Муборакбодии Раиси шаҳри Гулистон Сатториён Матлубахон Амонзода ба ифтихори Наврӯзи байналмилал

Гулистониёни гиромиқадр!

Бо як ҷаҳон фараҳу шодмонӣ кулли сокинони шаҳрро ба муносибати ҷашни фархундаи Наврӯзи ҷаҳонӣ, ҷашни эҳёи табиат, ибтидои пешомадҳои нав, оғози ниятҳои баҳорӣ ва нақшаву тадбирҳои тоза табрик гуфта, дар Соли нав барои ҳамагон соли неку бобарор орзу менамоям.

Ба сарзамини соҳибистиқлоли мо боз иди мубораку файзбахши баҳор ва ҷашни қадимтарину зеботарини аҷдодӣ – Наврӯзи оламафрӯзи байналмилал қадами мубораку ҳаётофарини худро гузошт. Наврӯз барои миллати мо чун соли нави аҷдодӣ ва иди баҳор арзиши бузург дошта, боиси ифтихору сарбаландии ҳар як фарди ватандӯсти Тоҷикистон мебошад. Дар ҳама давру замон мардуми соҳибтамаддуни тоҷик иди Наврӯзро дар баробари дигар халқҳои ориёӣ аз аҳди Ҷамшед истиқбол менамуд ва ин иди бузургтарини миллӣ бо ифтихори беандоза ва шукӯҳу ҷалоли хоса таҷлил мегардид. Ҷашни Наврӯз, махсусан дар аҳди Сомониён, чун дақиқтарин шинохти гардиши офтоб, баробарии шабу рӯз, дарки тағйирёбии авзои табиат, фарорасии фасли баҳору айёми шукуфоӣ ва посдории инсону табиат мақому мартабаи баланд ёфт.

Баргузории тантанаҳои наврӯзӣ дар шаҳри Гулистон

Рӯзи шанбеи 17 март дар шаҳри Гулистон ба муносибати фарорасии Наврӯзи байналмилалӣ силсилаи чорабиниҳои идона баргузор шуд.

Раиси вилояти Суғд Раҷаббой Аҳмадзода дар чорабинии асосии наврӯзии шаҳри Гулистон, ки дар маркази шаҳр ҷараён гирифт, иштирок намуда, кулли сокинони шаҳрро бахшида ба Иди Наврӯз табрик гуфт. Зимни суҳбат Раиси вилоят аз талошҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати эҳёи ин ҷашни бостонии мардуми тоҷик ёдовар шуда, таъкид намуд, ки ин ҷашни аҷдодӣ – Наврӯзи оламафрӯз имрӯзҳо дар аксари кишварҳои минтақа ва ҷаҳон бо шаҳомати хоса таҷлил мешавад.

Ба истифода додани пули роҳи оҳан дар хиёбони Ҳофизи Шерозии шаҳри Душанбе

Дирӯз Асосгузори сулҳу ваҳдати миллӣ — Пешвои миллат Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар хиёбони Ҳофизи Шерозӣ воқеъ дар назди Муассисаи давлатии Наврӯзгоҳи пойтахт пули роҳи оҳанро мавриди баҳрабардорӣ қарор доданд.

Иншооти мазкур бо гузашти солҳо фарсуда шуда, ба таъмир ниёз пайдо карда буд.

Лоиҳаи навсозии Пули роҳи оҳан аз ҷониби ҶДММ «COOL DESIGN» тарҳрезӣ гардида, фармоишгар ва пудратчӣ КВД «Роҳи оҳани Тоҷикистон» мебошад.

Дави наврӯзӣ дар Гулистон

Ба муносибати Иди байналмилалии Наврӯз дар шаҳри Гулистон ва ҷамоати шаҳракҳои он бо иштироки Раиси шаҳр Матлубахон Амонзода дави наврӯзӣ ва веломарафон баргузор гардид.

Дар ин чорабинӣ масъулони мақомоти иҷроияи ҳокимияти давлатии шаҳр, кормандони соҳаҳои маориф, тандурустӣ, корҳои дохилӣ ва корхонаву ташкилотҳои шаҳр, дар маҷмӯъ, беш аз панҷ ҳазор нафар фаъолона ширкат варзиданд.