Вохӯрии Раиси шаҳр бо зоирин

Ҳамасола аз ҷумҳурии мо зиёда аз 6000 нафар ба Хонаи Каъба рафта, яке аз рукнҳои муҳими исломро ба ҷо меоранд. 2 сентябр вохӯрии Раиси шаҳри Қайроққум Матлубахон Амонзода бо 26 нафар зиёраткунандагон  доир гардид.

Раиси шаҳр зимни вохӯрӣ ба зоирон таъкид намуд, ки  ҳангоми сафар ба хонаи Худо одоби муоширатро бо намояндагони халқхои дигар ба дараҷаи баланд риоя кунанд.  Зеро моро миёни дигар мардуми мусалмон шумоён муаррифгар ҳастед. Нозукиҳои ҳаҷро бояд омӯхту амал кард. Дар  машғулиятҳои пеш аз сафар аз худ фаъолнокӣ мебояд. Тавре мегӯянд «Шахси огаҳ ба хато роҳ намедиҳад»,- Матлубахон Амонзода ба аҳли зоирин  роҳи сафед таманно кард.

МАРҲАБО, БА ЧОРАБИНИИ ИДОНА!

«Осоишгоҳи Баҳористон» кулли меҳмонону сокинони шаҳри Қайроққумро 9 сентбяри соли 2015 аз соати 10.00 то 22.30 ба сайругашти оммавӣ ба муносибати 24-умин солгарди Истиқлолияти давлатӣ даъват менамояд. Озмунҳо, намоиши филмҳои «Истиқлолият», «Доғ» ва барномаи калони консертӣ бо иштироки «Ғарибшо-компания», Зиёваддини Нурзод, Коно ва Доно, гурӯҳҳои рақсӣ интизори шумоянд.

ҶСП «Осоишгоҳи Баҳористон»

Футбол

3 сентябр дар варзишгоҳи «Қайроққум» дар доираи бозиҳои чемпионати вилоят оид ба футбол байни дастаҳои лигаи дуввум вохурӣ миёни дастаҳои «Қайроққум»-и шаҳри Қайроққум ва «Ҷавонӣ»-и ноҳияи Ҷаббор Расулов доир шуд. Вохӯрӣ ба хисоби 4 бар 1 ба фоидаи футболбозони қайроққумӣ анҷом ёфт. Тӯбҳоро аз дастаи ғолиб Ҷовид Орипов, Улуғбек Ҷӯраев, Комрон Шарифбоев ва Далер Табаров ба самар расониданд.

Набзи шаҳр дар васоити ахбори умум

«Дар ҳама корҳо сабр мебояд…»

«Бонувони Тоҷикистон», аз июли соли 2015.

Маводи Тилав Расулзода, хабарнигори махсуси маҷалла дар вилояти Суғд бо сарлавҳаи болоӣ оид ба фаъолияту ташаббусҳои соҳибкори қайроққумӣ Турсуной Зокирова чоп шудааст.