Ҷаласаи Шўрои ҳаракат

Дар толории бахши ҳифзи муҳити зист тибқи нақшаи Шўрои Ҳаракати ҷамъиятии ваҳдати миллӣ ва эҳёи Тоҷикистон дар вилояти Суғд дар шаҳри Гулистон бо иштироки кормандони масъули Шўрои вилоятӣ ва намояндагони ташкилотҳои ибтидоии Шўрои ҲВМ ва ЭТ дар шаҳри Гулистон семинари дастурдиҳӣ доир ба маҷлисҳо ва конференсияҳои ҳисоботию интихоботӣ, бақайдгирии аъзо дар ташкилотҳои Ҳаракат ба вуқўъ пайваст.

Ҷаласаи Шўрои ҳаракати ваҳдаи миллӣ ва эҳёи Тоҷикистонро мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода ифтитоҳ намуда, меҳмононро барои ҳозирин муаррифӣ намуд. Мувофиқи нақша котиби ҳамоҳангсози Шўрои вилоятӣ Абдуҳаким Шарифов дар мавзўи "Доир ба вазифаҳои ташкилотҳои Ҳаракат", корманди Шўрои вилоятӣ Мавҷуда Мирпочоева дар мавзўи " Ташкил ва гузаронидани бақайдгирии иштирокчиёни Ҳаракат ва маҷлисҳои ҳисоботию интихоботӣ дар ташкилотҳои ибтидоӣ ва шаҳрию ноҳиявӣ", корманди Шўрои вилоятӣ Дилором Ҷабборова дар мавзўи "Оид ба ташкили коргузорӣ дар ташкилотҳои ибтидоии Ҳаракат", раиси Шўрои кўҳансолони Ҳаракат дар вилоят Қобилҷон Усмонов дар мавзўи" Доир ба нақш, вазифаҳо ва самтҳои асосии фаъолияти Шўрои пиронсолони Ҳаракат дар маҳал" баромадҳои судманд намуданд.

Олимпиада ҷамъбаст гардид

Дар асоси дастури раёсати маорифи вилояти Суғд ва тибқи талаботи муқаррароти Низомномаи Олимпиадаи фаннии хонандагон барои солҳои 2017-2018, ки бо қарори мушовараи Вазорати маориф ва илми Ҷумҳурии Тоҷикистон аз 28.10.2016, №16/24 ва бо фармоиши мудири шуъбаи маорифи шаҳри Гулистон аз 12.10.2017 таҳти №276 «Оид ба ташкил ва гузаронидани Олимпиадаи фаннии хонандагон» ба роҳ монда шуда, дар муассисаи таҳсилоти миёнаи умумии №1-и маркази шаҳр озмуни Олимпиадаи фаннии хонандагон аз 13 фанни таълимӣ ташкил ва баргузор карда шуд.

Озмун бо намоиши адабию фарҳангии гурўҳи хонандагони МТМУ №1–и маркази шаҳр ва бо сухани ифтитоҳии мудири шуъбаи маорифи шаҳри Гулистон оғоз гардид. Дар озмун кормандони масъули соҳа, омўзгорон ва падару модарон иштирок намуда, тариқи шаффоф гузаронида шуд.

Комёбии китобдорони гулистонӣ

Ба муносибати 20-солагии Ваҳдати миллӣ, 20-солагии Иҷлосияи ХVI Шўрои Олии Ҷумҳурии Тоҷикистон, 100-солагии Китобхонаи вилоятии ба номи Тошхўҷа асирӣ дар китобхонаи вилоятии ба номи Тошхўҷа Асирӣ озмуни вилоятии "Китобдори сол-2017" байни 18 шаҳру ноҳияҳои вилоят ҷамъбаст гардид.

Дар он сардори шуъбаи пуркунӣ ва коркарди адабиётҳои Китобхонаи марказии шаҳр Ширинмоҳ Султоналиева соҳиби "Шоҳҷоиза" ва ифтихорномаву туҳфаи Раёсати фарҳанги вилоят гардид.

Инчунин озмуни даври дуюми "Беҳтарин хонандаи китобҳои бадеӣ" низ ҷамъбаст гардид, ки дар он аз шаҳри Гулистон Зебои Собитдухт хонандаи синфи 7-и мактаб - гимназияи ба номи Бобоҷон Ғафуров фаъолона иштирок намуд.

Дастоварди варзишии андозчиён

Ба муносибати 25-умин солгарди Иҷлосияи сарнавиштсози 16-уми Шўрои Олии Тоҷикистон ва Соли ҷавонон дар байни кормандони нозироти андози вилоят мусобиқаи волейбол барои дарёфти "Ҷоизаи Раиси Кумитаи андози назди Ҳукумати Ҷумҳурии Тоҷикистон" баргузор гардид.

Дар ин мусобиқа кормандони нозироти андози шаҳри Гулистон фаъолона ширкат варзида, сазовори мақоми ифтихории ҷойи дувум гардида, бо диплом ва ҷоиза сарфарозонида шуданд. Ҳайати эҷодии "Соҳил" дарёфти мақоми ифтохириро ба кормандони нозироти андзои шаҳри Гулистон табрик намуда, барояшон комбёбиҳои беназир таманно даранд.