Озмуни шаҳрии “Кадбонуи беҳтарин” баргузор гардид

Имрӯз, 13.03.2023 дар тарабхонаи «Соҳил»-и маркази шаҳри озмуни шаҳрии «Кадбонуи  беҳтарин» бо иштироки муассисаву ташкилотҳо баргузор гардид.

Озмуни мазкур бо мақсади ҳавасмандгардонӣ ва ҷалби кадбонувон, занони соҳибзавқ, ҳунарманди моҳир, эҳёи таомҳои милливу маҳаллии аз байнрафта, ривоҷ додани пухту пази таомҳои миллӣ, баланд бардоштани маърифати  дастархонороӣ, ошноӣ ба таъриху фарҳанг ва тамаддуни миллӣ сурат гирифт.

Дар натиҷаи баҳогузории ҳайати ҳакамон Муассисаҳои кумаки аввалияи тиббию санитарии шаҳр сазовори мақоми аввал, Шуъбаи маорифи шаҳр сазовори мақоми дуюм ва беморхонаи маркази шаҳр сазовори ҷойи сеюм гардиданд.

ОЗМУНИ ШАҲРИИ ТАОМҲОИ МИЛЛӢ

Имрӯз, 13.03.2023 дар тарабхонаи “Соҳил”-и шаҳри Гулистон даври шаҳрии озмуни “Таомҳои миллӣ” бо мақсади тарғибу ташвиқи фарҳанги зебоипарастӣ, эҳё ва рушди анъанаю суннатҳои мардумӣ, инчунин муаррифии ҳунарҳои мардумӣ ба ҷаҳониён баргузор гардид.

Дар озмун ҷамоати шаҳракҳо ва муассисаву ташкилотҳои шаҳр иштирок намуданд.

Ҳайати ҳакамон тибқи талаботи низомномаи озмун онро ҷамъбаст намуда, муайян кард, ки иштирокчиён бо як маҳорати баланд бо истифодаи сарфакории моҳирона, зебову дилписанд, бо риояи анъанаҳои миллӣ, пешниҳоди анвои гуногуни хӯрокворӣ, нӯшобаҳо, шириниҳо ва дигар навъи таому хӯришҳо миллиро омода намудаанд.

Пешвои миллат Эмомалӣ Раҳмон бинои Раёсати дастгоҳи марказии Кумитаи давлатии амнияти миллиро дар шаҳри Душанбе ифтитоҳ карданд

13 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар ноҳияи Шоҳмансури пойтахт бинои Раёсати дастгоҳи марказии Кумитаи давлатии амнияти миллии Ҷумҳурии Тоҷикистонро ифтитоҳ карданд.

Дар асоси лоиҳа бинои Раёсат сеошёна буда, бо тарҳи замонавӣ ва унсурҳои муосири шаҳрсозӣ бунёд гардидааст. Бинои нав дар доираи нақшаи чорабиниҳои созандагӣ ба истиқболи ҷашни 35-солагии Истиқлоли давлатӣ сохта шудааст.

Баргузории ҳашари тозагиву ободонӣ дар шаҳри Гулистон

Имрӯз, 11.03.2023 Мақомоти иҷроияи ҳокимияти давлатии шаҳри Гулистон баргузории ҳашари тозагиву ободониро ба роҳ монд.

Намояндагони ҷомеаҳои меҳнатии корхонаву муассисаҳо, ташкилоту идораҳо, кормандони соҳаҳои маориф, фарҳанг, тандурустӣ ва дигар соҳаҳои хоҷагии халқи шаҳр ба ҳашари тозагиву ободонӣ баромаданд.

Гулистониён тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати ободу зебо гардонидани маҳалли зист, хиёбонҳо, гулгашту майдонҳо, кӯчаҳо ва маҳалли зист корҳои мушаххас роҳандозӣ менамоянд.