Муборакбодии Раиси шаҳри Гулистон Сатториён Матлубахон Амонзода ба муносибати Рўзи Дониш

Муҳтарам омўзгорон!

Хонандагони азиз!

Бо камоли эҳтиром Шумоёнро бо фарорасии соли нави таҳсил - Рўзи дониш муборакбод намуда, бароятон дар ин соли пурумеду орзуҳои нек фатҳи қуллаҳои баланди дониш, дастовардҳои нави маънавӣ, таҳсили пурсамар, сиҳатмандӣ, зиндагии хурраму осударо сидқан таманно менамоям.

Имрўз аз файзу баракати истиқлол ва суботу амнияти кишвари азизамон тамоми муассисаҳои таълимӣ чун анъана дарҳои худро ба рўи хонандагон боз намуда, онҳоро боз ба оғўши маърифату маънавият мекашанд.

Табрикоти Раиси шаҳри Гулистон Сатториён Матлубахон Амонзода ба муносибати Иди Қурбон

Ҳамшаҳриёни гиромӣ!

Рўзи 1-уми сентябр дар саросари кишвари соҳибистиқлоламон иди саиди Қурбон таҷлил мегардад. Ба муносибати ин иди суннатӣ ҳамагонро самимона табрик гуфта, ба хонадони ҳар фарди Ватан оромиву осоиш, рўзгори обод ва файзу баракат орзу менамоям.

Тавассути сиёсати оқилона ва дурбинонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон халқи шарифи кишвар дар солҳои Истиқлолияти давлатӣ ба дастовардҳои бузурги меҳнатӣ ноил гашта, рўҳияи созандагӣ ва бунёдкории мардум ҳамарўза вусъат гирифта, боварии мардум ба фардои неку дурахшон қавию устувор мегардад.

Тақдими либоси мактабӣ

Қишри ба таваҷҷуҳ ниёздоштаи ҷомеа дар мадди назари Ҳукумати кишвар, аз ҷумла мақомоти иҷроияи ҳокимияти давлатии шаҳри Гулистон қарор дошта, бахшида ба иду ҷашнҳои миллӣ ва суннатӣ ба онҳо кумакҳои моливу пулӣ расонида мешавад.

Аз ҷониби Раиси шаҳри Гулистон Сатториён Матлубахон Амонзода бахшида ба 26-умин солгарди Истиқлолияти давлатии Ҷумҳурии Тоҷикистон, Рўзи дониш ва иди саиди Қурбон ба зиёда аз 150 нафар ятимони кул, кўдакони бепарастор ва мактаббачагон аз оилаҳои камбизоат сарулибоси мактабӣ дар вазъи идона дар толори калони мақомоти иҷроияи ҳокимияти давлатӣ тақдим карда, онҳоро сидқан табрик намуда, барояшон таҳсили хубу аъло таманно намуд.

Оғози маъракаи обуна - 2018

Бо мақсади баланд бардоштани нақши матбуоти даврӣ дар ҳаёти ҷамъиятию сиёсии шаҳр, таъмини фазои иттилоотӣ ва ташвиқу тарғиби васеи сиёсати дохиливу хориҷии давлат ва Ҳукумати Ҷумҳурии Тоҷикистон қарори Раиси шаҳри Гулистон аз 16-уми августи соли равон, таҳти №222 «Дар бораи муташаккилона гузаронидани маъракаи қабули обуна ба рўзномаю маҷаллаҳои ҷумҳуриявӣ, вилоятӣ ва маҳаллӣ барои соли 2018» ба тасвиб расид. Тибқи қарори мазкур бояд роҳбарони корхонаву ташкилотҳо, муассисаву идораҳо, новобаста аз шакли моликияташон, ин маъракаи муҳимро мутобиқи нақша таъмин намоянд.

Қобили зикр аст, ки бо дастгирии рўзафзуни Раиси шаҳри Гулистон Матлубахон Амонзода соли ҷорӣ нархи обуна ба ҳафтаномаи расмии мақомоти иҷроияи ҳокимияти давлатии шаҳр – «Соҳил» нисбат ба соли гузашта арзонтар шуда, нархи обунаи солонаи «Соҳил» ҳамагӣ 65 сомониро ташкил медиҳад.