Рӯзи Ваҳдат дар Адрасмон

Дар майдони назди Хонаи маданияти «Дӯстӣ»-и шаҳраки Адрасмон тантанаҳои идона бахшида ба 20-солагии Рӯзи Ваҳдати миллӣ баргузор гардид.

Раиси шаҳри Гулистон Матлубахон Амонзода адрасмониёнро бо ин ҷашни фархунда муборакбод нгамуда, зикр дошт, ки расидан ба сулҳ ва ба даст овардани Ваҳдати миллӣ аз муҳимтарин дастовардҳои даврони Истиқлолияти давлатии мо мебошад. Дар бораи аҳамияти ин падида Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бисёр дақиқ иброз доштанд, ки Созишномаи  сулҳ бо арзиши  бузурги худ бо Эъломияи Истиқлолияти давлатии Ҷумҳурии Тоҷикистон дар як радиф меистад. Раванди сулҳофарӣ дар кишвар ва 20 соли татбиқи бомуваффақияти андешаи Ваҳдати миллӣ нишон медиҳад, ки дар расидан ба сулҳ ва рушди босуботи кишвар Пешвои муаззами миллат муҳтарам Эмомалӣ Раҳмон нақши марказӣ ва таъйинкунанда доранд. Тамоми дастовардҳое, ки мардуми ҷумҳурӣ дар марҳилаи ҳозира бо эҳсоси гарми ватандӯстиву ватанпарастӣ ва хештаншиносиву ифтихори миллӣ, созандагиву ободкориро ҳадафи муқаддаси худ қарор додааст, аз мавҷудияти суботи сиёсиву ҷамъиятӣ ва Ваҳдати миллӣ вобаста мебошанд, зеро ваҳдату субот роҳи ягона ва шарти ҳатмии рушди устувори сиёсӣ, иқтисодӣ, таъмини зиндагии шоиста ва ободонии кишвар мебошанд.

Таҷлили 20-солагии Рӯзи Ваҳдати миллӣ

Дар Кохи фарҳангии “Истиқлол” ҷамъомади ботантана бахшида ба ифтихори 20-солагии Рӯзи Ваҳдати миллӣ бо иштироки намояндагони соҳаҳои хоҷагии халқи шаҳр, мақомоти қудратӣ, собиқадорони меҳнат, намояндагони ҳизбу ташкилотҳои ҷамъиятӣ ва ҷавонон баргузор гардид.

Ҷамъомади ботантана бо садо додани Суруди Миллии Ҷумҳурии Тоҷикистон ҳусни ифтитоҳ ёфта, дар ибтидо намояндаи мақомоти иҷроияи ҳокимияти давлатии вилояти Суғд, сардори Раёсати рушди иқтисод ва савдои  мақомоти иҷроияи ҳокимияти давлатии вилоят Шарифулло Аҳмадзода гулистониёнро аз номи Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон Абдураҳмон Қодирӣ шодбош намуда, табрикоти Раиси вилоятро манзури ҳозирин намуд. Сипас Раиси шаҳри Гулистон Сатториён Матлубахон Амонзода сокинони шаҳрро бо ҷашни фархундаи 20-умин солгарди Рӯзи Ваҳдати миллӣ муборакбод намуд.

Муборакбодии Раиси шаҳри Гулистон Сатториён Матлубахон Амонзода ба ифтихори 20-солагии Рўзи Ваҳдати миллӣ

Ҳамшаҳриёни азиз!

Расидан ба сулҳ ва ба даст овардани Ваҳдати миллӣ аз муҳимтарин дастовардҳои даврони Истиқлолияти давлатии мо мебошад. Дар бораи аҳамияти ин падида Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бисёр дақиқ иброз доштанд, ки Созишномаи сулҳ бо арзиши бузурги худ бо Эъломияи Истиқлолияти давлатии Ҷумҳурии Тоҷикистон дар як радиф меистад. Раванди сулҳофарӣ дар кишвар ва 20 соли татбиқи бомуваффақияти андешаи Ваҳдати миллӣ нишон медиҳад, ки дар расидан ба сулҳ ва рушди босуботи кишвар Пешвои муаззами миллат муҳтарам Эмомалӣ Раҳмон нақши марказӣ ва таъйинкунанда доранд.

Тамоми дастовардҳое, ки мардуми ҷумҳурӣ дар марҳилаи ҳозира бо эҳсоси гарми ватандўстиву ватанпарастӣ ва хештаншиносиву ифтихори миллӣ, созандагиву ободкориро ҳадафи муқаддаси худ қарор додааст, аз мавҷудияти суботи сиёсиву ҷамъиятӣ ва Ваҳдати миллӣ вобаста мебошанд, зеро ваҳдату субот роҳи ягона ва шарти ҳатмии рушди устувори сиёсӣ, иқтисодӣ, таъмини зиндагии шоиста ва ободонии кишвар мебошанд.

Муборакбодии Раиси шаҳри Гулистон Сатториён Матлубахон Амонзода ба муносибати иди Рамазон

Гулистониёни арҷманд!

Истиқлолияти давлати Ҷумҳурии Тоҷикистон ба мо имкон дод, ки озодона ҷашну суннатҳои мардумӣ ва мазҳабии худро таҷлил ва пос дорем. Соли ҷорӣ моҳи шарифи Рамазон дар марҳилае қадами мубораки худро ба диёри мо гузошт, ки мардуми шарифи Тоҷикистон ҷашни бузурги таърихӣ – 20-умин солгарди Рўзи Ваҳдати миллиро бо шукўҳу шаҳомат таҷлил менамояд. Ин рўйдоди азим дар ҳаёти кишвари озод мо бори дигар шаҳодат бар он менамояд, ки бо саъю кўшишҳои пайгирона ва сиёсати дурбинонаи Пешвои миллат муҳтарам Эмомалӣ Раҳмон муносибатҳои сиёсиву иқтисодӣ ва фарҳангии мо бо кулли мамолики ҷаҳон таҳкими бештар меёбанд.

Итминон дорам, ки он ҳама сабақу илҳоме, ки ба ҳар яки мо моҳи шарифи Рамазон дар давоми як моҳ талқину ҳидоят намуд, минбаъд барои дучанд боло рафтани самара ва маҳсулнокии фаъолияти меҳнати бунёдкоронаи мо мусоидат хоҳанд намуд. Ватанпарварӣ ва ҳисси худшиносии мо афзун гардида, барои зиндагии осудаву хуррам ва шоиставу арзанда боз як қадами муҳим мегардад.