Тенниси рӯи миз

31 октябр дар шаҳраки Зарнисор ба муносибати 21-умин солгарди Конститутсияи (Сарқонуни) Ҷумҳурии Тоҷикистон мусобиқаи варзишии тенниси рӯи миз доир шуд. Дар даври ниҳоӣ ғолибон муайян шуданд. Корманди саридораи ШСКТХ Ши Бо Ся мақоми аввал, Руслан Абдурашид, аз қисми низомӣ ва Ғафурҷон Латифов, сармуҳосиби кумитаи иттифоқи касабаи ширкат ҷойҳои дуюму сеюмро ишғол намуданд.

Раиси кумитаи иттифоқи касабаи ШСКТХ Ҳоҷимуҳаммад Салимзода ба ғолибон Ҷоми мусобиқа ва диплому мукофотҳои хотиравиро супорид.

Саҳм дар иҷрои қарор

Ҷиҳати амалисозии қарори Раиси шаҳри Қайроққум Матлубахон Амонзода таҳти №1, аз 5 январи соли 2015 оид ба ҳадафи густариши варзиш ва таблиғоти тарзи ҳаёти солим «Дар бораи эълон намудани Рӯзи варзиш ва солимгардонии аҳолӣ» дар шаҳраки Зарнисор тадбирҳои  зиёде  роҳандоз ӣ мешавад.

-Шанбеи  чоруми ҳар моҳ бошандагони шаҳрак ба майдончаҳои варзишӣ баромада аз рӯи намудҳои гуногуни варзиш байни ҳам қувва меозмоянд. Хонандагони муассисаҳои таълимии рақамҳои 10, 6, 15 ва кормандони Ширкати куҳӣ – саноатии Тоҷикистону Хитой аз фаъолони мусобиқаҳои варзишӣ ҳастанд, - аснои суҳбат иброз дошт, раиси Ҷамоати шаҳраки Зарнисор Шаҳло Шарифова.

Ҷамъбасти озмуни «Китобдори беҳтарини сол»

Дар озмуни «Китобдори беҳтарини сол», ки Раёсати фарҳанги вилоят ба ифтихори «Соли оила» дар шаҳри Хуҷанд доир намуд, намояндагони 12 шаҳру навоҳӣ ширкат варзиданд.

Иштирокчиён аз рӯи  чор шарти озмуни маҳорату истеъдодашонро нишон доданд. Сардори толори хониши китобхонаи марказонидашудаи бахши фарҳанги шаҳр Кифоят Мирзоқулова  сазовори Шоҳҷоиза гардид.

Гузоштани санги асос барои бунёди мактаби санъати бачагона

30 октябри соли равон дар шаҳри Қайроққум, дар рӯзҳои омодагӣ ба ҷашни 21 – умин солгарди Конститутсияи (Сарқонуни) Ҷумҳурии Тоҷикистон рухдоди фараҳбахше ба вуқӯъ пайваст. Аз ҷониби Раиси шаҳри Қайроққум Матлубахон Амонзода ва роҳбари ширкати «Ал - Шафар» Ҷаноби Аҳмад-ал-Шафар санги асос барои бунёди мактаби санъати бачагона гузошта шуд.

Матлубахон Амонзода, Раиси шаҳри Қайроққум дар назди иштирокчиёни чорабинӣ суханронӣ кард. Раиси шаҳр оғози иншооти фарҳангиро ба кулли сокинони шаҳр муборакбод гуфта, изҳор дошт, ки Ҳукумати мамлакат дар сиёсати иҷтимоии худ навсозиҳоро идома дода, маблағгузории соҳаро дар соли 2015 нисбат ба соли гузашта 10 фоиз зиёд пешбинӣ намуда буд.