Тантанаҳои иди кўдакон

Тибқи нақшаи чорабинии мақомоти иҷроияи ҳокимияти давлатии шаҳр ба ифтихори Рўзи байналмилалии ҳифзи ҳуқуқи кўдак дар Кохи фарҳангии «Истиқлол» ҷамъбасти озмунҳои шаҳрии «Офарин», «Ҳуқуқҳои худро меомўзем», «Осмони соф» ва «Бозиҳои миллӣ» баргузор гардида, ғолибон бо туҳфа ва сипосномаҳо сарфароз гардонида шуданд.

Дар охир барои бачаҳо санъаткорони бахши фарҳанг ва дастаҳои ҳунарии макотиби шаҳр барои тамошобинон барномаи марғуби консертиро таҳти унвони «Мо баччагони хушбахти истиқлолем» манзур намуданд.

Идипулии Раиси шаҳр ба кўдакон

Бо ташаббуси Раиси шаҳри Гулистон Матлубахон Амонзода дар арафаи Рўзи байналмилалии ҳифзи ҳуқуқи кўдакон баҳри болида гардонидани хотири маъюбони бистаришуда мақомоти иҷроияи ҳокимияти давлатии шаҳр ба 20 нафар кўдакони маъюб 2000 сомонӣ ва 28 нафар ятимони кул 2800 сомонӣ, дар маҷмўъ 4800 сомонӣ кумаки яквақтаи пулӣ супорида шуд.

Чунин чорабиниҳо дар маҳаллаҳои маркази шаҳр ва Ҷамоатҳои шаҳракҳо низ гузаронида шуда, кўдакони маъюб ва ятимон аз ҷониби намояндагони мақомити иҷроияии ҳокимияти давлатии шаҳр аёдат ва қадрдонӣ шуданд.

Дасторхони идона дар “Манижа”

Бо дастгирии мақомоти иҷроияи ҳокимияти давлатии шаҳр ва ибтикори вакили Маҷлиси вакилони халқи шаҳр Турсуной Зокирова дар тарабхонаи «Манижа» барои 150 нафар кўдакон аз оилаҳои ниёзманд дасторхони идона густурда шуд.

Мудири шуъбаи рушди иҷтимоӣ ва робита бо ҷомеа Илҳом Мадализода номаи табрикотии Раиси шаҳри Гулистон Матлубахон Амонзодаро манзури ҳозирин намуд. Дар охир ба кўдакон аз номи Бунёди шафқати Турсуной Зокирова туҳфаҳои идона супорида шуданд. Санъаткорони бахши фарҳанг барои бачаҳо консертӣ идона манзур карданд.

Марафони дучархаҳо дар Сирдарё

Ба ифтихори Рўзи байналмилалии ҳифзи кўдакон бо иштироки беш аз 60 нафар кўдакон марафони дучархаронҳо баргузор гардид.

Дар шаҳрак инчунин озмуни «Расми беҳтарин дар рўи мумфарш», дар боғчаи «Бобуна»-и шаҳрак озмуни шавқовари «Офарин» ба вуқўъ пайвастанд.