МАТЛУБА АМОНЗОДА: ГУЛИСТОНРО БА ГУЛИСТОНИ ВОҚЕӢ ТАБДИЛ ХОҲЕМ ДОД

Дар нишасти матбуотии Раиси шаҳр Матлубахон Амонзода, ки ба натоиҷи хоҷагии халқи шаҳр дар фарогирии ним соли сипаришудаи 2016 бахшида шуда буд намояндагони зиёда аз  20 нашрияю оҷонсӣ ва радиову телевизиони вилоятиву ҷумҳурӣ ва хориҷии васоити ахбори умум ширкат доштанд.

Бо ифтитоҳи нишасти матбуотӣ Раиси шаҳр қаблан ба таври ихчам аз натоиҷи шаш моҳи хоҷагии халқи шаҳр назди хабарнигорон гузориш дод. Мавсуф аз ҷумла зикр дошт, ки шаш моҳи соли 2016 сарфи назар аз таъсири манфии бўҳронию молиявию иқтисодии ҷаҳонӣ барои бошандагони Гулистон бобарор буд.

“Аз ориён то сомониён” -идомаи хатти бузургон

8-уми июл дар толори Мақомоти иҷроияи ҳокимияти давлатии шаҳри Гулистон конференсияи илмӣ-адабӣ оид ба китоби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон “Аз ориён то сомониён” доир шуд.

Раиси кумитаи иҷроияи шаҳрии ҲХДТ Каромат Қосимова конференсияро ҳусни ифтитоҳ бахшида андешаҳои хешро дар бораи ин асари арзишманди Пешвои миллат - Эмомалӣ Раҳмон баён намуд. –Осори Президент идомаи мантиқӣ, илмӣ, ватандўстии хатти бузургони гузаштаи мост, - таъкид дошт ў.

Саноат: нақшаи шашмоҳа иҷро 143,7 дарсад

Корхонаҳои саноатии шаҳри соҳили «Баҳри тоҷик»  сарфи назар аз мушкилиҳову монеаҳо, таъсири манфии бўҳрони шадиди молиявии ҷаҳонӣ тавонистанд дар шаш моҳи соли равон аз нақшаи дурнамо зиёд  маҳсулоти бозоргири ҷавобгўй ба талаботи меъёрҳои байналмилалӣ ва молҳои ниёзи мардум истеҳсол кунанд ва аз лиҳози саҳмгузорӣ дар маҷмўи маҳсулоти саноатии вилоят нишондиҳандаро ба зиёда аз 31 дарсад расонида, миёни шаҳру навоҳии шимоли кишвар ба мақоми аввал баромаданд.

Бино ба иттилои Фазлиддин Орифов, мудири бахши саноат ва энергетикаи Мақомоти иҷроияи ҳокимияти давлатии шаҳри Гулистон дар шаш моҳи соли равон кулли корхонаҳои саноатӣ сарфи назар аз моликияташон тавлиди маҳсулотро ба маблағи 877 миллиону 419 ҳазор сомонӣ роҳандозӣ кардаанд, ки дар қиёс ба ҳамин давраи соли 2015 ба 142,3 дарсад баробар мебошад ва нисбат ба ҳамин давраи соли гузашта ба маблағи 260,7 миллион сомонӣ зиёд маҳсулот тавлид шудааст.

Қарори Раиси шаҳри Гулистон аз 5 июли соли 2016, №171

Дар барои даъвати иҷлосияи ҳафтуми Маҷлиси вакилони халқи шаҳр (даъвати панҷум)

Мутобиқи моддаҳои 12 ва 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», қарор мекунам:

1. Иҷлосияи ҳафтуми Маҷлиси вакилони халқи шаҳр. даъвати панҷум 15-уми  июли соли 2016, соати 9:00 даъват карда шавад.

2. Ба баррасии иҷлосияи ҳафтуми Маҷлиси вакилони халқи шаҳр, даъвати панҷум масъалаҳои зерин пешниҳод карда мешавад:

2.1. Рафти иҷрои қарори Ҳукумати Ҷумҳурии Тоҷикистон аз 4-уми октябри соли 2011, №480 «Дар бораи тасдиқи Стратегияи сиёсати давлатии ҷавонон дар Ҷумҳурии Тоҷикистон то соли 2020».

2.2. Ҳисоботи комиссияи доимии Маҷлиси вакилони халқи шаҳр оид ба масъалаҳои қонуният ва тартиботи ҳуқуқӣ.

2.3. Ҳисоботи вакили Маҷлиси вакилони халқи шаҳр аз ҳавзаи интихоботии «Ҷомӣ», №30 Ҳомидова Дилдора Содиқовна оид ба рафти иҷрои ваколати вакилӣ.

2.4. Тасдиқи қарорҳои Раиси шаҳр.

3. Назорати иҷрои қарори мазкур ба зиммаи роҳбари дастгоҳи Раиси шаҳр Каримов А.Қ. гузошта шавад.