ВОХӮРӢ ДАР ҚИСМИ ҲАРБӢ

Тибқи нақшаи чорабиниҳои муштарак дар самти тарбияи ҳарбӣ-ватандӯстии ҷавонон дар қисми ҳарбии 45025-и Кумитаи ҳолатҳои фавқулода ва мудофиаи граҷдании назди Ҳукумати Ҷумҳурии Тоҷикистон мулоқоти масъулин бо афсарон ва сарбозони қисми ҳарбӣ доир гардид.

Дар вохӯрӣ мутахассиси пешбари бахши дин, танзими анъана ва ҷашну маросими МИҲД-и шаҳри Гулистон Суҳроб Тоҳиров, сардори қисми навбатдории ШВКД-и Ҷумҳурии Тоҷикистон дар шаҳри Гулистон, майори милитсия Ҷӯрабой Ҷӯраев, мутахассиси бахши кор бо ҷавонон ва варзиши шаҳри Гулистон Абдумалик Зоидов, сархатиби масҷиди ҷомеи марказии ба номи «Имом Бухорӣ»-и шаҳр  Муҳаммадҷон Усмонов доир ба масъалаҳои экстремизму терроризм – ҳамчун падидаи номатлуб, танзими анъана ва ҷашну маросим, ҳисси ватандӯстиву ватандорӣ ва сатҳи ҷинояту ҷинояткорӣ суханронӣ намуданд. Дар интиҳо мубодилаи афкор байни иштирокчиён ба вуқӯъ пайваст.

АКСИЯИ ҲИЗБИЁН ДАР ШАҲРАКИ КӮҲКАНОН

Бахшида ба Рӯзи Ваҳдати миллӣ ва 25-солагии таъсиёбии Ҳизби Халқии Демократии Тоҷикистон дар шаҳраки Консой аксияи унвони “Дирафши мост-ҳизби халқ” доир гардид.

Дар қисми  ифтитоҳии аксия раиси КИ ҲХДТ дар шаҳри Гулистон Муслимахон Ҷамолиён доир ба ғояи ваҳдати миллӣ, таҳкиму густариши арзишҳои умумимиллӣ сухан ронда, сокинони шаҳракро бо Рӯзи Ваҳдати миллӣ шодбош намуд.

Дар аксияи «Дирафши мост ҳизби халқ», намояндагони ТҶҶ “Созандагони Ватан” зиёда аз 150 варақаи табрикотиро ба ифтихори Рӯзи ваҳдати миллӣ тақсим намуданд. Ҳамчунин, дар ташкилоти ибтидоии ҶМТКММ “Апрелевка” озмуни “Шиори беҳтарини ҳизб” баргузор карда шуда, ғолибон бо туҳфаҳои хотиравӣ қадрдонӣ карда шуданд.

Анҷоми сафари давлатии Раиси Ҷумҳурии Мардумии Чин Си Ҷинпин дар Тоҷикистон

16 июн дар Фурудгоҳи байналмилалии Душанбе маросими гусели Раиси Ҷумҳурии Мардумии Чин Си Ҷинпин баргузор гардид.

Ба хотири гусели меҳмони воломақом майдони фурудгоҳ идона ороста шуда буд.

Қабл аз маросими гусел дар толори пазироии меҳмонон мулоқоти хоса ва гарму самимии Сарони давлатҳо муҳтарам Эмомалӣ Раҳмон ва муҳтарам Си Ҷинпин доир гашт.

Президенти мамлакат муҳтарам Эмомалӣ Раҳмон ба Си Ҷинпин ва ҳайати расмии кишвари Чин барои иштироки фаъол дар Ҳамоиши панҷуми Машварати ҳамкорӣ ва тадбирҳои боварӣ дар Осиё ва идомаи талошҳои созанда баҳри таъмиқи муносибатҳои дӯстӣ, ҳамкорӣ ва ҳамсоягии наку, изҳори сипос карданд.

Раиси Ҷумҳурии Мардумии Чин Си Ҷинпин дар навбати худ ба Пешвои миллат муҳтарам Эмомалӣ Раҳмон барои пазироӣ ва меҳмоннавозии хоси тоҷикона изҳори сипос карда, ба баргузории ҳамоиши панҷуми Машварати ҳамкорӣ ва тадбирҳои боварӣ дар Осиё дар давраи раёсати Ҷумҳурии Тоҷикистон баҳои баланд доданд.

Изҳороти матбуотии Президенти Ҷумҳурии Тоҷикистон Эмомалӣ Раҳмон аз рӯи натиҷаҳои сафари давлатии Раиси Ҷумҳурии Мардумии Чин Си Ҷинпин ба Ҷумҳурии Тоҷикистон

15.06.2019, шаҳри Душанбе

Муҳтарам Раис,
Хонумҳо ва ҷанобон,
Муҳтарам намояндагони воситаҳои ахбори умум!

Имрӯз сафари давлатии Раиси Ҷумҳурии Мардумии Чин ҷаноби Си Ҷинпин ба Ҷумҳурии Тоҷикистон, ки барои мо дорои аҳаммияти хосса мебошад, анҷом ёфт.

Дар ҷараёни музокирот, ки дар фазои самимият, эътимод ва дӯстӣ сурат гирифтанд, ба сатҳи бадастомадаи шарикии ҳамаҷонибаи стратегӣ миёни Ҷумҳурии Тоҷикистон ва Ҷумҳурии Мардумии Чин баҳои баланд дода шуд.

Дар баробари мубодилаи муфассали афкор оид ба доираи васеи масъалаҳои дуҷониба мо, ҳамчунин, мавзӯъҳои мубрами рӯзномаи байналмилалӣ ва минтақавиро, ки мавриди таваҷҷуҳи ҷонибҳо қорор доранд,   баррасӣ намудем.

Дар натиҷаи музокироти имрӯза маҷмӯи  нави санадҳо ба имзо расид, ки самтҳои ҳамкориро дар соҳаҳои тиҷорат, сармоягузорӣ, нақлиёт. кишоварзӣ, инфрасохтор ва илму техника фаро мегиранд.