БАРГУЗОРИИ НИШАСТИ МАТБУОТИИ РАИСИ ШАҲР ДОИР БА ҶАМЪБАСТИ ФАЪОЛИЯТИ СОҲАҲОИ ХОҶАГИИ ХАЛҚИ ШАҲР ДАР ДАВОМИ НИМСОЛАИ АВВАЛИ СОЛИ 2025

Имрӯз, 21.07.2025 дар толори хурди мақомоти иҷроияи ҳокимияти давлатии шаҳр баҳри иҷрои Амри Президенти Ҷумҳурии Тоҷикистон аз 15-уми сентябри соли 2011 “Дар бораи гузаронидани нишасти матбуотии раисони мақомоти маҳаллии иҷроияи ҳокимияти давлатии шаҳру ноҳияҳо” ва дар асоси ҷадвали тасдиқшудаи Мақомоти иҷроияи ҳокимияти давлатии вилояти Суғд аз 10-уми июли соли 2025 нишасти матбуотии Раиси шаҳри Гулистон оид ба ҷамъбасти фаъолияти соҳаҳои хоҷагии халқи шаҳр дар давоми нимсолаи аввали соли 2025 баргузор гардид.

Дар нишасти матбуотӣ Раиси шаҳри Гулистон Илҳом Пӯлотзода ва намояндаи Мақомоти иҷроияи ҳокимияти давлатии вилояти Суғд, деректори маркази "Тоҷикстандарт" дар вилояти Суғд Ғайбулло Муҳиддинзода иштирок намуданд.

Шаҳрамонро якҷоя обуду хуррам мекунем! - баргузории шанбегии умумишаҳрӣ

Санаи 20.07.2025 тибқи нақшаи кории Мақомоти иҷроияи ҳокимияти давлатии шаҳр намояндагони ҷомеаҳои меҳнатии корхонаву муассисаҳо, ташкилоту идораҳо, кормандони соҳаҳои тандурустӣ, маориф, фарҳанг дар маркази шаҳр ба шанбегӣ баромаданд.

Гулистониён тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар боби ободу зебо гардонидани маҳалли зист, хиёбонҳо, гулгашту майдонҳо, кӯчаҳо ва маҳалли зист корҳои мушаххас роҳандозӣ менамоянд.

Дар шанбегии имрӯза аҳли ҷомеаи меҳнатии шаҳр шафати роҳи асосӣ, атрофи корхонау муассиса ва хиёбону гулгаштҳоро аз хасу хошок ва алафҳои бегона тоза намуданд.

БАРГУЗОРИИ ДАВРИ ШАҲРИИ ОЗМУНИ "БЕҲТАРИН ҲАМСАР", "ХУШДОМАНИ БЕҲТАРИН", "ФАРЗАНД БОҒИ ПАДАРУ МОДАР" ВА "БЕҲТАРИН ОИЛАИ ҲУНАРМАНД"

Имрӯз, 16.07.2025 дар тарабхонаи "Манижа"-и маркази шаҳр даврии шаҳрии озмунҳои ҷумҳуриявии "Беҳтарин ҳамсар" ва "Беҳтарин оилаи ҳунарманд", "Хушдомани беҳтарин", "Фарзанд боғи падару модар", ки бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон бо иштироки намояндагон аз маркази шаҳр ва ҷамоати шаҳракҳо баргузор гардид.

Дар оғоз муовини Раиси шаҳр Муслимахон Ҷамолиён чорабиниро оғоз намуда, зикр дошт, ки оила арзиши муқаддасу қадимиест, ки ба эҳёи тамаддунҳо замина гузошта, дар зиндагии инсоният ва пешрафти мадании ҷомеа нақши муҳимро мебозад. Оила биноест, ки барои тамоми умр бунёд ва ороста мешавад. Зербинои таълиму тарбия дар оила устувор гашта, рушду такомули зеҳнии инсон аз муҳити хонавода ибтидо мегирад ва амсоли ҷамъият ҳамқадами замон рушду ташаккул ёфта, вобаста ба муҳити маънавии ҷомеа шаклу мазмуни нав пайдо мекунад. Дар ҳар давру замон оила барои ояндаи насли наврас хишти аввали бунёди қасри маънавиёт ба ҳисоб меравад.

ВОХӮРИИ СУДМАНД БО БОНУВОНИ СОҲАИ ТИБ

Тибқи нақшаи мақомоти иҷроияи ҳокимияти давлатии шаҳр дар беморхонаи марказии шаҳр бо иштироки бонувон вохӯрӣ доир карда шуд. Дар вохӯрии мазкур Матлуба Сатторова мудири бахши занони МИҲД-и шаҳр, Мадина Каримова сармутахассиси ҳифзи ҳуқуқи кӯдак, Пӯлодиён Гулсанам муовини сардухтур ва Ганҷина Ғаниева сарҳамшираи беморхонаи марказӣ иштирок ва суханронӣ намуданд.

Зикр карда шуд, ки зан — на танҳо як шахсият, балки инъикоси зебоии маънавӣ ва фарҳангии ҷомеа аст. Ӯ мисли оинаест, ки симои ҷомеаро нишон медиҳад: агар зан босавод, озод ва бахтёр бошад — ҷомеа низ ободу солим аст. Зан — рӯйи ҷомеа аст, зеро дар ҷеҳраи ӯ муҳаббат, меҳнат, сабр ва хирад инъикос меёбанд. Ҳар яқ ҷомеаи пешрафта пеш аз ҳама ба рушди зан аҳамият медиҳад. Зеро зан модар аст, тарбиятгар аст, меъмори фардои миллат аст. Имрӯзҳо занон дар соҳаҳои гуногун — илм, тиб, фарҳанг, сиёсат, соҳибкорӣ ва дигар бахшҳо фаъоланд. Онҳо собит карданд, ки метавонанд на танҳо такягоҳи хонавода, балки такягоҳи давлат бошанд.