Наврӯз дар Зарчашма

Ба ҳукми анъана даромадааст, ки чанд рӯз қабл аз Наврӯз дар муассисаҳои таълимӣ ин ҷашни сифр миллӣ бо шукӯҳи хосса таҷлил карда мешавад. Бо мақсди арҷгузорӣ ба ин мероси гаронбаҳои аҷдодӣ дар МТМУ №12 деҳаи Зарчашма чорабинии идона доир гардид. Дар ин ҷашни наврӯзӣ иҷрои сурди «Ёр-ёр» ва хондани «Саломномаи арӯсӣ», рақси якка, хонадни суруди «Навкарони домод», мусобиқаҳои варзишӣ ба монади гӯштингирӣ, кашидани арғамчин, дастхобонӣ ва ғайра ба ҳозирин намоиш дода шуданд. Намоиши таомҳои миллӣ, ашёи таърихӣ, маҳсулоти кадбонуи беҳтарин ва муаррифи ҳафтсину ҳафтшин ҷузъи дигари ин чорабинии идонаро ташкил медоданд.

Мулоқот бо рӯзноманигорон

Рӯзи 11-уми март дар мамлакат Рӯзи матбуоти тоҷик ҷашн гирифта шуд. Ин санаро ҳамасола аҳли қаламу фарҳанг ҷашн мегиранд. Ин сана ба рӯзи нашри аввалин рӯзномаи тоҷикӣ бо унвони «Бухорои шариф» пайванд аст.

Бояд зикр намуд, ки аввалин шумораи рӯзномаи тоҷикии «Бухорои шариф» 11-уми марти соли 1912 аз чоп баромад. Пас аз соҳибистиқлолии Ҷумҳурии Тоҷикистон соли 1994 Парлумони Тоҷикистон 11-уми мартро рӯзи матбуоти тоҷик эълон намуд.

Таҷлили Рӯзи Модар

Дар Кохи фарҳангии «Истиқлол» бахшида ба Рӯзи модар чорабинии тантанавӣ доир гардид.

Чорабиниро Раиси шаҳри Гулистон Сатториён Матлубахон Амонзода ҳусни ифтитоҳ бахшида, модарон ва бонувони гулистониро муборакбод намуда, тазаккур дод, ки дар сатҳи давлатӣ ва бо тантанаву шукӯҳи хосса ҷашн гирифтани Рӯзи модар нишонаи эътибору эҳтироми зиёди давлат ва Ҳукумати кишвар нисбат ба модарону занон мебошад, зеро нақши занону модарон дар ободии хонадон, тарбия кардану ба воя расонидани фарзандон, ба онҳо омӯзонидани забони модарӣ, одобу маънавиёт, парвариши эҳсоси баланди худшиносиву худогоҳӣ, ҳисси миллӣ ва ифтихори ватандорӣ беназир аст.

Ҷаласаи Шӯрои собиқадорон

Дар толори бахши ҳифзи миҳити зист ҷаласаи васеи Шӯрои собиқадорони ҷангу меҳнати шаҳри Гулистон доир гардид.

Раиси Шӯрои собиқадорони ҷангу меҳнати шаҳр Муҳаммадҷон Файзуллоев доир ба таърихи 30 солаи Шӯро сухан ронда, тазаккур дод, ки Шӯрои собиқадорон аз соли 1987 фаъолият бурда, дар дарозои ин солҳо корҳои зиёди тарғиботӣ-ташвиқотӣ, мулоқоту вохӯриҳо ташкил ва гузаронида шуда, имрӯз собиқадорон дар тамоми чорабиниҳои шаҳрӣ фаъолона ширкат меварзанд. Дар музокира раиси ташкилоти «Ҳифзи Ватан» Бозор Ғуломов ва муҳофизи сохти конститутсионӣ Зариф Пӯлодов иштирок намуданд. Дар охир аз номи мақомоти иҷроияи ҳокимияти давлатии шаҳр ба фаъолзанони собиқадор туҳфаҳои ҷашнӣ супорида шуд.