ВОХӮРИИ НОМЗАДҲО БА МАҶЛИСИ ВАКИЛОНИ ХАЛҚИ ШАҲРИ ГУЛИСТОН БО ИНТИХОБКУНАНДАГОН

Имрӯз, 27.02.2025 дар толори МТМУ №10-и шаҳраки Зарнисори шаҳри Гулистон мутобиқи нақшаи баргузории вохӯрии номзадҳо ба вакили Маҷлиси вакилони халқи шаҳри Гулситон вохӯрии номзадҳо бо интихобкунандагон баргузор гардид. Дар вохӯрии мазкур Оқилзода Ғайрат Аҳмад - раиси Кумитаи иҷроияи Ҳизби Халқии Демократии Тоҷикистон дар шаҳри Гулистон, Расулов Абдумалик, номзад ба вакили Маҷлиси вакилони халқи шаҳри Гулистон аз ҳавзаи интихоботии “Умари Хайём” №21, Майнусов Абдулло, номзад ба вакили Маҷлиси вакилони халқи шаҳри Гулистон аз ҳавзаии интихоботии “Наврӯз” №22, Зарипов Мирзариф, номзад ба вакили Маҷлиси вакилони халқи шаҳри Гулистон аз ҳавзаии интихоботии “Баҳористон” №23, Комилзода Ҷаҳонгир, номзад ба вакили Маҷлиси вакилони халқи шаҳри Гулистон аз ҳавзаии интихоботии “Навобод” №24 ва шахсони боэътимоди онҳо иштирок намуданд.

Вохӯриро раиси Кумитаи иҷроияи Ҳизби Халқии Демократии Тоҷикистон дар шаҳри Гулистон Оқилзода Ғайрат Аҳмад ҳусни оғоз бахшида, мақсад ва моҳияти баргузории вохӯриро ба интихобкунандагон фаҳмонида, номзадҳоро ба интихобкунандагон шинос намуд.

ВОХӮРИИ НОМЗАДҲО АЗ ҲИЗБИ ХАЛҚИИ ДЕМОКРАТИИ ТОҶИКИСТОН БА МАҶЛИСИ ВАКИЛОНИ ХАЛҚИ ШАҲРИ ГУЛИСТОН

Имрӯз, 26.02.2025 мутобиқи нақшаи баргузории вохӯрии номзадҳо ба вакили Маҷлиси вакилони халқи шаҳри Гулистон дар толори мактаби санъати маркази шаҳр вохӯрии номзадҳо бо интихобкунандагон баргузор гардид. Дар вохӯрии мазкур Оқилзода Ғайрат Аҳмад - раиси Кумитаи иҷроияи Ҳизби Халқии Демократии Тоҷикистон дар шаҳри Гулистон, Маҷидов Баҳодур Бахтиёрович, номзад ба вакили Маҷлиси вакилони халқи шаҳри Гулистон аз ҳавзаи интихоботии “Балхӣ” №2, маҷлиси КИ ҲХДТ дар шаҳри Гулистон пешниҳод намудааст, Муҳаммадзода Даврон, номзад ба вакили Маҷлиси вакилони халқи шаҳри Гулистон аз ҳавзаии интихоботии “Фирдавсӣ” №3, Файзуллозода Тахмина Муҳамад, номзад ба вакили Маҷлиси вакилони халқи шаҳри Гулистон аз ҳавзаии интихоботии “Сино” №4, Абдулоев Абдумуталиб Пўлотҷонович, номзад ба вакили Маҷлиси вакилони халқи шаҳри Гулистон аз ҳавзаии интихоботии “Бедил” №5, Ҷамолиён Муслимахон Ғайбуллозода, номзад ба вакили Маҷлиси вакилони халқи шаҳри Гулистон аз ҳавзаии интихоботии “Сарбанд” №6, Зокирова Турсуной Шарифҷоновна, номзад ба вакили Маҷлиси вакилони халқи шаҳри Гулистон аз ҳавзаии интихоботии “Ҷавонӣ” №7 ва шахсони боэътимоди онҳо иштирок намуданд.

Вохӯриро раиси Кумитаи иҷроияи Ҳизби Халқии Демократии Тоҷикистон дар шаҳри Гулистон Оқилзода Ғайрат Аҳмад ҳусни оғоз бахшида, мақсад ва моҳияти баргузории вохӯриро ба интихобкунандагон фаҳмонида, номзадҳоро ба интихобкунандагон шинос намуд.

АМАЛИ ҲАЙАТИ РОҲБАРИКУНАНДА ВА ҲАЙАТИ ШАХСӢ ҲАНГОМИ ГУЗАШТАН АЗ ЗАМОНИ ОСОИШТА БА ЗАМОНИ ҶАНГӢ

Аз ҷониби бахши Раёсати Кумитаи ҳолатҳои фавқулодда ва мудофиаи граждании вилояти Суғд дар шаҳри Гулистон дар асоси Нақшаи чорабиниҳои асосии Раёсати Кумитаи ҳолатҳои фавқулодда ва мудофиаи гражданӣ дар вилояти Суғд оид ба масъалаҳои мудофиаи гражданӣ, эътино, пешгирӣ ва рафъи оқибатҳои ҳолатҳои фавқулодда барои соли 2025, ки бо қарори Раиси вилояти Суғд аз 30 декабри соли 2024, №400 тасдиқ карда шудааст, санаи 21 феврали соли 2025 тамринҳои ситодии мудофиаи гражданӣ, дар мавзуи «Амали ҳайати роҳбарикунанда ва ҳайати шахсӣ ҳангоми гузаштан аз замони осоишта ба замони ҷангӣ» дар шаҳри Гулистон бо ҷалби ҳайати шахсии бахши Раёсати КҲФ ва МГ-и вилояти Суғд дар шаҳри Гулистон, хадамотҳои мудофиаи граждании шаҳр ва ҳайати роҳбарикунандаи мудофиаи граждании шаҳр ва раисони ҷамоатҳо ташкил ва гузаронида шуд.

Тамриноти мазкур 21 феврали 2025 соати 16:00 бо ҷамъ намудани маълумотҳои дахлдор аз хадамотҳои мудофиаи граждании шаҳр, ҳайати роҳбарикунандаи мудофиаи гражданӣ зернизоми вазифави Низоми ягонаи давлатии шаҳр дар толори хурди Мақомоти иҷроияи ҳокимияти давлатии шаҳри Гулистон барои муҳокимаи тамрини ситодӣ ва ҷамбасти он такроран ҷамъ оварда шуданд. Пас аз муҳокима ва баҳогузории тамринҳои ситодии мазкур аз ҷониби муовини Раиси шаҳр Шарифҷони Саидраҳмон ва сардори бахши Раёсати КҲФ ва МГ-и вилояти Суғд дар шаҳри Гулистон подполковник Ализода Ш.Т. хадамотҳои мудофиаи гражданӣ, ҳайати роҳбарикунандаи мудофиаи гражданӣ зернизоми вазифави Низоми ягонаи давлатии шаҳр бо туҳфаҳо ва сипосномаҳои и.в. сардори мудофиаи гражданӣ-Раиси шаҳри Гулистон Илҳом Пӯлотзода қадрдонӣ карда шуданд.

ТОЗАВУ ОЗОДА НИГОҲ ДОШТАНИ ШАҲР МАРОМИ МОСТ!

Санаи 22.02.2025 дар шаҳри Гулистон ҷиҳати тозаву озода намудани шаҳр ҳашари дастаҷамъии тозагӣ баргузор гардид.

Дар ҳашари тозагӣ ташкилоту корхона, муассисаҳои соҳаи маориф, фарҳанг, тандурустӣ ва дигар соҳаҳои хоҷагии халқи шаҳр фаъолона иштирок намуданд.

Ҳифз намудани табиат ва тозаю озода нигоҳ доштани гирду атроф ба инсонҳо вобастагии комил дошта, қарзи ҳамешагии шаҳрвандии мо мебошад. Бо ин мақсад ҳашарчиён гирду атрофи корхонаву муассисаҳо, мавзеъҳои истироҳатӣ, шафати роҳи асосӣ, гирду атрофи нуқтаҳои савдо ва кӯчаву хиёбонҳои шаҳрро аз ҳама гуна хасу хошок, баргҳои дарахтон ва партовҳо тоза намуданд.

Ҳадаф аз баргузории ҳашарҳои дастаҷамъона баланд бардоштани маърифати шаҳрдорӣ, тозаву озода нигоҳ доштани муҳити зист, пешгирии ҳар гуна бемориҳои сироятӣ ва ба ин васила таъмини беҳдошти солимии ҷомеа мебошад.