Тарғибу тавзеҳи қонуни танзим

Мутобиқи нақшаи Дастгоҳи иҷроияи Президенти Ҷумҳурии Тоҷикистон, Ҳукумати Ҷумҳурии Тоҷикистон, мақомоти иҷроияи ҳокимияти давлатии вилояти Суғд ва шаҳри Гулистон гурӯҳи таблиғотӣ дар ҳайати раиси шаҳри Гулистон Сатториён Матлубахон Амонзода, вакили Маҷлиси намояндагони Маҷлиси Олии Ҷумҳурии Тоҷикистон Нурулло Оқилзода, Солеҳ Завқизода – директори маркази таълимии судяҳои назди Суди Олии Ҷумҳурии Тоҷикистон, Маҳмадуллоев Зубайдулло–мудири бахши Кумитаи кор бо ҷавонон ва варзиши назди Ҳукумати Ҷумҳурии Тоҷикистон,  Зайтметов Ҳусейн–устоди Донишгоҳи давлатии Хуҷанд ба номи академик Бобоҷон Ғафуров, номзади илмҳои психологӣ, Шарипов Шавкат–устоди Донишгоҳи давлатии Хуҷанд ба номи академик Бобоҷон Ғафуров, номзади илмҳои таърих, сардори шуъбаи гулистонии Раёсати Кумитаи давлатии амнияти миллӣ Ҳакимов Хаёл, прокурори шаҳри Гулистон, мушовири адлияи дараҷаи якум Абдуллозода Абдулло, раиси суди шаҳри Гулистон Ёдгорзода Наргис, сардори ШВКД шаҳри Гулистон Мирзозода Хуршед, раиси кумиҷроияи ҲХДТ дар шаҳри Гулистон Ҷамолиён Муслимахон Ғайбуллозода, мудири бахш оид ба корҳои дин, танзими анъана ва ҷашну маросимҳои миллӣ Шарипов Манучеҳр ҷиҳати тавзеҳ, тарғибу ташвиқи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни  Ҷумҳурии Тоҷикистон «Дар бораи танзими анъана ва ҷашну маросим дар  Ҷумҳурии Тоҷикистон» силсилаи вохӯриву мулоқотро бо сокинон, ҷавонон ва намояндагони ҷомеаҳои меҳнатии корхонаҳои азими саноатӣ доир намуд.

Падидаҳои номатлубро маҳкум менамоем

Дар толори калони  мақомоти иҷроияи ҳокимияти давлатии шаҳр таҳти раёсати Раиси шаҳри Гулистон Сатториён Матлубахон Амонзода ҷаласаи корӣ доир ба пешгирӣ намудани ҳодисаҳои номатлуб дар ҷомеа ба вуқўъ пайваст.

Дар он сардори шуъбаи гулистонии Раёсати Кумитаи давлатии амнияти миллии вилояти Суғд Хаёл Ҳакимов, прокурори шаҳри Гулистон, мушовири адлияи дараҷаи якум Абдулло Абдуллозода, сардори ШВКД шаҳри Гулистон, полковники милитса Хуршед Мирзозода, раиси суди шаҳри Гулистон Наргис Ёдгорзода ширкат варзиданд.

Иди Истиқлол дар Чоруқдаррон

Бегоҳии рўзи 9-уми сентябри соли 2017 дар майдони Қасри маданияти “Кўҳкан”-и шаҳрак тантанаҳои шаҳрии Иди муқаддаси Истиқлол бо иштироки намояндагони ҷамоати шаҳракҳо, корхона, муассиса, ташкилотҳои шаҳр ва сокинони сершумори шаҳрак доир гардид.

Дар тўйхонаи “Муҳаммадӣ”-и шаҳрак барои беш аз 200 нафар собиқадорони меҳнат, ҷанговарони байналмилал, муҳофизони сохти конститутсионӣ, ятимону маъюбон, пирони танҳо ва қишри эҳтиёҷманди аҳолӣ дасторхони идона густурда шуда, беш аз 10 нафар барҷомондагон аёдат карда шуданд. Ҳамзамон, бо иштироки муовини Раиси вилояти Суғд Назира Ғаффорӣ ва Раиси шаҳри Гулистон ба беш аз 35 нафар собиқадорони меҳнат туҳфаҳо ва маводҳои ғизоӣ дода шуданд.

Истиқлолият – муқаддастарин иди Тоҷикистониён

Дар толори калони мақомоти иҷроияи ҳокимияти давлатии шаҳр бахшида ба 26-уми солгарди Истиқлолияти давлатии Ҷумҳурии Тоҷикистон ҷаласаи тантанавӣ доир гардид.

Раиси шаҳри Гулистон Сатториён Матлубахон Амонзода ҷаласаро ҳусни ифтитоҳ бахшида, сипас намояндаи Ҳукумати Ҷумҳурии Тоҷикистон, Президенти Академияи илмҳои Тоҷикистон Фарҳод Раҳимӣ доир ба дастовардҳои тоҷикистониён дар зарфи 26 соли Истиқлолияти давлатӣ маърўза намуд. Муовини Раиси вилояти Суғд Назира Ғаффорӣ табрикоти Раиси вилояти Суғдро қироат кард.