ҲАШАРИ ДАСТАҶАМЪИИ ТОЗАГӢ ДАР ИСТИРОҲАТГОҲИ "ШОҲИН"

Имрӯз, 16-уми майси соли 2026 тибқи нақшаи чорабиниҳои мақомоти иҷроияи ҳокимияти давлатии шаҳр ҳашари дастаҷамъии тозагӣ дар истироҳатгоҳи "Шоҳин"-и шаҳри Гулистон бо мақсади истиқболи сазвори ҷашни 35-солагии Истиқлоли давлатӣ ва ҷалби сайёҳони дохиливу хориҷӣ дар мавсими баҳору тобистон баргузор гардид.Дар ҳашари дастаҷамъии тозагӣ кормандони   беморхонаи марказии шаҳр, маркази саломатӣ, маркази давлатии санитарии эпидемиологӣ, маориф, фарҳанг, мактаби варзишӣ, Кумитаи иҷроияи Ҳизби Халқии Демократии Тоҷикистон дар шаҳри Гулистон ва дигар соҳаҳо иштирок намуда, атрофи истироҳатгоҳи "Шоҳин"-ро аз хасу хошок, алафҳои бегона тозаву озода намуданд.

КОНФЕРЕНСИЯ: ХУДШИНОСӢ ВА ХУДОГОҲИИ МИЛЛӢ ОМИЛИ МУҲИМИ ТАРБИЯИ ВАТАНДӮСТИИ ҶАВОНОН

Санаи 15.05.2026 дар толори Кохи фарҳангии "Истиқлол"-и маркази шаҳр тибқи нақшаи чорабиниҳои бахши кор бо ҷавонон ва варзиши шаҳри Гулистон конференсияи илмӣ-амалӣ таҳти унвони "Худшиносӣ ва худогоҳии миллӣ - омили муҳими тарбияи ватандӯстии ҷавонон" бо иштироки ҷавонони коллеҷи тиббии шаҳр, муассисаҳои таълимии шаҳр ва ташкилоту идораҳо баргузор гардид.

Дар кори конференсияи муовини Раиси шаҳр Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов, мудири шуъбаи ҷавонони КИ ҲХДТ дар шаҳри Гулистон Фаридуншоҳ Абдуллоев, мудири бахши адабиётшиносии МД "Маркази илмии Камоли Хуҷандӣ" Исмоил Саидов ва раиси созмони ҷавонони Коллеҷи тиббии шаҳр Рустамҷон Атобоев иштирок ва суханронӣ намуданд.

ТАҚВИЯТИ КОРҲОИ СОЗАНДАГИВУ БУНЁДКОРӢ ДАР ШАҲРИ ГУЛИСТОН

Дар остонаи таҷлили Ҷашни муқаддасу таърихии кишвар — 35-солагии Истиқлоли давлатии Ҷумҳурии Тоҷикистон, набзи созандагӣ дар тамоми гӯшаву канори шаҳри Гулистон бо суръати баланд идома дорад.

​Раиси шаҳри Гулистон Илҳом Пӯлотзода дар маркази шаҳр бо рафти бунёди биноҳои баландошёнаи истиқоматӣ шинос гардид. Биноҳои баландошёнаи истиқоматӣ натанҳо мушкилоти манзили сокинонро осон мекунад, балки ба намои меъмории шаҳр намуди муосиру зебо мебахшад. Раиси шаҳр Илҳом Пӯлотзода бо рафти корҳои сохтмонӣ ва лоиҳаи бино аз наздик шинос шуда, барои босифат анҷом додани корҳои сохтмонӣ ва тибқи нақшаи муайяншуда ба охир расонидани корҳо ба масъулин таъкид намуд.

ТАҶЛИЛИ РӮЗИ ОИЛА ДАР ШАҲРАКИ АДРАСМОН

Дар толори қасри фарҳанги шаҳраки Адрасмони шаҳр чорабинии тантанавӣ бахшида ба Рӯзи оила  баргузор гардид.

Дар чорабинии мазкур муовини Раиси шаҳри Гулистон Муслимахон Ҷамолиён, мудири бахши кор бо занон ва оилаи мақомоти иҷроияи ҳокимияти давлатии шаҳр Матлуба Сатторова ва раиси ҷамоати шаҳрак Улуғбек Хоҷаев иштирок намуданд.

Муовини Раиси шаҳри Гулистон Муслимахон Ҷамолиён номаи табрикотии Раиси шаҳри Гулистон Илҳом Пӯлотзодаро ба самъи иштирокдорон расонид. Зикр карда шуд, ки оила дар фарҳанги куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбад. Асосгузори сулҳу ваҳдати  миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд, ки: "Масъалаҳои маърифати оиладорӣ, баланд бардоштани масъулияти падару модарон дар таълиму тарбияи фарзанд, омода кардани фарзандон ба ҳаёти мустақилона ва пойдории оила аз ҷумлаи проблемаҳое мебошанд, ки диққати доимии тамоми мақомоти давлатӣ, муассисаҳои таҳсилотӣ ва кулли аъзои ҷомеаро тақозо мекунад".