Маҳфили "Адибони ваҳдатсаро"

Бо иштироки Раиси шаҳр Матлубахон Амонзода дар Кохи "Истиқлол" маҳфили "Адибони ваҳдатсаро" баргузор гардид, ки дар он намояндагон аз бахши суғдии Иттифоқи нависандагон шоира Гулнози Тоҳириён, котиби масълуи Шўрои ҷамъиятии Ҳаракати ваҳдати миллӣ ва эҳёи Тоҷикистон дар вилояти Суғд Мавлуда Шарифова, устоди Донишгоҳи давлатии Хуҷанд ба номи академик Бобоҷон Ғафуров Муҳиддин Файзуллоев иштирок ва суханронӣ намуданд.

Дар зимни баргузории маҳфили мазкур Раиси шаҳр таъкид намуд, ки падидаи нодири сулҳи тоҷикон манбаъҳои зиёд дорад ва ҳанўз дар кўҳантарин китоби муқаддаси ниёгони мо «Авасто» омадааст, ки «Мо сулҳу саломатиро меситоем, ки ҷангу ситезаро дарҳам бишканад. Бишавад, ки мо бо ҳамаи ростону дурустон, ки дар саросари кишварҳо ҳастанд, ҳамкору анбоз бошем ва ба якдигар муҳаббату ёрӣ намоем».

Меъмори сулҳу Ваҳдат

Дар толори бахши ҳифзи муҳити зист бо ибтикори мақомоти иҷроияи ҳокимияти давлатии шаҳр ва кумитаи иҷроияи Ҳизби халқии демократии Тоҷикистон дар шаҳри Гулистон бахшида ба бистумин солгарди баимзорасии Созишномаи истиқрори сулҳ ва ризоияти миллӣ мизи мудаввар дар мавзўи "Эмомалӣ Раҳмон - меъмори сулҳу ваҳдат" доир гардид. Дар ин нишаст аъзои кумитаи иҷрои ҳизб, раисони ташкилотҳои ибтидоӣ, вакилони ҳизб, роҳбарони як қатор корхонаву муассисаҳо иштирок доштанд.

Мизи мудаввар бо намоиш додани филми мустанад доир ба корнамоиҳо ва заҳмату талошҳои Асосгузори сулҳу ваҳдати миллӣ - Пешвои миллат Эмомалӣ Раҳмон дар сулҳи тоҷикон ва саҳми ў дар пешрафти Тоҷикистон ва муаррифии миллати тоҷик ба ҷаҳониён оғоз гардид.

Мусобиқаи “Маҳаллаи беҳтарин”

Ба истиқболи 25-умин солгарди баргузории Иҷлосияи 16-уми Шўрои Олии Ҷумҳурии Тоҷикистон тибқи қарори Раиси шаҳри Гулистон Матлубахон Амонзода аз 23-юми майи соли равон, № 145 баргузории мусобиқаи шаҳрии “Маҳаллаи беҳтарин” ба нақша гирифта шудааст. Доир ба мусобиқа низомномаи он низ ба тасвиб расидааст.

Бояд тазаккур дод, ки алҳол дар ҳудуди шаҳри Гулистон қариб 40 маҳаллаҳо мавҷуд буда, онҳо метавонанд бо мусоидат барои рушди иқтисодию иҷтимоии маҳал, тақвияти корҳои ободонию бунёдкорӣ, ҳифзи анъанаҳои миллӣ ва амсоли ин дар мусобиқа ширкат дошта бошанд. Мусобиқа дар доираи чорабиниҳои таҷлили 25-солагии Иҷлосияи 16-уми Шўрои Олии Ҷумҳурии Тоҷикистон ҷамъбаст карда мешавад.

Ваҳдат дар тасвири хонандагон

Дар Ҷамоати шаҳраки Зарнисор дар доираи силсилаи чорабиниҳои идона ба муносибати 20-умин солгарди Ваҳдати миллӣ озмуни рассомони наврас таҳти унвони «Ваҳдат дар тасвири хонандагон» дар назди МТМУ №10-и шаҳрак ташкил ва гузаронида шуд.

Дар озмуни номбурда зиёда аз 45 нафар хонандагон иштирок намуданд.

Аз рўи натиҷаҳо маълум гардид, ки хонандаи синфи 8-ум Гулзода Мирзоалиева сазовори ҷойи аввал ва хонандагони синфи 11-ум Мухлиса Содиқова ва Заррина Давкарова ҷои дуюму сею дониста шуданд.