро таманно менамоям.

Бояд зикр кард, ки дар партави сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешбурди сиёсати давлат дар соҳаи ҷавонон аз солҳои аввали соҳибистиқлолӣ яке аз самтҳои афзалиятноки фаъолияти Ҳукумати кишвар эълон гардидааст.

Алҳол дар шаҳри Гулистон беш аз 28 дарсади теъдоди сокинонро ҷавонон ташкил медиҳанд ва онҳо бо рўҳбаландиву ғайрати тоза дар тамоми самтҳои хоҷагии халқи шаҳр софдилона фаъолият доранд. Дар шаҳр тамоми шароиту имконоти зарурӣ баҳри дастгирӣ ва тарбияи ҷавонон муҳайёст.

Соли равон барои дастгирии ҷавонони шаҳр шумораи гирандагони Стипендияи Раиси шаҳр 40 нафар ва маблағи он 1800 сомониро ташкил дод, ки хонандагони аълохону фаъол сазовори Степендияи Раиси шаҳр гардиданд. Лозим ба зикр аст, ки бо ташаббуси бевоситаи Пешвои муаззами миллат муҳтарам Эмомалӣ Раҳмон миқдори гирандагони Стипендияи Президентӣ дар сатҳи ҷумҳурӣ аз 400 нафар ба 3000 нафар расонида шуд ва тибқи тақсимот, барои шаҳри Гулистон 16 адад Стипендияи Президентӣ ҷудо гардидааст, ки ин шумора солҳои қаблӣ ҳамагӣ 3 ададро ташкил медод.

ГУЛИСТОН: Таҷлили бошукӯҳи Рӯзи ҷавонони Тоҷикистон

Шоми 21-уми майи соли 2025 дар майдони Парчами давлатии Ҷумҳурии Тоҷикистон дар шаҳр чорабинии идона ба муносибати Рӯзи ҷавонони Тоҷикистон бо иштироки Раиси шаҳри Гулистон Илҳом Пӯлотзода, роҳбарони мақомотҳои ҳифзи ҳуқуқ, кормандони мақомоти иҷроияи ҳокимияти давлатии шаҳр, гирандагони Стипендияи Президентӣ, гирандагони Стипендияи Раиси шаҳр, ҷавонони касбу кори гуногун, донишҷӯёни коллеҷи тиббӣ ва дигар сокинону меҳмонони шаҳр баргузор карда шуд.

Раиси шаҳри Гулистон Илҳом Пӯлотзода ба ифтихори Рўзи ҷавонони Тоҷикистон, кулли ҷавонони саодатманди шаҳрро табрику таҳният гуфта, барояшон бахту иқболи нек ва саодати рӯзгорро таманно намуд.

Зикр карда шуд, ки дар партави сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешбурди сиёсати давлат дар соҳаи ҷавонон аз солҳои аввали соҳибистиқлолӣ яке аз самтҳои афзалиятноки фаъолияти Ҳукумати кишвар эълон гардидааст. Ҳанўз соли 1992 бо дарназардошти аҳамият ва зарурати ташаккули сиёсати ҷавонон Қонуни Ҷумҳурии Тоҷикистон «Дар бораи сиёсати давлатии ҷавонон»-ро қабул намуд, ки иқдоми зикршуда нишонаи возеҳи таваҷҷуҳи хоссаи Пешвои муаззами миллат ва Ҳукумати кишвар ба табақаи фаъоли ҷомеа, яъне наврасону ҷавонон мебошад.