Шиносоӣ бо сохтмони корхонаҳои саноатӣ дар шаҳри Гулистон

Зимни сафари корӣ ба шаҳри Гулистон Раиси вилояти Суғд Раҷаб Аҳмадзода бо ҷараёни сохтмон ва васлу насби дастгоҳу таҷҳизоти муосир дар як қатор корхонаҳои саноатӣ шинос гардид.

ҶДММ «Тиглат» яке аз корхонаҳои нави саноатӣ буда, дар он истеҳсоли рангҳои сохтмонӣ ва хокаҳои ороишиву пардоздиҳӣ ба роҳ монда мешавад. Айни замон сохтмони биноҳои ёрирасон ва васлу насби дастгоҳҳо идома дошта, пас аз ба кор даромадани коргоҳ то 70 нафар сокинони маҳаллӣ бо ҷои кори доимӣ таъмин мегарданд.

Раиси вилоят бунёди чунин хатҳои истеҳсолиро қадами устувор дар татбиқи ҳадафи стратегии саноатикунонии босуръати кишвар унвон намуда, масъулинро вазифадор кард, ки пеш аз ҳама ба сифати маҳсулоти ниҳоӣ таваҷҷуҳи бештар зоҳир намоянд, зеро талабот ба маҳсулоти сохтмонӣ дар бозори дохилӣ хеле баланд аст.

ТАҶЛИЛИ РӮЗИ ВАРЗИШГАРОН ДАР ШАҲР

Дар толори хурди Мақомоти иҷроияи ҳокимияти давлатии шаҳри Гулистон Рӯзи варзишгарон таҷлил гардид. раиси шаҳри Гулистон Илҳом Пӯлотзода кулли варзишгарон ва собиқадорону мураббиёнро муборакбод гуфт.

Зикр карда шуд, ки Истиқлоли давлатӣ ҳамчун дастоварди неки мардуми сарбаланди кишвар ҷиҳати рушди соҳаҳои гуногуни хоҷагии халқ, татбиқи ормонҳои миллӣ, таъмини зиндагии шоистаи сокинон, аз ҷумла соҳаи варзиш заминаи мусоид фароҳам овард. Чуноне, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қайд менамоянд: «Варзиш омили тавоноӣ, таҳкими дӯстӣ ва ҳамкории халқияту давлатҳо мебошад». Таҳти сиёсати хирадмандона ва дастгирию пуштибонии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба варзиш ва варзишгарон имконият фароҳам овардааст, ки варзишгарони мо дар арсаи ҷаҳонӣ мақом ва ҷойгоҳи хоса касб намоянд.  

МУЛОҚОТ ДОИР БА ШАРҲУ ТАВЗЕҲИ ТАҒЙИРУ ИЛОВАҲО БА КОДЕКСҲОИ ҶИНОЯТӢ ВА ҲУҚУҚВАЙРОНУКИИ МАЪМУРИИ ҶУМҲУРИИ ТОҶИКИСТОН ДАР САМТИ ИСТИФОДАИ НЕРУИ БАРҚ

Имрӯз 11-уми августи соли 2025 дар толори Кохи фарҳангии “Истиқлол”-и маркази шаҳр тибқи нақшаи чорабиниҳои Вазорати адлияи Ҷумҳурии Тоҷикистон бо мақсади пешбурди корҳои доимӣ дар самти баланд бардоштани маърифати ҳуқуқии аҳолӣ, аз ҷумла пешгирӣ намудани истифодаи ғайриқонунии неруи барқ ва ҷиҳати шарҳу тавзеҳоти тағйиру иловаҳо ба кодексҳои ҷиноятӣ ва ҳуқуқвайронукии маъмурии Ҷумҳурии Тоҷикистон бо сокинон дар шаҳри Гулистон вохӯрӣ баргузор карда шуд.

Дар вохӯрии мазкур Раиси шаҳри Гулистон Илҳом Пӯлотзода, Музаффар Ашуриён – вазири адлияи Ҷумҳурии Тоҷикистон, Зариф Ализода - ёрдамчии Президенти Ҷумҳурии Тоҷикистон оид ба масъалаҳои ҳуқуқӣ, Тақдиршо Шарипов – профессори кафедраи ҳуқуқи ҷиноятӣ ва муқовимат ба коррупсияи факултети ҳуқуқшиносии Донишгоҳи миллии Тоҷикистон иштирок ва суханронӣ намуданд.

НОМАИ ШОДБОШИИ РАИСИ ШАҲРИ ГУЛИСТОН ИЛҲОМ ПӮЛОТЗОДА БА МУНОСИБАТИ РӮЗИ ВАРЗИШГАРОН

Муҳтарам варзишгарон, парчамбардорони меҳан!

Рӯзи варзишгарони Тоҷикистон дар остонаи ҷашни воқеан ҳам арзишманди миллӣ - Истиқлоли давлатӣ рост меояд, ки онро варзишгарон бо дастовардҳои арзанда ва парафшониҳои Парчами миллӣ дар сатҳи байналмилалӣ истиқбол менамоянд.

Маврид ба зикр аст, ки бо тақвияти намудҳои гуногуни варзиш ва ғамхорию дастгирии пайвастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи варзиш ва тарбияи ҷисмонӣ дар кишвар соҳиби эътибори хоса гардида, мунтазам рушд меёбад.

Ташаббус ва комёбии дигар ин эълон гардидани 25 май ҳамчун Рӯзи футбол, ки бо пешниҳоди Раиси Маҷлиси Миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератсияи футболи Осиёи Марказӣ ва Тоҷикистон муҳтарам Рустами Эмомалӣ ва пуштибонӣ ёфтани он аз ҷониби Созмони Милали Мутаҳид буда, ин иқдоми шоиста ҷиҳати рушди футбол, оммавияти варзиш ва дастгирии варзишгарон ба маврид ва саривақтӣ мебошад.

Воқен ҳам соҳаи тарбияи ҷисмонӣ ва варзиш яке аз самтҳои арзишмандтарин ва муҳимтарини ҷомеа барои тарбияи насли наврас ва инсоният ба ҳисоб меравад, зеро мақсади асосии тарбияи ҷисмонӣ ва варзиш танҳо иборат аз таҳкими саломатии инсон нест, балки он бо тарбияи меҳнатӣ, ақлӣ, ахлоқӣ ва эстетикӣ низ пайванди ногусастанӣ дошта, муаррифгари давлату миллат дар арсаи байналмилалӣ мебошад.