ВОХӮРИИ МУФИД БО ВОЛИДАЙН ДОИР БА ОГОҲСОЗИ АЗ ПАДИДАҲОИ НОМАТЛУБ ЭКСТРЕМИЗМ-ТЕРРОРИЗМ, КОРРУПСИЯ, МАСЪУЛИЯТИ ПАДАРУ МОДАР ДАР ТАЪЛИМУ ТАРБИЯИ ФАРЗАНД, ИНТИХОБИ КАСБ ВА ҲИФЗИ МАНФИАТҲОИ МИЛЛӢ

Санаи 20.02.2024, дар муассисаи таълимии №1-и маркази шаҳр доир ба огоҳсози аз падидаҳои номатлуб экстремизм-терроризм, коррупсия, масъулияти падару модар дар таълиму тарбияи фарзанд, интихоби касб ва ҳифзи манфиатҳои миллӣ бо иштироки волидайн вохӯрӣ баргузор карда шуд.

Дар вохӯрии мазкур сармутахассиси ҳифзи ҳуқуқи кӯдак Сатторова Матлуба, мудири шуъбаи маориф Каримӣ Дилрабо, корманди ВКД Ҷумҳурии Тоҷикистон дар шаҳри Гулистон Содиқзода Рухшона ва директори МТМУ №1 Ҳакимова Муҳаббат иштирок ва суханронӣ намуданд.

Зикр карда шуд, ки вазъи кунунии ҷаҳони муосир, раванди ташаккулёбии вазъият нишон медиҳад, ки густариши зуҳуроти терроризму экстремизм дар як қатор кишварҳо, ба амният ва суботу оромии минтақа ва ҷаҳон таҳдид эҷод менамояд. Яъне экстремизм ва терроризм ҳамчун вабои аср маънидод карда мешавад.

Терроризм яке аз ҷиноятҳои хатарнок буда, дар содир намудани кирдорҳои бадқасдона, аз қабили таркиш, оташ задан, тирпарронӣ аз силоҳи оташфишон, нобуд кардани молу мулк, халалдор сохтани амнияти давлат, ҷамъият, фаъолияти мақомоти ҳокимияти давлатӣ ва сохторҳои низомӣ, тарсонидани шумораи зиёди аҳолӣ, таҷовуз ба ҳаёт ва расонидани зарари ҷисмонӣ ба арбоби давлатӣ ё ҷамъиятӣ ё намояндаи ҳокимият бо мақсади суст кардани асосҳои сохтори конститутсионӣ, амнияти давлат ва дигар кирдорҳои барои ҷамъият хавфнок, ки қонунгузории Ҷумҳурии Тоҷикистон муқаррар намудааст, зоҳир мегардад.

Баргузории тамриноти ситодии мудофиаи гражданӣ дар мавзуи "Амали ҳайати роҳбарикунанда ва қувваю воситаҳои мудофиаи граждании шаҳри Гулистон ҳангоми гузаштан аз замони осоишта ба замони ҷангӣ"

Санаи 21.02.2024 дар асоси Нақшаи чорабиниҳои асосии вилояти Суғд оид ба масъалаҳои мудофиаи гражданӣ, пешгирӣ, эътино ва рафъи оқибатҳои ҳолатҳои фавқулода барои соли 2024, ки бо қарори Раиси вилояти Суғд аз 29.12.2023,  №411 тасдиқ гардидааст ва қарори Раиси шаҳри Гулистон "Дар бораи тайёр намудан ва гузаронидани тамриноти ситодии мудофиаи гражданӣ дар шаҳри Гулистон" тамриноти ситодии мудофиаи гражданӣ дар мавзуӣ "Амали ҳайати роҳбарикунанда ва қувваю воситаҳои мудофиаи граждании шаҳри Гулистон ҳангоми гузаштан аз замони осоишта ба замони ҷангӣ" дар шаҳр баргузор гардид.

Нахуст дар дар толори хурди мақомоти иҷроияи ҳокимияти давлатии шаҳр

бо иштироки ҳайати роҳбарикунандаи хадамотҳои мудофиаи гражданӣ маросими оғози тамринот баргузор гардида, аз ҷониби роҳбари тамринҳои ситодӣ, муовини якуми Раиси шаҳр Даврон Муҳаммадзода ва муовини роҳбари тамриниҳои ситодӣ, сардори бахши Раёсати Кумитаи ҳолатҳои фавқулода ва мудофиаи граждании вилояти Суғд дар шаҳри Гулистон, подполковник Шуҳрат Алиев ба роҳбарони хадамотҳои шаҳр доир ба рафти баргузории тамринҳо дастурҳои мушаххас дода шуд.

Ҷаласаи Комиссияи мақомоти иҷроияи ҳокимияти давлатии шаҳр оид ба таъмини бехатарии ҳаракат дар роҳҳои қаламрави шаҳр баргузор гардид

Санаи 16.02.2024 дар толори хурди мақомоти иҷроияи ҳокимияти давлатии шаҳр ҷаласаи Комиссия таъмини бехатарии ҳаракат дар роҳҳои қаламрави шаҳр таҳти раёсати муовини якуми Раиси шаҳр Даврон Муҳаммадзода баргузор гардид. Дар ҷаласкаи мазкур мудири бахши нақлиёт ва коммуникатсияи мақомоти иҷроияи ҳокимияти давлатии шаҳр Шералӣ Раҳмонов, сардори шуъбачаи бозрасии давлатии автомобилии ШВКД-и Ҷумҳурии Тоҷикистон дар шаҳр Раҳимзода Ғ.Ғ., нозири калони ШБДА-и шаҳр Эсозода Ҷ.А., раисони ҷамоати шаҳракҳо, роҳбарони хатсайрҳои №40, №101, №66, №45 ва дигар шахсони масъул ҳузур доштанд.

Дар ҷалсаи мазкур се масъала рафти иҷрои қарори Ҳукумати Ҷумҳурии Тоҷикистон аз 30 марти соли 2013, №151 “дар бораи тадбирҳои рушди воситаҳои техникии танзими ҳаракат дар роҳ ва нигоҳубини онҳо”, рафти иҷрои қарори Ҳукумати Ҷумҳурии Тоҷикистон аз 6 майи соли 2006, №214 “дар бораи тасдиқ намудани  Қоидаҳои истифодабарии қитъаҳои ҳамшафати роҳҳои автомобилгарди Ҷумҳурии Тоҷикистон”, қарори Раиси шаҳр “Дар бораи татбиқи Стартегияи давлатии муқовимат бо коррупсия дар Ҷумҳурии Тоҷикистон барои давраи то соли 2030” дар мақомоти иҷроияи ҳокимияти давлатии шаҳр мавриди баррасӣ қарор гирифтанд.

ВОХӮРӢ ДОИР БА ШАРҲУ ТАВЗЕҲИ МОҲИЯТ ВА АҲАМИЯТИ ПАЁМ

Имрӯз, 15.02.2024 дар толори КИ ҲХДТ дар шаҳр тибқи нақшаи муштараки баргузории мулоқоту вохӯриҳои гурӯҳҳои тарғиботии назди Мақомоти иҷроияи ҳокимияти давлатии вилояти Суғд ва Кумитаи иҷроияи Ҳизби Халқии Демократии Тоҷикистон дар вилояти Суғд ҷиҳати фаҳмондадиҳии моҳият ва аҳамияти Паёми Президенти Ҷумҳурии Тоҷикистон, Пешвои миллат муҳтарам  Эмомалӣ Раҳмон ба Маҷлиси Олии Ҷумҳурии Тоҷикистон "Дар бораи самтҳои асосии сиёсати дохилӣ ва хориҷии ҷумҳурӣ” аз 28 декабри соли 2023, ки аз 9-уми феврали соли ҷорӣ аз ҷониби Раиси вилояти Суғд муҳтарам Раҷаббой Аҳмадзода тасдиқ гардидааст вохӯрӣ баргузор гардид.

Дар вохӯрии мазкур муовини Раиси шаҳр Шарифҷони Саидраҳмон, Темиров Комронбек устоди филиали Донишгоҳи байналмилалии сайёҳӣ ва соҳибкории Тоҷикистон дар вилояти Суғд, Раҳимзода Моҳира – котиби масъули нашрияи “Сухани халқ”-и Кумитаи иҷроияи Ҳизби Халқии Демократии Тоҷикистон дар вилояти Суғд, Аъзам Ҳотамӣ котиби ҳамоҳангсози Шӯрои ҳаракати ҷамъиятии ваҳдати миллӣ ва эҳёи Тоҷикистон дар вилояти Суғд, Солиҷонов Нодирҷон, собиқадори ҳизбию давлатӣ ва Ҷамолиён Муслимахон расии Кумитаи иҷроияи Ҳизби Халқии Демократии Тоҷикистон дар шаҳри Гулистон иштирок ва суханронӣ намуданд.