Президенти Федератсияи Русия Владимир Путин бо сафари корӣ ба Тоҷикистон ташриф овард

28 июн дар Фурудгоҳи байналмилалии Душанбе Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Президенти Федератсияи Русия муҳтарам Владимир Путинро, ки бо сафари корӣ ба Тоҷикистон ташриф овард, гарму самимӣ истиқбол гирифтанд.

Ба хотири пазироии сатҳи баланди меҳмони олиқадр Фурудгоҳи байналмилалии Душанбе бо парчамҳои давлатии ҳар ду кишвар оро ёфта буд.

ГУЛИСТОН: АЁДАТИ МОДАРОНИ РОДМАРДОНИ ВАТАН, КИ БАРОИ БАРҚАРОРСОЗИИ СОХТИ КОНСТИТУТСИОНӢ ҶОНИ ХУДРО АЗ ДАСТ ДОДАНД

Раиси шаҳри Гулистон Раъно Ҳошимзода ва намояндаи Мақомоти иҷроияи ҳокимияти давлати вилояти Суғд, директори Маркази Тоҷикстандарт дар вилояти Суғд Ғайбулло Муҳиддинзода  дар доираи тантанаҳои 25-солагии Рӯзи Ваҳдати миллӣ  бо такя ба сиёсати хирадмандонаи Пешвои муаззами миллат муҳтарам Эмомалӣ Раҳмон як қатор модарони родмардони Ватанро, ки барои барқарорсозии сохти конститутсионӣ ҷони худро аз даст доданд аёдат намуданд.

Давлатбаева Рамзия- фарзандаш Сафин Динар солҳои 1992-1993 дар Тавилдара адои хизмати ҳарбӣ намуда, соли 1993 дар роҳи барқарорсозии сохти конститутсионӣ ҳалок гаридааст.

Латипова Омина- фарзандаш Латипов Абдусаттор соли 1998 ҳангоми адои хизмати  ҳарбӣ дар шаҳри Хуҷанд  дар роҳи мубориза баҳри барқарорсозии сохти конститутсионӣ ҳалок шудааст.

Юсупова Бароат- фарзандаш Зокиров Рустамҷон солҳои 1996-1997 дар шаҳри Душанбе адои хизмати ҳарбӣ намуда, соли 1997 дар роҳи барқарорсозии сохти конститутсонӣ ҳалок шудаст.

ТАҶЛИЛИ БОШУКӮҲИ 25-СОЛАГИИ РӮЗИ ВАҲДАТИ МИЛЛӢ

Имрӯз, 27.06.2022 дар толори Кохи фарҳангии “Истиқлол”-и маркази шаҳр бахшида ба 25-умин солгарди Рӯзи Ваҳдати миллӣ чорабинии тантанавии идона бо иштироки  фаъолони соҳаҳои хоҷагии халқи шаҳр баргузор гардид. Чорабинии тантанавӣ бо садо додани Суруди миллии Ҷумҳурии Тоҷикистон оғоз ёфт.

Раиси шаҳри Гулистон Раъно Ҳошимзода ҳамагонро ба ин муносибат муборакбод намуд. Зикр карда шуд, ки рӯзи 27-уми июни соли 1997 дар шаҳри Москва Созишномаи умумии истиқрори сулҳ ва ризоияти миллӣ имзо гардид. Бо имзо намудани ин ҳуҷҷат дар назди аҳли башар бори дигар таҳаммулпазирӣ ва иродаи сулҳҷӯёнаву бунёдкоронаи халқи тоҷик собит гардид.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон - поягузор ва меъмори Ваҳдати миллӣ дар бораи машаққати ба даст овардани сулҳ таъкид намудаанд, “Бо дарназардошти он ки Ваҳдати миллӣ барои тамоми мардуми Тоҷикистон арзиши бисёр муқаддасу азиз ба ҳисоб рафта, асоси хушбахтӣ ва саодати халқамон мебошад, вазифаи ҳар шахси бедордилу огоҳ, худшиносу ватандӯст аз он иборат аст, ки Ваҳдати миллиро чун омили муҳимтарини бақои давлату рушди ҷомеаи Тоҷикистон ҳифзу ҳимоят намояд ва онро чун дастоварди бузурги миллӣ пос дорад”.

ПАЁМИ ШОДБОШИИ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати 25-солагии Рӯзи ваҳдати миллӣ

26.06.2022, шаҳри Душанбе

Ҳамватанони азиз!

Дар таърихи ҳар як халқу миллат воқеаҳое рӯй медиҳанд, ки ҳамчун маҳсули ақлу хиради ҳамон миллат барои пойдории давлат аҳаммияти бузурги ҳаётӣ дошта, ба наслҳои минбаъда ҳамчун чароғи ҳидоят хизмат мекунанд.

Барқарор гардидани сулҳу субот ва расидан ба ваҳдати миллӣ барои миллати тоҷик аз ҷумлаи ҳамин гуна рӯйдодҳои таърихӣ мебошад, ки имрӯзҳо 25-солагии он дар кишвари маҳбубамон таҷлил мегардад.

Ба ин муносибат ҳамаи шумо – мардуми азизи Тоҷикистон ва ҳамватанони бурунмарзиро самимона табрик мегӯям.