Маросими супоридани мукофотҳои давлатӣ

5 сентябр бахшида  ба  24 – умин солгарди Рӯзи Истиқлолияти давлатии Ҷумҳурии Тоҷикистон дар Мақомоти иҷроияи ҳокимияти давлатии вилояти Суғд маҷлиси тантанавӣ баргузор ва ба як қатор пешқадамони соҳаҳои гуногун мукофотҳои давлатӣ ва ифтихорномаҳо супорида шуд.

Сарвазири Ҷумҳурии Тоҷикистон Қоҳир Расулзода зимни суханронии худ мардуми вилояти Суғдро аз номи Президенти кишвар ва Ҳукумати Ҷумҳурии Тоҷикистон бахшида ба иди Истиқлолияти давлатӣ табрик гуфта, ба мардуми вилояти Суғд сарбаландиву саодати рӯзгорро таманно намуд.

Ҷамъомади тантанавӣ ба истиқболи 24-умин солгарди Истиқлолияти давлатии Ҷумҳурии Тоҷикистон

Имруз, 8 сентябр дар толори «Кохи Истиқлол» ба истиқболи 24-умин солгарди Истиқлолияти давлатии Ҷумҳурии Тоҷикистон ҷамъомади тантанавӣ баргузор гардид.

Ин тантанаи бошукӯҳи идона бо ворид шудани Раиси шаҳри Қайроққум Матлубахон Амонзода ва меҳмонон ба толор, бо садо додани Суруди миллӣ ифтитоҳ ёфт. Раиси шаҳр зимни суханронии табрикии худ Истиқлолияти давлатии Ҷумҳурии Тоҷикистонро беҳтарин ва пурарзиштарин неъмат дар таърихи муосири миллати куҳанбунёди тоҷик номида, аҳли толорро бо солгарди 24-умин дастоварди олӣ табрику таҳният гуфт.

Табрикоти Раиси шаҳри Қайроққум Матлубахон Амонзода бахшида ба 24-солагии Истиқлолияти давлатии Ҷумҳурии Тоҷикистон

Ҳамшаҳриёни гиромӣ!

Бисту чор сол муқаддам 9 сентябри соли 1991 муҳимтарин воқеаи таърихии сарнавишти миллати тоҷик – Истиқлолияти давлатии Ҷумҳурии Тоҷикистон ба вуҷуд омад, ки барои ҳар яки мову шумо иди муқаддас ва азизтарин маҳсуб меёбад.

Чуноне, ки Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон зикр доштаанд, истиқлолият волотарин ва боарзиштарин дастоварди миллати тоҷик дар масири даҳ асри охир буда, рамзи соҳибдавлатӣ ва ватандорӣ, нишонаи ҳуввият ва озодӣ, ифтихор ва номус, бақои симои миллати соҳибихтиёру соҳибдавлати тоҷикон, шиносномаи байналмилалӣ ва шарафу эътибори ба ҷаҳони мутамаддин пайвастани кишвари соҳибистиқлоламон мебошад.

Хушҳолии собиқадорон

Аёдату дидорбинии шахсони барӯманд, ки солҳои дароз ба хадқу ватан софдилона хизмат кардаанд дар арафаи баргузории ҳар иду айём ба ҳукми анъана даромадааст, ки қобили қабули аҳли ҷомеа мебошад.

Дар ин радиф 7 сентябри соли 2015 муовини раиси ҲХДТ Латифзода Асрор ва раиси Кумитаи иҷроияи вилоятии ҲХДТ Сарфароз Юнусов аз рӯзгори собиқадорони меҳнат Санавбар Нуруллоева, Муҳсин Раҳимов ва Шоҳзода Мусобекова дидан ба амал оварда, онҳоро аз номи Сарвари давлат Эмомалӣ Раҳмон ба муносибати 24-солагии Истиқлолияти давлатии Тоҷикистон муборакбод гуфта, дар вазъияти тантанавӣ ба миқдори 1000 сомонӣ маблағи идона супориданд.