Табрикоти раиси шаҳри Гулистон Сатториён Матлубахон Амонзода ба муносибати 72-солагии Иди Fалаба

Ҳамшаҳриёни азиз!

9-уми май ба яке аз Ғалабаҳои бузурги таърихи инсоният бар фашизми ғаддор 72 сол пур мешавад ва тоҷикистониён низ онро дар қатори дигар мамолики дунё бо тантана қайд мекунанд. Ҷанги дуюми ҷаҳон дар таърихи башарият аз ҷумлаи фоҷиаҳои бузургтарини инсоният буд. Тоҷикистон низ дар ин ҷанг талафоти зиёде дод. Беш аз 290 ҳазор нафар фиристодагони он барои дифои Ватан ва шарафу номуси мардуми хеш дар набардҳои мубориза шуҷоат ва корнамоиҳои бузург нишон дода, 92 ҳазор нафарашон дар майдонҳои ҷанг ҳалок гаштанд.

Мо – тоҷикон ҳамеша ҷонибдори сулҳ, пуштибони осоиш ва таблиғгари фарҳанги сулҳ мебошем. Имрўзҳо сиёсатмадорон ва муҳаққиқони сиёсатшинос сулҳи тоҷиконро, Ваҳдати миллии моро, яке аз намунаҳои беҳтарини сулҳофарии олам дониста, тарҳи онро дар нуқтаҳои гуногуни дар ҳоли низоъ қарордошта, амалӣ карда истодаанд.

Аёдати иштирокчии Ҷанги Бузурги Ватанӣ

Дар арафаи иди бузург - Рўзи Ғалаба Раиси шаҳри Гулистон Матлубахон Амонзода, муовини якуми Раиси ҲХДТ Саидмурод Фаттоҳзода, раиси кумиҷроияи ҲХДТ дар вилояти Суғд Сарфароз Фаттоҳзода ба хонаи собиқадори ҷангу меҳнат Самад Воҳидови 93-сола омада, ўро аёдат намуданд.

Ба собиқадори ҷангу меҳнат ҳадяпулиҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Раиси вилояти Суғд ва Раиси шаҳри Гулистон дар вазъи тантанавӣ супорида шуданд. Ҳини суҳбат собиқадори ҷангу меҳнат шукронаи даврони истиқлолият, ваҳдати миллӣ ва сулҳу субот намуда, барои ғамхориву дастгириҳои Пешвои миллат ва давлат изҳори самимият намуд.

Fанигардони буҷет рисолати нозироти андоз

Раиси шаҳри Гулистон Матлубахон Амонзода ҳафтаи сипаришуда дар толори хурди мақомоти иҷроияи ҳокимияти давлатии шаҳр ба ифтихори таҷлили иди касбии кормандони мақомоти андоз бо кормандони Нозироти андози шаҳри Гулистон мулоқот доир намуд.

Дар вохўрӣ Раиси шаҳр роҷеъ ба фаъолияти пурсамари кормандони Нозироти андози шаҳр дар семоҳаи якуми соли ҷорӣ, вазифаҳои муҳими мақомот дар ғанӣ гардонии буҷет, рушд ва саҳми қиёсии соҳаҳои хоҷагии халқ дар ташаккули нишондиҳандаҳои вилояту ҷумҳурӣ сухан ронда, кормандони Нозироти андози шаҳрро бо иди касбиашон муборакбод намуд. Ҳамзамон, идораи Нозироти андоз барои дастоварҳои калони меҳнатӣ бо Сипосномаи мақомоти иҷроияи ҳокимияти давлатии шаҳр ва кормандони идораи мазкур бо туҳфаҳои арзишманди Раиси шаҳри Гулистон сарфароз гардонида шуданд.

Таҷлили Рўзи якдилии меҳнаткашон

Дар Боғи фароғатӣ-фарҳангии «24-солагии Истиқлолият» бо дастгирии мақомоти иҷроияи ҳокимияти давлатии шаҳр, кумитаҳои иттифоқи касабаи корхонаву муассисаҳо ва ташкилоту идораҳо бо иштироки сокинони маркази шаҳр ва шаҳракҳо чорабинии идона ба муносибати Рўзи байналмилалии якдилии меҳнаткашон доир намуданд.

Ба пешқадамони соҳаҳои хоҷагии халқи шаҳр дар вазъи тантанавӣ Сипосномаи мақомоти иҷроияи ҳокимияти давлатии шаҳр ва туҳфаҳо супорида шуданд. Санъаткорони бахши фарҳанги шаҳр ба ҳозирин барномаи рангини консертӣ манзур намуданд.