Сарҷамъӣ – омили пешравиҳост

Дар толори калони мақомоти иҷроияи ҳокимияти давлатии шаҳр ҷаласаи фаъолони шаҳри Гулистон вобаста ба баррасии фаъолияти соҳаҳои хоҷагии халқи шаҳр дар давоми се моҳи аввали соли 2017 баргузор гардид. Ҷаласаро Раиси шаҳр Матлубахон Амонзода ҳусни ифтитоҳ бахшид. Роҳбари дастгоҳи Раиси шаҳр Абдуаҳад Ҳакимзода роҷеъ ба фаъолияти соҳаҳои хоҷагии халқ дар давоми семоҳа маърўзаи муфассал намуд.

Дар муҳокимаи маърўза Раиси шаҳр Матлубахон Амонзода нахуст аз номи худ ва Раиси вилоят онҳоеро, ки дар ташаккули соҳаи саноат ва дигар самтҳои хоҷагии халқ саҳми босазо гузоштаанд, ташаккур намуд. Ҳамчунин таъкид сохт, ки мақомоти иҷрояи ҳокимияти давлатии шаҳри Гулистон фаъолияти худро дар давоми семоҳаи аввали соли ҷорӣ дар асоси Қонуни констутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», Паёми Асосгузори сулҳу ваҳдати миллӣ – Пешвои миллат Эмомалӣ Раҳмон ба Маҷлиси Олӣ, Амру Фармонҳои Президенти кишвар, Қарорҳои Ҳукумати Ҷумҳурии Тоҷикистон, қарорҳои Раиси вилояти Суғд ва дигар санадҳои меъёрию ҳуқуқӣ ба роҳ монда, бо як қатор натиҷаҳои назаррас ноил гарид.

Маҳфили гуворои китоб

Дар Кохи фарҳанги «Истиқлол»-и шаҳри Гулистон бахшида ба Фестивали ҷумҳуриявии «Ҳафтаи китоби кўдакону наврасони Тоҷикистон» маҳфили адабии «Китоб – сарчашмаи нури маърифат» бо иштироки адибони шинохтаи кишвар Алӣ Бобоҷон, Ҷўра Ҳошимӣ, Нависандаи халқии Тоҷикстон Муҳиддин Хоҷазод, намояндагони мақомоти иҷроияи ҳокимияти давлатии шаҳри Гулистон, кормандони Китобхонаи вилоятии бачагонаи ба номи Амиҷон Шукуҳӣ, омўзгорон ва толибилмони муассисаҳои таълимии шаҳр баргузор гардид.

Дар ибтидо мудири шуъбаи рушди иҷтимоӣ ва робита бо ҷомеаи дастгоҳи раиси шаҳр Илҳом Мадализода иштирокчиёни маҳфилро аз номи раиси шаҳри Гулистон Сатториён Матлубахон Амонзода бо баргузории чорабиниҳои фестивали ҳафтаи китоб шодбош намуд. Сипас шоирони маъруфи бачагон Алӣ Бобоҷон ва Ҷўра Ҳошим дар манфиати китобу китобхонӣ суханронӣ намуда, барои дўстдорони китоб намунаҳо аз ашъори худ қироат карданд. Нависандаи халқии Тоҷикистон Муҳиддин Хоҷазод, директори китобхонаи вилоятии бачагонаи ба номи Аминҷон Шукўҳӣ Муаззама Расулова, раиси комиҷроияи ҲХДТ дар шаҳр Каромат Қосимова, ҳунарманди маъруфи тоҷик, мудири бахши фарҳанг Фатҳулло Абдуллоев роҷеъ ба маданияти китобхонӣ ва арзиши бебаҳои китоб андешаронӣ намуданд.

Ташреҳи амри Раиси шаҳр

аз 28-уми марти соли 2017, №23 «Дар бораи таҳияи лоиҳаи буҷети шаҳри Гулистон барои соли 2018 ва нишондиҳандаҳои дурнамои буҷети шаҳр барои солҳои 2019-2020

Мутобиқи моддаҳои 19, 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», моддаи 29 Қонуни Ҷумҳурии Тоҷикистон «Дар бораи молияи давлатии Ҷумҳурии Тоҷикистон» ва ҷиҳати таъмини иҷрои фармоиши Ҳукумати Ҷумҳурии Тоҷикистон № 2-ф аз 25-уми январи соли 2017 ва амри Раиси вилояти Суғд аз 24-уми феврали соли 2017, №54 бо мақсади таҳияи саривақтии лоиҳаи буҷети шаҳр барои соли 2018 ва нишондиҳандаҳои дурнамои буҷети шаҳр барои солҳои 2019-2020, истифодаи самараноки захираҳои буҷет ва ҷорӣ намудани банақшагирии миёнамуҳлати молиявӣ амр медиҳам:

Корхонаҳо ва ташкилоту муассисаҳо сарфи назар аз шакли моликият ва фаъолияти хоҷагидориашон лоиҳаи нақшаҳои молиявӣ, истеҳсоли маҳсулот ва хизматрасонии пулакӣ, мувозинаи даромаду хароҷот, ҳисоби воридоти андозӣ, аз ҷумла аксизҳо, андоз аз фоида, андоз аз арзиши иловашуда ва дигар пардохтҳои давлатиро таҳия намуда, то санаи 5-уми майи соли 2017 ба Раёсати молия дар шаҳр пешниҳод намоянд.

Баргузории озмуни “Нозирони навраси ҳаракат”

Дар асоси фармони якҷояи Раёсати маорифи мақомоти иҷроияи ҳокимияти давлатии вилояти Суғд ва Раёсати ВКД Ҷумҳурии Тоҷикис-тон дар вилояти Суғд аз 6-уми феврали соли 2017 таҳти №26/37 «Дар бораи ташкил ва гузаро- нидани озмуни ҳафтуми ҷум- ҳуриявии «Нозирони навраси ҳаракат» як қатор чорабиниҳо раҳандозӣ гардиданд.

Бо мақсади инкишофи корҳо оид ба гирифтани пеши содиршавии ҳодисаҳои роҳу нақлиёт бо иштироки кўдакону наврасон, вазнинии оқибати онҳо ва ҷалб намудани диққати идораю ташкилот, корхонаҳо ва инчунин воситаҳои ахбори омма ба масъалаи мазкур дар як қатор шаҳру ноҳияҳои вилоят, аз ҷумла дар шаҳри Конибодом давраи минтақавии озмуни «Нозирони навраси ҳаракат» ташкил ва гузаронида шуд, ки дар он як гурўҳ наврасон аз макотиби шаҳр Гулис-тонро намояндагӣ намуданд.