ҶАВОНОН ПАЙРАВОНИ ПЕШВОИ МИЛЛАТ! - Баргузори роҳпаймоии идона ба муносибати Рӯзи ҷавонони Тоҷикистон

Имрӯз, 21.05.2026 дар шаҳри Гулистон ба муносибати Рӯзи ҷавонони Тоҷикистон таҳти унвони "Ҷавонон пайравони Пешвои миллат” роҳпаймоӣ доир гардид.

Дар роҳпаймоӣ беш аз 4500 ҷавонони коллеҷи тиббӣ, муассисаҳои таълимии маркази шаҳр, ҷамоати шаҳракҳои шаҳри Гулистон бо Парчам ва шиору овезаҳои "Мо ҷавонон пайравони Пешвои миллатем", "Мо ҷавонон қалби бедори Ватан", “Тоҷикистон ба пеш!", “Пешвои миллат ифтихори халқи тоҷик”, “Мо пайравони Пешвои миллатем”, “Поянда бод Тоҷикистон”, бо рӯҳияи болида иштирок намуданд. Сипас, роҳпаймочиён дар чорабинии идона, ки дар майдони Парчами давлатии Ҷумҳурии Тоҷикистон дар шаҳри Гулистон баргузор гардид иштирок намуданд.

БА ҶАВОНОНИ ФАЪОЛ СТИПЕНДИЯИ РАИСИ ШАҲР СУПОРИДА ШУД

Санаи 21.05.2026 дар Кохи фарҳангии “Истиқлол”-и маркази шаҳр маросими супоридани шаҳодатномаҳои гирандагони Стипендияи Раиси шаҳр дар соли хониши 2025-2026 баргузор гардид.

Раиси шаҳр Илҳом Пӯлотзода ба гирандагони стипендия шаҳодатнома ва маблағҳои муқаррар гардидаро дар вазъияти тантанавӣ супорид. Лозим ба зикр аст, ки дар доираи моҳвораи ҷавонон баҳри дастгирии хонандагону ҷавонони болаёқат ва ҳавасманд гардонидани онҳо қарори Раиси шаҳри Гулистон доир ба баргузории озмуни Стипендияи Раиси шаҳри Гулистон барои соли хониши 2025-2026 аз 27.04.2026, №105 ба тасвиб расида буд.

ҶАЛАСАИ НАВБАТИИ ШУРОИ КОР БО ҶАВОНОНИ НАЗДИ РАИСИ ШАҲРИ ГУЛИСТОН БАРГУЗОР ГАРДИД

Санаи 21.05.2026, дар толори Кохи фарҳангии “Истиқлол”-и маркази шаҳр Шурои кор бо ҷавонони назди Раиси шаҳри Гулистон баргузор гардид.
Дар кори Шуро аъзои Шуро, гирандагони стипендияи президентӣ, гирандагони стипендияи Раиси шаҳр ва ҷавонони фаъоли шаҳр иштирок доштанд.
Кори Шуро бо садо додани Суруди миллии Ҷумҳурии Тоҷикистон оғоз гардид. Раиси шаҳр Илҳом Пӯлотзода баргузории Шурои мазкурро дар остонаи таҷлили Рӯзи ҷавонони Тоҷикистон фоли нек дониста, ҳозиринро бо рӯзномаи Шуро шинос намуд.

ШИНОСОӢ БО ҶАРАЁНИ КОРҲОИ СОЗАНДАГИВУ БУНЁДКОРӢ ДАР ШАҲРАКИ АДРАСМОН

Санаи 20 майи соли 2026 Раиси шаҳри Гулистон Илҳом Пӯлотзода бо мақсади шиносоӣ бо вазъи корҳои ободониву созандагӣ ба истиқболи ҷашни  35-солагии Истиқлоли давлатӣ ва эълон гардидани соли 2026 "Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ" аз Ҷамоати шаҳраки Адрасмон дидан намуд.
Дар ҷараёни сафари корӣ нахуст пойгоҳи обкашии "Дреш-сой" дар маҳаллаи Боғот-1 ба истифода дода шуд. Бо таъмиру азнавсозӣ ва ифтитоҳи он вазъи таъмини оби нӯшокӣ ба аҳолӣ дар шаҳрак беҳтар гардид. Сипас, аз варзишгоҳи марказии шаҳрак дидан карда шуд. Тибқи нақша варзишгоҳи марказии шаҳрак пурра ва ҷавобгӯ ба талаботи замон таъмиру азнавсозӣ карда мешавад. Илҳом Пӯлотзода ба масъулин барои ба таври муосир ва бо сатҳи баланд таъмиру азнавсозӣ намудани варзишгоҳ тавсия ва дастурҳои мушаххас дод.