Назорати иҷрои нақшаи чорабиниҳои Комиссияи амалисозии Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” ва “Барномаи рушди забони давлатӣ барои солҳои 2020-2030”

Ҷиҳати иҷрои нақшаи чорабиниҳои Комиссияи амалисозии Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” дар шаҳри Гулистон барои соли 2025 ва нақшааи чорабиниҳои “Барномаи рушди забони давлатӣ барои солҳои 2020-2030” дар шаҳри Гулистон аъзои Комиссия – Умеда Комилова сармутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр, Сайҳуна Шарифзода мутахассиси пешбари шуъбаи рушди иҷтимоӣ ва робита бо ҷомеаи дастгоҳи Раиси шаҳр ва Фаридуншоҳ Абдуллоев мутахассиси татбиқи забон дар Мақомоти иҷроияи ҳокимияти давлатии шаҳри Гулистон рафти иҷрои Комиссия ва Барномаро дар бахши сабти асноди ҳолати шаҳрвандӣ ва беморхонаи марказии шаҳр аз назар гузарониданд.

Зимни азназаргузаронии бастаи ҳуҷҷатҳои Комиссияи амалисозии Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” ва “Барномаи рушди забони давлатӣ барои солҳои 2020-2030” ба масъулин доир ба тақвияти корҳо дар самти иҷрои нақшаи чорабиниҳои Комиссия ва Барнома, дуруст ба роҳ мондани ҳуҷҷатгузорӣ, риояи талаботи риояи “Қоидаҳои имлои забони тоҷикӣ ва Аломатҳои китобати забони тоҷикӣ”, ки бо Қарори Ҳукумати Ҷумҳурии Тоҷикистон аз 30 июни соли 2021, №268 қабул гардидааст, иваз намудани шиору овезаҳои куҳнашуда, пешниҳод намудани гунаи дурусти ҳисоботҳо, бо риояи ҳуруф, андоза ва меъёри муақарраргардида таҳия намудани ҳуҷҷатҳо ва роҳ надодан ба ғалатҳо тавсияҳои зарурӣ дода шуд.

ЧАҲОР МАҚОМИ АРЗАНДА ДАР ДАВРИ ВИЛОЯТИИ ОЗМУНИ ҶУМҲУРИЯВИИ "ФУРӮҒИ СУБҲИ ДОНОӢ КИТОБ АСТ"

Бо мақсади таъмини иҷрои Амри Президенти ҷумҳурии Тоҷикистон муҳтарам Эмомалӣ Раҳмон аз 2-юми январи соли 2025, таҳти рақами 709, қарори Раиси вилояти Суғд аз 31-уми январи соли 2025, № 33 дар Китобхонаи вилоятии оммавии ба номи «Тошхоҷа Асирӣ” дар шаҳри Хуҷанд даври вилоятии озмуни ҷумҳуриявии "Фурӯғи субҳи доноӣ китоб аст" баргузор карда шуд.

Довталабони шаҳри Гулистон, ки ғолиби даври шаҳрии озмуни мазкур гардида буданд, дар даври вилоятӣ дар миёни беш аз 1050 нафар иштирокчиён фаъолона иштирок карда, шаҳри Гулистонро шоиста муаррифӣ намуданд.

Дар натиҷаи баҳогузории ҳайати ҳакамони озмун 4 нафар довталабони шаҳри Гулистон соҳиби ҷойҳои 2-юм гардиданд. Аз ҷумла:

1. Мирзоқулова Дилангез - хонандаи синфи 9-уми муассисаи таҳсилоти миёнаи умумии №14-и маркази шаҳр – ҷойи дуюм;

2. Мастура Ҷалилова - хонандаи синфи 10-уми муассисаи таҳсилоти миёнаи умумии №1-и маркази шаҳр – ҷойи дуюм;

3. Фатҳиддин Фатҳиев - омӯзгор, равоншиноси муассисаи таҳсилоти миёнаи умумии №14-и маркази шаҳр – ҷойи дуюм;

4. Сурайё Шарипова - омӯзгори фанни забон ва адабиёти тоҷики Муассисаи давлатии “Гимназияи №1-и ба номаи академик Бобоҷон Ғафуров”-и маркази шаҳр – ҷойи дуюм.

ИСТИФОДАИ ОҚИЛОНАИ ЗАМИН - ИДОМАИ СУҲБАТУ ВОХӮРИҲО БО УСУЛИ "ХОНА БА ХОНА"

Тибқи нақшаи муштараки сохторҳои дахлдори шаҳри Гулистон бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар маҷлиси васеи КИМ ҲХДТ дар санаи 17-уми июли соли ҷорӣ таъкид гардида буд, гурӯҳи кории таблиғотии шаҳр дар Ҷамоати шаҳраки Чоруқдаррон бо усули "Хона ба хона" аз заминҳои наздиҳавлигии як қатор сокинон дидан карда, бо онҳо бевосита суҳбат намуданд.

Муовини Раиси шаҳри Гулистон Шарифҷон Саидраҳмон ва Раиси КИ ҲХДТ дар шаҳри Гулистон Бахтиёр Каримов зимни суҳбат бо сокинон доир ба исфтифодаи дурусту самараноки заминҳои наздиҳавлигӣ таъкид намуда, изҳор доштанд, ки яке аз воситаҳои муҳими таъмини зиндагии шоистаи ҳар сокини мамлакат истифодаи оқилонаи замин буда, инчунин заминаи хуби захирасозии маҳсулоти ғизоӣ барои фасли зимистон мебошад.

ТАЪМИРИ БИНОИ МАЪМУРИИ ШВКД ҶУМҲУРИИ ТОҶИКИСТОН ДАР ШАҲРИ ГУЛИСТОН БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ

Ҷиҳати ба таври шоиста истиқбол намудани 35-солагии Истиқлоли давлатии Ҷумҳурии Тоҷикистон дар доираи нақша чорабиниҳо оид ба корҳои бунёдкориву ободонӣ бо дастгирии Мақомоти иҷроияи ҳокимияти давлатии шаҳри Гулистон бинои маъмурии Шуъбаи Вазорати корҳои дохилии Ҷумҳурии Тоҷикистон дар шаҳри Гулистон таъмир карда шуд. Дар доираи корҳои таъмирӣ намои берунаи бино, дохили бино пурра рангу бор карда шуда, роҳравҳо ва зинаҳои дохили бино сангфарш карда шуда, маҷлсигоҳи калони шуъба низ таъмир гардид.

Ҳамчунин, толори варзишии Шуъбаи Вазорати корҳои дохилии Ҷумҳурии Тоҷикистон дар шаҳри Гулистон аз нав таъмир карда шуда, барои боз ҳам беҳтар намудани шароити машқу тамрини кормандон бо дастгирии сардори шуъба Мирзоватан Раҳимзода як қатор таҷҳизоти нав ворид карда шуд. Толори варзишии шуъба дар беҳтарин шакл барои ба обу тоби бадан машғул гардидани кормандон қарор дорад.