ЗАН ҲАМҚАДАМИ ЗАМОН

Дар толори бахши ҳифзи муҳити зист бо занону духтарони фаъоли шаҳр вохӯрии гурӯҳи кории раёсати кор бо занон ва оилаи вилояти Суғд баргузор гардид.

Мудири бахши кор бо занон ва оилаи мақомоти иҷроияи ҳокимияти давлатии шаҳр Ойнисо Раҳматова мулоқотро ҳусни ифтитоҳ бахшид. Сипас намояндаи Раёсати кор бо занон ва оилаи мақомоти иҷроияи ҳокимияти давлатии вилояти Суғд Истамбону Расулова, дотсенти Донишгоҳи давлатии Хуҷанд Ӯғулой Умаралиева, директори ташкилоти ҷамъиятии «Насл» Орзухон Ғаниева оид ба «Муроҷиатномаи Шӯрои занони вилояти Суғд ба кулли мардуми шарифи Тоҷикистони соҳибистиқлол», тарғиби либоси миллӣ ва фарҳанги либоспӯшӣ, дастовардҳои Истиқлолияти давлатии Ҷумҳурии Тоҷикистон, тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва дигар санадҳои меъёри ҳуқуқии дахлдор, роҷеъ ба аксияи «16 рӯзи алайҳи хушунат» ва дигар масоили муҳим суханронӣ намуданд.

Маҷлиси навбатии Ҳукумати Ҷумҳурии Тоҷикистон баргузор гардид

27 ноябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Дар маҷлиси Ҳукумати мамлакат нахуст “Дар бораи Стратегияи миллии рушди омори  Ҷумҳурии Тоҷикистон барои давраи то соли  2030” ва “Дар бораи Барномаи корҳои оморӣ барои соли 2020” гузориши директори Агентии омори назди Президенти Ҷумҳурии Тоҷикистон Гулнора Ҳасанзода шунида шуд.

Таъкид гардид, ки лоиҳаи қарори Ҳукумати Ҷумҳурии Тоҷикистон “Дар бораи Стратегияи миллии рушди омори Ҷумҳурии Тоҷикистон барои давраи то соли  2030” сеюмин барномаи бисёрсолаи мақомоти омори давлатӣ ба ҳисоб рафта, барои таҳкими низоми омори миллӣ, таъмини муқоисапазирии иттилооти омори расмӣ дар сатҳи байналмилалӣ бо ҷорӣ намудани стандартҳои байналхалқӣ, таъмини фарогирии пурраи субъектҳои хоҷагидор, пайгирии нишондиҳандаҳои Стратегияи миллии рушди Ҷумҳурии Тоҷикистон то соли 2030, нишондиҳандаҳои Ҳадафҳои Рушди Устувор, беҳтар кардани ташаккули омори байниидоравӣ, таъсиси шабакаи ягонаи ҷамъоварии иттилооти омории ҷавобгуи стандартҳои миллӣ ва байналмилалӣ, равона мегардад.

ПЕШВОИ ХИРАДМАНД ДОРЕМ!

Имрӯз чанд нохалафи зархариду ватанфурӯш аз васоити ахбори омма ва шабакаҳои иҷтимоӣ монанди саги дайдуву девонае ба ҷониби давлати озоду ободи мо – Тоҷикистон аккос зада, ҳарзагӯӣ ва сафсатабозӣ мекунад. Дар ин ҷанги эълоннагардидаи хоинони ватану миллат, хонашерони майдонғариб дар гӯшае хомӯш нишастан ба мову шумо ватандорон шоиста нест.

Таърих шоҳид аст, ки солҳои 1991-1992 давлати Тоҷикистон қариб рӯ ба таназзул ниҳода буд. Дар он солҳои мудҳиш ягон шахсияте пайдо нашуд, ки давлати куҳанбунёди моро аз нестшавӣ нигоҳ дорад. Дар ин шароити вазнин шахси баору номуси миллат абармарди майдони хирад Эмомалӣ Раҳмон ба ҷавонии хеш нигоҳ накарда масъулияти бузурги давлатдориро ба зимма гирифтанд.

ОРОМ НАМЕБОЯД БУД

Имрӯзҳо ҳизбҳои террористӣ ором нанишаста барои ноором сохтани ҷомеаи муосири ҷаҳон ба ҳар гуна амалҳои номатлуб даст мезананд. ДИИШ ва дастпарварони онҳо барои ноором сохтани ҷомеаи кишварҳои Осиёи Миёна чашм ало кардаанд. Яке аз дастпарварони онҳо роҳбари гурӯҳи террористӣ – экстремистӣ ҲНИТ Муҳиддин Кабирӣ ба ҳисоб меравад, ки барои ноором сохтани ҷомеаи тинҷи тоҷикон аз ҳама гунна усулу нишондодҳои хоҷагони пулдорашон, оромиву осоиштагии моро вайрон кардан мехоҳад. Бубинед он амале, ки онҳо дар маҳбасхонаҳои Тоҷикистон ташкил кардаанд аз ҷумла дар вилояти Суғд, шаҳри Ваҳдат карданд. Ана акнун ҳуҷуми хабисонаашон ба дидбонгоҳи сарҳадӣ.

Боз  ҳизби террористи экстремистии  ҲНИ -  имрӯз дар қаламрави кишварамон амалҳои номатлуби худро бо дасти чанд гумроҳзадагону зархаридашон амалӣ карда истодаанд.