Дар толори хурди Мақомоти иҷроияи ҳокимияти давлатии шаҳри Гулистон вохӯрии Раиси шаҳр Бахтиёр Саидаҳмадзода бо футболбозони дастаи “Гулистон” бахшида ба ҷамъбасти чемпионати Лигаи дуюми Ҷумҳурии Тоҷикистон оид ба футбол баргузор гардид.
Раиси шаҳр Бахтиёр Саидаҳмадзода ҳайати дастаро барои ғолиби Лигаи дуюми Ҷумҳурии Тоҷикистон оид ба футбол гардидан ва роҳхати Лигаи аввалро ба даст овардан табрик намуд. Зикр гардид, ки футбол яке аз бозиҳои маъмул ва маҳбубтарин ва яке аз намудҳои рушдёфтаи соҳаи варзиш дар қаламрави Тоҷикистон ба ҳисоб рафта, дар миёни аҳолӣ нисбат ба дигар намудҳои варзиш маҳбубияти зиёд касб намудааст. Ҷумҳурии Тоҷикистон дар қатори дигар давлатҳо барои рушди ин намуди варзиш тамоми имкониятҳоро пиёда сохтааст.