Пленуми ТҶММ

Дар толори таълимии ТҶММ-и шаҳр Пленуми сеюми ҳисоботии ташкилоти ҷамъиятии мазкур доир гардид. Дар оғоз муовини раиси кумитаи вилоятии ТҶММ Аҳмад Аҳмадов номзадро ба вазифаи раиси ТШ ТҶММ-и шаҳри Гулистон пешбарӣ кард. Вакилони Пленум бо як овоз Шарифҷон Абдуллоевро ба ҳайси раиси ташкилоти ҷамъияти мададгори мудофиаи шаҳр интихоб намуданд. Сипас, тибқи рўзнома ҳисоботи ин ташкилот дар давраи соли равон мавриди баррасӣ қарор дода шуд. Дар музоркираи ҳисоботи ташкилот М. Турсунов, Ф.Раҳимов, А.Самадов, О.Самиев раисони ташкилотҳои ибтидоӣ ширкат варзиданд. Доир ба масъалаҳои баррасишуда пленум қарорҳои дахлдор қабул намуд.

Дар кори пленуми ТҶММ мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр И. Мадализода, комиссари ҳарбии Гулистон полковник Б.Холмуродов иштирок ва баромад намуданд.

Ҷаласи Шўрои ҷамъиятӣ

Таҳити раёсати Раиси шаҳри Гулистон, Раиси Шўрои ҷамъиятӣ Матлубахон Амонзода дар толори хурди Мақомоти иҷроияи ҳокимияти давлатӣ ҷаласаи Шўро баргузор гардид. Роҷеъ ба фаъолияти Шўро котиби Шўрои ҷамъиятӣ И. Мадализода дар соли равон ҳисобот манзур намуд.

Дар маърўза доир ба фаъолияти ҳизбҳои сиёсӣ ва ташкилотҳои ҷамъиятӣ, бурду бохти онҳо дар соли ҳисобтӣ мавриди арзёбӣ қарор гирифт.

Мулоқот бо кормандони молия

Дар толори хурди МИҲД-и шаҳр ба ифтихори Рўзи кормандони молия мулоқоти Раиси шаҳри Гулистон Матлубахон Амонзода бо кормандони ин соҳа сурат гирифт.

Сарвари шаҳр зимни суханронии худ зикр намуд, ки муносибатҳои молиявӣ низоми махсуси муносибатҳои иқтисодианд, ки ба ташкил, тақсимот ва истифодаи самараноки захираҳои молию пулӣ, бо мақсади таъмини ниёзи давлат, корхона, ташкилоту муассиса ва шаҳрвандон равона карда шудаанд.

Омўзиши забони чинӣ

Аввали моҳи декабри соли равон дар шаҳраки Зарнисор рўйдоди фараҳбахше ба вуқўъ пайваст.

Дар муассисаи таълимии №10-и шаҳрак нуқтаи омўзиши забони чинӣ барои мактабиён, кормандони ширкати саноати кўҳии Тоҷикистону Хитоӣ ва хоҳишмандон ифтитоҳ ёфт. Дар маросими расмии кушодашавии он муовини Раиси шаҳри Гулистон Ғ. Оқилзода, намояндаи Вазорати маориф ва илми Ҷумҳурии Тоҷикистон Ҳ. Мирзоев, мушовири Сафо- ратхонаи ҶХХ Юй Чунли, директори Донишкадаи кўҳӣ-металлургии Тоҷикистон З. Розиқов ва Чуэн Хунбин иштирок ва суханронӣ намуданд. Дар синфхонаи мазкур омўзгорон аз давлати Чин ба толибилмон забони чинӣ ва ҳикматҳои файласуфи машҳур Конфутсийро тадрис хоҳанд намуд.