Номаи табрикотии Раиси шаҳри Гулистон Илҳом Пӯлотзода ба муносибати Иди саиди Қурбон

Ҳамшаҳриёни гиромӣ!

Ба муносибати фарорасии Иди саиди Қурбон ҳамаи сокинон ва меҳмонони шаҳри Гулистонро самимона табрик гуфта, ба хонадонатон оромиву осоиш, рӯзгори обод ва файзу баракат орзу менамоям.

Иди Қурбон аз ҷумлаи арзишҳои муқаддаси суннатии мардуми мусулмони мо буда, одамонро ба корҳои хайру саховат ва амалҳои нек ҳидоят менамояд. Ин амалҳои хайр, дар навбати худ ба пойдории сулҳу суботи кишвар, оромиву осоиши ҷомеа ва таҳкими ваҳдату ҳамдигарфаҳмии мардуми мо мусоидат мерасонанд.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар паёми табрикотии худ ба ин муносибаттаъкид намуданд, ки: Фарҳанги иди Қурбон таҷассумгари имону садоқат ба Худованд буда, маънӣ ва фалсафаи он ба қадри якдигар расидан, ба ҳамдигар муҳаббату дӯстӣ варзидан, аз ихтилофу парокандагӣ худдорӣ кардан, ба ҷо овардани эҳтироми калонсолон ва махсусан падару модарон, шукронаи умр ва неъматҳои зиндагӣ, аз ҷумла оромиву субот мебошад. Иди Қурбон, инчунин, айёми шод кардани қалби ятимону маъюбон ва камбизоатҳову эҳтиёҷмандон аст”.

ШУРОИ ҲАМОҲАНГСОЗИИ "БАРНОМАИ ТАШАККУЛИ ТАРЗИ ҲАЁТИ СОЛИМ" БАРГУЗОР ГАРДИД

Имрӯз, 04.05.2025 дар толори Муассисаи давлатии "Маркази таҳсилоти иловагии шаҳри Гулистон" Шурои ҳамоҳангсозии "Барномаи ташаккули тарзи ҳаёти солим" таҳти раёсати муовини Раиси шаҳр, сарапарасти соҳа Муслимахон Ҷамолиён баргузор гардид.

Дар кори Шуро муовини Раиси шаҳр, муовини Раиси Шуро Муслимахон Ҷамолиён ва аъзои Шуро - мудири бахши кор бо занон ва оилаи МИҲД-и шаҳр Матлуба Сатторова, мудири шуъбаи маорифи шаҳр Дилрабо Каримӣ ва сарвари Маркази ташаккули тарзи ҳаёти солим дар шаҳр Рафоат Кенҷаева иштирок ва суханронӣ намуданд.

Зикр карда шуд, ки бо қарори Ҳукумати Ҷумҳурии Тоҷикистон аз 30 декабри соли 2021 таҳти № 566 «Дар бораи барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2022 - 2026» қабул гардид, дар асоси ин қарори Раиси вилоят санаи 31 январи соли 2022 таҳти №30 оиди татбиқи «Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2022-2026» дар вилояти Суғд ва қарори Раиси шаҳри Гулистон аз санаи 14 феврали соли 2022 №61 “Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2022-2026” тасдиқ карда шуд. «Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2022-2026» аз 17 банд иборат буда, дар ҳамкорӣ бо сохторҳои дахлдор татбиқ гардида истодааст.

БАРГУЗОРИИ МУЛОҚОТ БО УСУЛИ "МАҲАЛ БА МАҲАЛ" БО ИШТИРОКИ СОКИНОНИ МАҲАЛЛАИ СОХТМОНЧИИ ШАҲРАКИ ЗАРНИСОР

Имрӯз, 04.06.2025 тибқи нақшаи муштараки сохторҳои дахлдори мақомоти иҷроияи ҳокимияти давлатии шаҳр ва КИ ҲХДТ дар шаҳр ҷиҳати баргузории мулоқоту вохӯриҳо бо усули маҳал ба маҳал ва деҳа ба деҳа дар Ҷамоати шаҳраки Зарнисор бо иштироки сокинони маҳаллаи "Сохтмончӣ" вохӯрӣ баргузор карда шуд.

Дар вохӯрии мазкур муовини Раиси шаҳр Шарифҷони Саидраҳмон, сармуҳаррири рӯзномаи “Сухани халқ”-и КИ ҲХДТ дар вилояти Суғд Ёсуман Аҳмадзода, муовини раиси КИ ҲХДТ дар шаҳри Гулистон Шарифа Отаҷонова, мудири бахши кор бо ҷавонон ва варзиши шаҳр Аҳлиддин Абдураҳмонов, мудири бахши ҷавонони КИ ҲХДТ дар шаҳр Фаридуншоҳ Абдуллоев, мудири бахши омор ва махзани ягонаи КИ ҲХДТ дар шаҳр Зиёмиддин Орипов ва вакили Маҷлиси вакилони халқи шаҳр Абдумалик Расулов иштирок ва суханронӣ намуданд.

СИТОДИ ЗИМИСТОНГУЗАРОНӢ ДОИР ГАРДИД

Таҳти раёсати муовини якуми Раиси шаҳр Даврон Муҳаммадзода дар мақомоти иҷроияи ҳокимияти давлатии шаҳр Ситоди зимистонгузаронӣ баргузор карда шуд. Дар кори Ситод аъзо ва дигар шахсони масъул иштирок намуданд.

Зикр карда шуд, ки ҷиҳати иҷрои Қарори Ҳукумати Ҷумҳурии Тоҷикистон аз 28.03.2025, №218 “Дар бораи саривақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2025-2026” ва қарори Раиси вилояти Суғд аз 18.04.2025, №101, қарори Раиси шаҳри Гулистон аз 01.05.2025, №116 ба имзо расида, ҳайати Ситод аз нақшаи чорабиниҳо таҳия ва тасдиқ шудааст.

Доир ба ин масъала дар назди Раиси шаҳр Ситод баргузор гардида, дастуру супоришҳои дахлдор дода шуда, аз ҷониби соҳаҳои буҷетӣ доир ба ин масъала қарорҳои дахлдор тасдиқ шуда ба котиби Ситод дастрас гардидааст. Аз ҷониби мақомоти иҷроияи ҳокимияти давлатии шаҳр ба соҳҳаҳои иҷтимоӣ маблағҳои зарурӣ ҷудо карда шудааст.