БАРГУЗОРИИ ХОНИШИ СИЁСӢ ДАР КОЛЛЕҶИ ТИББИИ ШАҲРИ ГУЛИСТОН

Дар Коллеҷи тиббии шаҳри Гулистон бо иштироки тарғиботчиёни вилоятӣ ва маҳаллӣ хониши сиёсӣ бо омӯзгорон ва донишҷӯён баргузор гардид.

Дар вохӯрӣ Аҳлиддин Абдураҳмонов мудири бахши кор бо ҷавонон ва варзиши шаҳр, Аҳлиддин Тоҷиддинов иҷрокунандаи вазифаи мудири бахши дин, танзими анъана ва ҷашну маросим, Маҳкам Миркамолов собиқадори меҳнат ва устоди ДДҲБСТ Ғолибҷон Санавваров иштирок ва суханронӣ намуданд.

Қайд гардид, ки имрӯз Қувваҳои мусаллаҳи Ҷумҳурии Тоҷикистон ниҳоди эътимодноки халқу миллат гардидааст. Бедорхобиву заҳмати онҳост, ки имрӯз мардуми сарбаланди кишвари азизамон зиндагии осуда доранд.

Тибқи моддаи 43-и Конститутсияи Ҷумҳурии Тоҷикистон “Ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии он вазифаи муқаддаси ҳар шаҳрванд аст”. Чунончи Президенти ҷумҳурӣ Эмомалӣ Раҳмон дар баромадҳои худ таъкид менамоянд: “Ватандӯстӣ ва амнияти миллӣ асоси сиёсати давлати мо мебошад”.

БОЗДИД АЗ КОРХОНАҲОИ НАВТАЪСИС

Дар шаҳри Гулистон соли ҷорӣ бунёди 6 адад корхонаҳои саноатӣ ба нақша гирифта шудааст. Имрӯз иҷрокунандаи вазифаи раиси шаҳр Гулистон Ҳошимзода Раъно Ҳошим барои шиноси аз раванди корҳои сохтмонӣ дар ин корхона ва коргоҳҳо ба минтақаи саноатии шаҳр ташриф овард.

Дар даромади корхонаи ҶДММ “Тиглат” соҳибкор Ҷамилов Обидҷон Орифҷонович меҳмононро пешвоз гирифта итилло дод, ки корхона ба истеҳсоли ранги сохтмони ва хокаҳои хушки сохтмонӣ пешбинӣ шуда, бо маблағи 5 миллиону 650 ҳазор сомонӣ бунёд карда мешавад. Пас аз мавриди истифода қарор додани корхона то 30 нафар шаҳрвандон бо ҷои кори доимӣ ва музди маоши баланд таъмин мегарданд. То имруз биноҳои маъмурӣ ва анборҳо сохта шуда, ворид кардани таҷҳизотҳо аз кишварҳои Россия, Украина ва Туркия мувофиқа шудааст. Ҳошимзода Раъно Ҳошим-иҷрокунандаи вазифаи раиси шаҳр ба роҳбари корхона дастур доданд, ки суръати корҳои сохтмониро тезонида барои ҳарчӣ зудтар ворид намудани таҷҳизотҳо тадбирҳо андешида шавад. Сохтмонҳо бояд мувофиқи лоиҳаҳои тасдиқшуда дар вақти муайяншуда ва бо сифати баланд анҷом дода шаванд.

АРТИШИ МИЛЛӢ – КАФИЛИ ИСТИҚЛОЛИ ДАВЛАТӢ

Санаи 16.02.2022 тибқи нақшаи тасдиқгардидаи Мақомоти иҷроияи ҳокимияти давлатии вилоят ва шаҳр бахшида ба 29-умин солгарди Рӯзи артиши миллӣ дар қисми низомии 45025 маҳфили илмӣ-адабӣ таҳти унвони “Артиши миллӣ – кафили Истиқлоли давлатӣ” дар байни афсарону сарбозон ташкил ва баргузор карда шуд.

Дар маҳфили илмӣ адабӣ мудири бахши кор бо ҷавонон ва варзиши шаҳр Аҳлиддин Абдураҳмонов, иҷрокунандаи вазифаи мудири бахши кор бо дин, танзими анъана ва ҷашну маросим Аҳлиддин Тоҷиддинов, имомхатиби масҷиди ҷомеи шаҳр М.Усмонов ва намояндагони Мақомоти ҷироияи ҳокимияти давлатии вилояти Суғд иштирок ва суханронӣ намуданд.

Баргузории ҷаласаи Комиссияи даъвати баҳорӣ

Дар толори хурди Мақомоти иҷроияи ҳокимияти давлатии шаҳр ҷаласаи комиссияи даъватии вилояти Суғд оид ба рафти иҷрои қарори Раиси вилоят аз 27 декабри соли 2021, №604 “Дар бораи гузаронидани омӯзиши пеш аз даъватӣ ва омода намудани шаҳрвандони солҳои таваллудашон 1995-2004 ба хизмати ҳарбӣ дар даъвати баҳории соли 2022” баргузор гардид.

Дар ҷаласа муовини Раиси вилояти Суғд Даврон Зоҳидзода, аъзои комиссияи даъватӣ, раисони ҷамоати шаҳракҳо ва фаъолони шаҳр иштирок доштанд.Иҷрокунандаи вазифаи Раиси шаҳри Гулистон Раъно Ҳошимзода кори ҷаласаро ифтитоҳ намуда, ҳозиринро бо рӯзномаи ҷаласа шинос намуд. Зикр гардид, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар суханрониҳои худ пайваста таъкид менамоянд, ки вазъи ҷомеаи ҷаҳонӣ ҳар яки моро ҳушдор месозад, ки зиракии сиёсӣ, омодагии доимӣ, эҳсоси баланди ватандўстӣ, худогоҳӣ ва муқаддас доштану ҳифз намудани арзишњои истиқлолияти давлати соҳибистиқлоламонро аз даст надињем. Аз ин рў, Пешвои муаззами миллат дар ҳалли масъалаҳои мустаҳкам намудани иқтидори мудофиавии кишвар диққати махсус зоҳир намуда, онро таҳти назорати пайвастаи худ ќарор додаанд.