ВАҲДАТ ПОЙДЕВОРИ ДАВЛАТ ВА ҲАСТИИ МИЛЛАТ АСТ

Имрӯз, 25.06.2025 тибқи нақшаи тасдиқгардидаи бахши кор бо ҷавонон ва варзиши шаҳри Гулистон   дар толори бахши ҳифзи муҳити зист дар шаҳр  таҳти унвони “Ваҳдат пойдевори давлат ва ҳастии миллат аст” ба ифтихори 28-умин солгарди Рӯзи Ваҳдати миллӣ бо иштироки гирандагони стипендияи Президентӣ ва Раиси шаҳр мизи мудаввар баргузор гардид.

Дар кори мизи мудаввар мудири бахши кор бо ҷавонон ва варзиши шаҳр Аҳлиддин Абдураҳмонов  иштирок ва суханронӣ намуд.

Зикр карда шуд, ки ба таъбири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Агар дар мамлакат сулҳу оромӣ, суботи сиёсӣ, сарҷамъии миллат ва ваҳдати миллӣ ҳукмфармо бошад, тамоми нияту ҳадафҳои нек ва нақшаву барномаҳо иҷро мегарданд ва ҳамаи масъалаву мушкилоти иқтисодиву иҷтимоӣ ба тадриҷ бартараф карда мешаванд”.

Тақвияти корҳои ободониву созандагӣ дар шаҳраки Зарнисор

Санаи 24.06.2025 муовини Раиси шаҳри Гулистон Муслимахон Ҷамолиён тибқи дастури Раиси шаҳр Илҳом Пӯлотзода дар Ҷамоати шаҳраки Зарнисор аз рафти корҳои ободонию созандагӣ ба муносибати 35-солагии Истиқлоли давлатии Ҷумҳурии Тоҷикистон  дидан намуд.

Раиси Ҷамоати шаҳраки Зарнисор Хуршед Бердиев иттилоъ дод, ки баҳри сазовор пешвоз гирифтани ҷашни умумимиллӣ дар шаҳрак 13 адад иншооти ҷашнӣ ба нақша гирифта шудааст ва то имрӯз 10 адади он мавриди баҳрабардорӣ қарор дода шудааст. Дар дигар иншооти ҷашнӣ корҳои бозсозиву сохтмонӣ идома дорад.

Лозим ба зикр аст, ки бо мақсади дар сатҳи баланд пешвоз гирифтани Ҷашни 35-солагии Истиқлоли давлатии Ҷумҳурии Тоҷикистон дар шаҳри Гулистон тибқи нақша бояд 280 иншоот сохта ба истифода дода шавад, ки то имрӯз 184 адади он мавриди баҳрабардорӣ қарор дода шудааст.

ВАҲДАТИ МИЛЛӢ - КАФИЛИ САОДАТМАНДИИ МАРДУМИ ТОҶИК

Санаи 24.06.2025 дар толори муассисаи таҳсилоти миёнаи умумии №10-и Ҷамоати шаҳраки Зарнисор бо сокинон вохӯрӣ доир ба 28-солагии Ваҳдати миллӣ доир карда шуд.

Дар вохӯрии мазкур муовини Раиси шаҳри Гулистон Муслимахон Ҷамолиён, мудири шуъбаи маорифи шаҳр Дилрабо Каримӣ ва раиси ҷамоати шаҳрак иштирок ва суханронӣ намуданд.

Зикр карда шуд, ки Сулҳу ваҳдат чун омили муттаҳидсозандаи миллати тоҷик имкон фароҳам овард, ки бо истифодаи арзишҳои аз ҷониби ҷомеаи ҷаҳонӣ пазируфташуда дар кишварамон таҳкурсии ташаккули ҷомеаи шаҳрвандӣ гузошта шавад ва барои беҳтар гардидани сатҳу сифати зиндагии мардум, ободии Ватан ва ояндаи давлати соҳибистиқлоламон заминаи мусоид муҳайё гардад.

ВАҲДАТИ МИЛЛӢ-ОМИЛИ УСТУВОРИИ ДАВЛАТИ СОҲИБИСТИҚЛОЛ – баргузории Конференсияи шаҳрӣ ба муносибати рӯзи Ваҳдати миллӣ

Имрӯз, 23.06.2025 дар толори Кохи фарҳангии “Истиқлол”-и шаҳри Гулистон бахшида ба 28-солагии Рӯзи Ваҳдати миллӣ конференсияи илмӣ таҳти унвони “Ваҳдати миллӣ - омили устувории давлати соҳибистиқлол” бо иштироки кормандони соҳаҳои гуногун баргузор гардид.

Конференсия бо садо додани Суруди миллии Ҷумҳурии Тоҷикистон оғоз гардид. Дар кори конференсия муовини Раиси шаҳри Гулистон Муслимахон Ҷамолиён, шоир Адибаи Хуҷандӣ, мудири бахши ҷавонони КИ ҲХДТ дар шаҳри Гулистон Фаридуншоҳ Абдуллоев ва мутахассиси бахши кор бо дин, танзими ҷашну маросими МИҲД-и шаҳр Шаҳбоз Раҳматов иштирок ва суханронӣ намуданд.

Зирк карда шуд, ки Рӯзи Ваҳдати миллӣ – барои тоҷикону тоҷикистониён рӯзи муқаддас ва санаи таърихиву сарнавиштсози баҳамоиву оштии миллӣ, сулҳу суботи комил ба шумор рафта, асоси рушди соҳаҳои хоҷагии халқи кишварро дар таърихи навини давлати соҳибистиқлоламон таҷассум мекунад, ки соли равон аз таърихи баимзорасии ин санади сарнавиштсоз 28-сол сипарӣ мегардад.