Мирзораҳматов: Китоби Ҳикматулло Насриддинов фитнаангез аст

Саломиддин Мирзораҳматов публитсисти шинохта, ки бештар таърихи Тоҷикистони шӯравиро пайгирӣ мекунад, дар як матлаби худ китоби “Таркиш”-и Ҳикматулло Насриддинов, ходими давлативу сиёсиро мавриди  интиқоди шадид қарор дода, онро “фитнаангез” унвон кардааст. “Таркиш” андешаву ақидаҳои Ҳикматулло Насриддиновро доир ба Тоҷикистони Шӯравӣ фаро мегирад. Мирзораҳматов бар он ақида аст, ки ин китоб саросар аз маҳалгароӣ, фитна ва бӯҳтон аст.

ҶАВОНОН АЛАЙҲИ ВНМО ВА НАШЪАМАНДӢ

Дар толори муассисаи таълимии №1 шаҳри Гулистон конфронси илмӣ-амалӣ бо иштироки омӯзгорон ва хонандагони синфҳои 9, 10 ва 11 бахшида ба Рӯзи умумиҷаҳонии мубориза бар зидди Вируси норасоии масунияти одам, ки проблемаи глобалӣ мебошад, баргузор гардид. Ҳамоишро омӯзгори фанни химия ва биология Махсуда Раҳмонова оғоз намуда, оид ба ташаккули тарзи ҳаёти солим, доир ба пешгирии бемории вируси норасоии масъунияти одам дар байни наврасону ҷавонон суханронӣ намуд.

Сипас сироятшиноси Маркази ВНМО дар шаҳри Гулистон Вафо Бобокалонов зимни баромади худ таъкид кард, ки бо мақсади паст намудани шиддати паҳншавии сирояти ВНМО дар ҷумҳурӣ барномаи махсус амал карда, тибқи он доир ба баланд бардоштани савияи дониши ҷавонон нисбати ин беморӣ ва расонидани хизматрасониҳои тиббию иҷтимоӣ ба ниёзмандон, дастрасии аҳолӣ ба хизматрасониҳои босифат оид ба пешгирӣ, табобат, нигоҳубин ва дастгирӣ вобаста ба сирояти ВНМО корҳои мушаххас амалӣ карда мешаванд. Хонандагон бахшида ба ин сана газетаи пурмазмуни деворӣ намоиш дода, байни онҳо викторина гузаронида шуда, саҳначаҳои пурмазмун оид ба пешгирии бемории ВНМО ва нашъамандӣ  намоиш дода шуданд.

ХИЁНАТ БА ВАТАН – ХИЁНАТ БА МОДАР АСТ

Хоини миллат оне аст, ки дар Ватан ба камол мерасаду нону намаки миллатро мехураду дар охир ба миллати худ хиёнат мекунад, Сайидюнуси Истаравшанӣ барин шахсиятҳо паси пардаи ислом истода, ҳар гуна иғвоангезӣ мекунанд. Ҳоло ин ки ислом ба ягон ҳизб тааллук надорад. Гуноҳе, ки ин сагони миллат нисбати халқ мекунанд нобахшиданист.

Ин шахсиятҳо бо суханҳои дурӯғи худ миллати тоҷикро дар назди башар шарманда кардан мехоханд. Ин душманони дини мубини ислом аз эътиқоду динии мардум истифода бурда тавассути ҲНИ мехоҳанд дар минтақа вазъи ноором сохта ба ниятҳои нопоки худ расанд.

Президенти Ҷумҳурии Тоҷикистон Эмомалӣ Раҳмон дар Вохӯрии дуюми машваратии сарони давлатҳои Осиёи Марказӣ иштирок намуданд

29 ноябр дар шаҳри Тошканди Ҷумҳурии Ӯзбекистон Асосгузори сулҳу ваҳдати миллӣ —  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Вохӯрии дуюми машваратии сарони давлатҳои Осиёи Марказӣ иштирок ва суханронӣ карданд.

Дар вохӯрӣ Президенти Ҷумҳурии Тоҷикистон муҳтарам Эмомалӣ Раҳмон, нахустин Президенти Ҷумҳурии Қазоқистон Нурсултон Назарбоев, Президенти Ҷумҳурии Қирғизистон Сооронбой Жээнбеков, Президенти Ҷумҳурии Ӯзбекистон Шавкат Мирзиёев ва Президенти Туркманистон Гурбангули Бердимуҳаммедов ширкат варзиданд.

Сарони давлатҳо аҳамияти Вохӯрии машваратии сарони давлатҳои Осиёи Марказиро таъкид карда, маҷмуи васеи масоили мубрами ҳамкории минтақавӣ, аз ҷумла, дурнамои ҳамкории тиҷоратӣ, иқтисодӣ ва сармоягузории кишварҳои минтақа, рушди инфрасохтори нақлиётӣ, ҳамгироӣ дар бахши илмӣ-техникӣ ва фарҳангӣ-гуманитарӣ ва масъалаҳои амнияти минтақавиро баррасӣ карданд.