Вохӯрӣ бо вакил

11-уми сентябр дар шаҳраки Зарнисор вохӯрии вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии Мастчоҳ №18 Оқилзода Нурулло бо бошандагони инҷо доир гардид. Вохӯрию суҳбатҳои рӯ ба рӯ дар беморхона, МТМУ-и №10 ва маҳаллаи Сардобсой ҷараён гирифт.

Оқилзода Нурулло дар равиши баромад нуктаҳои асосии Паёми Президенти мамлакатро ба Маҷлиси Олии Ҷумҳурии Тоҷикистон мавриди таҳлил қарор дод.

Семинар-машварати ҷавонон

Дар асоси нақшаи  КИ ҲХДТ дар шаҳри Қайроққум, дастури супориши Раиси Ҳизби Халқии Демократии Тоҷикистон мӯҳтарам Эмомалӣ Раҳмон ва барқияи Кумитаи Марказии Ҳизби Халқии Демократии Тоҷикистон оид ба гузаронидани чорабиниҳо дар мавзӯи "Пешгирии гаравидани ҷавонон ба гурӯҳҳои террористӣ, экстремистӣ, равияҳои нодурусти мазҳабию динӣ ва дигар гурӯҳҳои ифротию ғайриқонунӣ" дирӯз дар муассисаи таҳсилоти миёнаи умумии №14 шаҳри Қайроққум семинар машварат доир ба ин мавзӯъ бо хонандагони синфҳои болоӣ гузаронида шуд.

Семинари мазкурро мудири бахши кор бо бонувон Бадалова Саёҳат ва мудири бахши кор бо ҷавонони КИ ҲХДТ дар шаҳри Қайроққум  Анис Ҳотамӣ дар сатҳи хеле васеъ гузарониданд. Дар қисмати аввали семинар-машварат доири мавзӯи мазкур аз тарафи мудири бахши занон Бадалова Саёҳат баромад ба вуқӯъ пайваст.

Дастовези муносиб

Дар давоми ҳашт моҳи соли равон саноатчиёни қайроққумӣ ба дастовардҳои назаррас ноил гардида, ба ифтихори 24-умин солгарди Истиқлолияти давлатии Ҷумҳурии Тоҷикистон туҳфаи арзанда пешкаш намуданд.

Ба иттилои мудири бахши саноат ва энергетикаи мақомоти иҷроияи ҳокимияти давлатии шаҳри Қайроққум Фазлиддин Орифов корхонаҳои саноатии шаҳри Қайроққум дар давоми ҳашт моҳи соли 2015 фаъолияти бонизом бурда, дар ин давра ба маблағи 717 млн. 127,7 ҳазор сомонӣ маҳсулот истеҳсол намуданд, ки ин нисбати ҳамин давраи соли гузашта бо нархҳои муқоисавӣ 111,5 фоизро ташкил дод, ё ки ин нишондиҳанда ба маблағи 74,1 миллион сомонӣ зиёд мебошад.

Фаввора

Яке аз самтҳои фаъолияти Мақомоти иҷроияи ҳокимияти давлатии шаҳри Қайроққум баҳри бунёди иншоотҳои гуногуни замонавӣ, корхонаҳои худу миёнаи истеҳсолӣ ва бо ин ҳадаф расидан ба ободиву шукуфоӣ, муайян намудани ҷойҳои нави корӣ нигаронида шудааст.

Дар арафаи ҷашни соҳибистиқлолии кишвар даромадгоҳи шаҳр боз ҳам зеботар гардид. Бо иқдоми Раиси шаҳри Қайроққум Матлубахон Амонзода фаввора аз нав таъмиру таҷдид ва фаъолияти бозмондаи он барқарор шуд. Фаввораи зебо боз ҳам ҳусни шаҳрро фузуд.