Амали хайри вакил

Дар арафаи ҷашни 25-солагии Истиқлолияти давлатии Ҷумҳурии Тоҷикистон дар доираи чорабиниҳо бахшида ба “Соли 2016-Соли фарди солим” аз тарафи вакили Маҷлиси вакилони халқи шаҳр Турсуной Зокирова ба муассисаҳои тандурустии шаҳр таҷҳизотҳои муосири тиббӣ тўҳфа карда шуд.

Дар маросими супоридани таҷҳизотҳо Раиси шаҳри Гулистон Матлубахон Амонзода, муовини сардори Раёсати тандурустӣ Индира Акмалхўҷаева, раиси КИ шаҳрии ҲХДТ Каромат Қосимова иштирок ва арзи сипоси хешро барои ин амали хайру саховатманд ба Турсуной Зокирова иброз доштанд. Кулли кормандони соҳаи тандурустӣ аз кори наҷибонаи вакили мардумӣ болида гар

Вохўрӣ бо сарбозон

Кумитаи иҷроияи шаҳрии ҲХДТ дар ҳамкорӣ бо Мақомоти иҷроияи ҳокимияти давлатии шаҳри Гулистон ҷиҳати амалӣ сохтани нақша –чорабиниҳои ҷашнӣ бо ҳадафи пешвози арзандаи 25-солагии Истиқлолияти  давлатии Ҷумҳурии Тоҷикистон корҳои муайянро мавриди амал карор додааст.

Яке аз чунин тадбирҳо вохўрии намояндагони ҳизб бо сарбозони қисми низомии 2425 мебошад. Дар чорабинӣ роҷеъ ба саҳми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон оид ба таҳкими давлатдории миллӣ, эҳёи суннату арзишҳои мардумӣ ва раванди босуръати корҳои азими бунёдкориву созандагӣ дар кишвар раиси КИ шаҳрии ҲХДТ Каромат Қосимова, раиси Ҷамоати шаҳраки Адрасмон Сафар Нурматов ва раиси ташкилоти ибтидоии «Зарчашма» Улуғбек Хоҷаев ҳарф заданд.

Сипоси ниёзмандон

Бо пайравӣ ба иқдомҳои башардўстонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба истиқболи фархундаҷашни миллат ёрии хайрияи Раиси шаҳри Гулистон Матлубахон Амонзода ба пирону барҷомондагон ва оилаҳои камбизоат расонда шуд.

Бо ин мақсад кормандони шуъбаи хизматрасонии иҷтимоӣ дар хона бо сарварии мудири шуъбаи номбурда Дилором Ёқубова маводҳои хўрокаро ба В.Самадов, А.Маллаев, М.Махсудов, А.Полвонов, Н.Гарипова, О.Валиахметова, Ф.Рахмонов, Н.Редкоусова, О.Тохирова, Л.Гавриленко ва дигарон дастрас намуданд. Сипосгузории эшон ифодагари хушбахтию хурсандии онон аз соҳибистиқлолии кишвар буд.

Барномаҳои идона ба муносибати таҷлили ҷашни чаҳорякасраи Истиқлолияти давлатӣ дар шаҳри Гулистон

Ба ифтихори 25-умин солгарди Истиқлолияти давлатии Ҷумҳурии Тоҷикистон санаи 7-уми сентябри соли равон дар шаҳри Гулистон чорабиниҳои зерин доир мегардад:

1. Ҷамъомади тантанавӣ дар толори калони Мақомоти иҷроияи ҳокимияти давлатии шаҳр бо иштироки Раиси шаҳри Гулистон Матлубахон Амонзода.
2. Хатнасури 10 нафар фарзандон аз оилаҳои ниёзманд дар қаҳвахонаи «Дурахшон».
3. Дастархони идона барои собиқадорони ҷангу меҳнат дар тарабхонаи осоишгоҳи «Баҳористон».
4. Роҳпаймоии тантанавӣ бо иштироки ҷомеаҳои меҳнатии ташкилоту корхонаҳо, муассисаҳои таълимӣ ва намояндагони Ҷамоати шаҳракҳо.
5. Муборакбодии намояндагони Ҳукумати Ҷумҳурии Тоҷикистон, Мақомоти иҷроияи ҳокимияти давлатии вилоят ва Раиси шаҳри Гулистон Матлубахон Амонзода дар майдони Кохи Истиқлол .
6. Барномаи калони консертӣ таҳти унвони «Ҷашни Истиқлол муборак, Тоҷикистони азизам!» дар майдони Кохи Истиқлол.

Ҳумоюнҷашни бузурги миллат муборак, ҳамватанони азиз!

Марҳабо ба тантанаҳои идона.