Нишонзани беҳтарин

Ба муносибати Соли ҷавонон ва 25-умин солгарди Иҷлосияи XVI Шўрои Олии Ҷумҳурии Тоҷикистон кумитаи шаҳрии ТҶММ дар ҳамкорӣ бо шуъбаи маорифи шаҳр дар толори варзишии мактаби таҳсилоти миёнаи умумии №14 мусобиқаи шаҳрӣ оид ба тирпарронӣ бо номи «Нишонзани беҳтарин» байни хонандагон ва омўзгорони фанни омодагии дифои ҳарбии муассисаҳои таълимӣ баргузор намуд. Дар мусобиқа намояндагони ҳашт муассисаи таълимӣ ширкат варзиданд.

Ҳайати ҳар як даста аз ду нафар духтар, ду нафар писар ва як нафар омўзгори фанни дифои ҳарбӣ иборат буд. Байни духтарон Рухсора Баҳриддинова (МТМУ №14) ҷои аввал, Сайнисо Набиева (МТМУ №1) ҷои дуюм ва Умеда Султонова (Гимназияи №1) ҷои сеюмро ишғол намуданд.

Иди омўзгорон

Бахшида ба Иди касбии омўзгорон дар толори шуъбаи маориф ҷамъомади тантанавӣ баргузор гардид.

Мудири шуъбаи рушди иҷтимоӣ ва робита бо ҷомеа Илҳом Мадализода аз номи Раиси шаҳри Гулитстон Сатториён Матлубахон Амонзода омўзгоронро бо иди касбиашон муборакбод намуд. Мудири шуъбаи маориф Мирҷумъа Бобозода, раиси Кумиҷроияи ҲХДТ дар шаҳр Ҷамолиён Муслимахон Fайбуллозода ҳозиринро бо Рўзи муаллим шодбош намуданд.

Мулоқоти Пешвои миллат Эмомалӣ Раҳмон бо бародари Амири Давлати Қатар Шайх Халифа ибн Ҳамад ибн Халифа Оли Сонӣ

Дирӯз дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Шайх Халифа ибн Ҳамад ибн Халифа Оли Сониро ба ҳузур пазируфтанд.

Дар мулоқот маҷмуъи васеи масоили ҳамкории дуҷонибаи Тоҷикистону Қатар дар соҳаҳои маорифу тандурустӣ, саноат, гидроэнергетика, фарҳанг, алоқаи ҳавоӣ, бонкдорӣ, саёҳат ва дигар бахшҳои афзалиятноки барои ҳар ду ҷониб судманд баррасӣ гардид.

Барқияҳои тасаллият аз сарони як қатор давлатҳо ба Президенти Ҷумҳурии Тоҷикистон Эмомалӣ Раҳмон

Дар робита ба даргузашти Нуриддин Раҳмон-бародари Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз сарони як қатор давлатҳо ва ҳукуматҳои хориҷӣ номаҳои тасаллият ворид гардиданд.

Дар Паёми тасаллияти Амири Давлати Кувайт Сабоҳ ал-Аҳмад ал-Ҷобир ал-Сабоҳомадааст:

«Муҳтарам Эмомалӣ Раҳмон,

Президенти Ҷумҳурии Тоҷикистон

Ассалому алайкум ва раҳматуллоҳи ва баракотуҳу,,,

Бо андуҳи гарон вафоти бародари гиромиатон Нуриддин Раҳмонро (Худо раҳматаш кунад) қабул намудам.